我的裝修日記(二) 判頭篇(要Share出去，唔可再俾人揾笨)

 如果你再一次問我，日後再搬屋會會不會選用工程公司，我可以答一定不會。原因係呢D所謂既工程公司老闆︳其實佢地所有既工程都係"外判"，裝修主要分5類

1)清拆

2)水電

3)泥水

4)木工﹑油漆

5) 傢私﹑清潔

工程公司既老闆其實除左係比你熟成過流程之外，其實上如果時間上你會優幐過佢，而心思亦會比佢好，原因係佢大多工程或佢跟本只想用最平同最簡單既方法去倒模咁做你間屋Job, 如果你自問心思同時間上優勝，根本就唔駛揾呢D判頭。因為所有既工作佢只係Outsource俾人﹗你只要有其他如木工﹑水電電話，已經可以發走佢﹗

在網上已有大量呢d唔同類型既公司，好像在https://www.hellotoby.com 這個網站已有唔少既公司可以俾你價格同揀，跟本無必要去揾呢d判頭去做。但由於我係第一次進行全屋全爆既過程，所以我唯有選用工程公司，事後我已經將呢5類個裝修師父電話全部抄晒牌，以後待我日後裝修或朋友之用

而我選用的公司，係所有報價中最平，只係23萬，原因係佢乜都唔包。唔包門﹑磚﹑水龍頭等等。咁我就可以俾佢唔食太多錢﹗因為其他唔包既野我可以"淘"或者自己揀靚野番黎用。你揾得師父佢一定係俾最CHEAP既俾你﹗

後來我先發現，呢D 所謂既工程老闆其實都好貴，先出post 佢張合約，一見就錯漏百出，同一張單有3個唔同電話號碼(見圖), 就知佢一定係唔細心既人。而且公司電話都改過兩次，你懂的就知乜事。

就要一個安裝馬桶為例，標價係$1500，但其實安裝一個馬桶係我樓下既水電師父只係收$800，即係佢已賺左你一倍。而馬桶既安裝係屬於電工一部份。

以2022年新一季一個電工日薪係$1400左右。當你以後裝一個馬桶要$1500,咁佢都係食左你$100差價傘，咁你就大錯特錯。原因係$1400係可以做全日野，即係佢可以係同一天完成裝馬桶，裝水龍頭﹑掛架呢三項。

睇番師父張單，馬桶收$1500 / 裝水龍頭收$2000, 裝毛巾架收$2000, 一天之內係可以完成

咁既係你白白咁俾人賺左(2000+2000+1500)-1400 = $4100

不過呢D智商稅對我來說係完全甘心，因為我真係乜都唔識，但經過今次之後，我肯定不會再發, 。另外淘寶上有唔少龍頭係"扭"落去，非常簡單就算一個女生也做到，你只要有一個扳手就已經搞惦(我係選呢呢款)

注意內地既龍頭係同香港唔同，內地係3分內牙，而香港係4分內牙，你只要買一個呢個part就可以淘到黎香港用。同埋裝毛巾架係用貼膠水方式，跟本唔駛師父鑽牆，所以其實你跟本就可以呢呢三項斬去餘下馬桶就足夠

我用既龍頭

https://detail.tmall.com/item_o.htm?abbucket=7&id=41285443872&rn=621a6167eaee6971ee2d081e8fdb9d73&spm=a1z10.5-b-s.w4011-14601288098.23.48745779eYWqtM

3分轉4分配件

https://detail.tmall.com/item_o.htm?_u=71qgfdva99c&id=641368537609&spm=a1z09.2.0.0.63c52e8d5jRqFa

我的裝修日記(一)

 2022年對我真的是不平凡的一年，踏入下半年開始，我的人生由以前的日炒夜炒改為全力化大量時間去進行了解裝修工程，由一個門外漢既我︳開始展開第二個人生階段︳我覺得做裝修工程真係會令自己心力交瘁，呢段時間我越近年尾要趕新年前入件，真係覺得失眠﹑心煩氣燥。

我在2022年四月左右Full Pay了一個自置單位，選擇在2022年四月買入因為當時香港在新年2月時爆發近3萬名確珍個案，去到四月時人數已大幅回落︳當時美國剛剛開始加息，自以為樓市會開始平穏﹑通關在即，眼見樓市回調了一點，就下單買了。原因係我在2021年開始轉入另一單位後︳一路都發生不如意既事，無論係工作上同健康上都出問題，經一名風水師(後來看了蘇師父徒弟) ，才知問題所在。所以希望在購入單位後踏入2024轉九運前搬離呢個衰宅，唯沒想到之後樓市急速下滑，應可以說我的樓市經驗非常淺，沒看過任何大加息和政治環境下，想不到現在樓市還下調之中︳可幸的是我的屋苑價格非常硬淨，由於三房單位較少成交，到今天為止只輕輕有5%左右的下調，加上自住唯有咁安慰自己

同時我亦冇相熟的朋友或介紹做裝修，由於自己較多時間同喜歡事事親力親為，於是朋友介紹了幾間公司報價給我，包括做中價位的公司﹑主力做劏房的公司(呢個係朋友介紹︳由於佢既單實在太簡陋我已直接丟左佢), 去了中價位公司一個約500呎既單位大約要76萬，不包門﹑磗等等。最後我自己在5間公司之中︳選擇了由"極用裝修設計公司"推介的工程公司接手

先簡介一下極用裝修設計係一間大陸公司，香港在火炭有舖可參觀，我參觀過他們公司和部份完工的價單相片後，網上有大量他們的完成圖，起碼不會出現貨不對辦，於是全屋的傢居就由他們處理。由於要設計大量3D圖，於是我由5月開始連續3個月不斷咁同佢地設計員溝涌，他們還好安排了一個廣東話的設計師給我。呢個時間我仲將個單位返租了業主，因為佢地要遲D交吉，我就答應了他們租到9月，自己心想要設計差不多3個月。那就租給他們吧，不過呢個係我後悔既開始，因為租給他們後，我現在住的單位樓下居然搞裝修，結果這半年內的就忍受了他們不斷嘈﹑塵土發揚等等，而老婆更因吸不他們的不明氣體懷疑把以前的嗜酸性白血球重新復發﹗我一度以為係另一惡夢既開始，到現在情況還未停止︳希望可以在月底前搬離此地方

極用裝修設計

https://www.jykj789.com/?gclid=Cj0KCQiA7bucBhCeARIsAIOwr-9V30Mt6MKw20ixMvYgupcOeZGvGyseeI7VEzro6vlKb9MECFCTObgaAl1fEALw_wcB

財商

人真係一個奇怪既動物，永遠有唔知足既日子，呢D只會為我們下一代帶來不必要既煩惱同戰爭既種子

人生既意義係D咩？照顧好上有高堂﹑子女和成為賺錢機器?想像一下如果你有一天退下來，你會做緊D乜？同邊D人一起過？點樣過生活？呢D問題一直呢十幾年不斷咁問自己，我既智慧真係用好長既時間才了解到答案

其實唔係樣樣都係為左錢，今日有感而發︳一個好好既大醫生朋友，在聚會後期傾下才知識佢患有抑鬱。說今日既制度下每3分鐘要睇一個症，壓力大，但因大醫生月入十幾萬，加埋老婆做護士長達20幾萬一個月。每天要我教佢點可以炒股票致富，制做passive income~ 

佢話因為冇現金流，D錢去晒供三層樓，唯一減壓啫好係不斷買黑膠麻醉自己，仲想脫離家庭子女自己搞過私窠減壓去玩hifi。不斷話自己中年危機﹑壓力大之類，呢D好明顯係40-50 range男人有既問題。主要係睇佢自己過唔過到自己過關。我問佢如果你夠錢退下來會點？點為之夠？同想做D咩完全答唔到，只不斷咁問我點可以判斷技術走勢﹑分析........買入點...........點可以將之前買到既阿里巴巴﹑滙豐賺乜錢之類咁........

所以我認為財商真係好重要，我覺得就算佢有齊晒我既功力，相信一定會炒到輸到乜褲，因為佢不斷咁比較，話人地有幾多錢﹑有幾多層樓，而自己仲供緊(雖然已有租客幫佢供), 我話供多十幾20年就係你，咁你做乜要咁急。好明顯佢係呢個香港"不建全制度"下，令到佢變得好急﹑好進取，做醫生係要慢同細心，你咁急係炒股票大忌，所以我唔會教佢任何炒賣方法，因為咁做無論係期權﹑期指都會輸到.....................

各位真係要好好想一下，日後退下來會做D咩？希望你已經找到﹗

隨想

 

早兩天在父母家中吃飯，言談之間兒子在食青椒時說出賣菜既人係冇文化既人，呢句說話一直在我心中揮之不去，當時已經即時指出每個人既命運唔係可以百份百掌握在自己手上，你能夠有活在當下，在香港生活，而不是在內地，並不是因為你自己好高貴，而係全隔你的太爷當年以36歲之齡，跨過無數既山頭，逃難到香港，而當時你的太爺，都是做苦力出身，英雄莫問出處，今天在一個富翁環境下，的確係會令人隋落，所以千萬唔好因對方既工作同出身去判斷一個人既成就。

不過我想了兩天，這個教訓好像很未很深刻，今天再抽出來和兒子說教一番，例如佢一早認識既袁隆平，中國水稻雜交之父，用一個故事形式會比說教更好，我就問佢，你覺得袁博士佢有冇文化素養？

兒子就話佢可能有亦可能冇。

我就再答佢，佢畢業後一生只置力於發展雜稻，令到全世界既地方推廣雜交稻米，直接或間接令到好多人得到温飽，同時佢都係大學讀書出身，佢既情操﹑教養，有冇素質，呢D都係後世人去評論佢。

之後佢就開始明白呢個道理，但我認為佢還欠一些挫折同失敗才行，否則日後就好似袁紹呢個例子咁，自命太多，看不起人而最後失敗，呢點我叫佢好好記著，以免日後搞到原本可拉攏既朋友都因為佢既行為而巰遠佢

另外今天看到一個 移民十幾年澳洲既朋友在facebook談及有關 英國港人取笑香港人牛油貴事件，對我來說無論係香港人取笑英國港人牛油貴而引起爭論，抑或係英國港人取笑香港人既無知, 我反而覺得朋友既一番值話值得cap下來。引以為介，融入當地生活，唔好再係呢D無謂谷晒時間才是重點﹗

移民與資產配置

 最近收到一個緊急電話，大意就係老婆個朋友在移英後急需大約7萬周轉，由於呢個係太太既好朋友︳雖然我唔係好深交，同時只係"家長"關係，但覺得抱住預左唔會還既心態下，同太太商量後決定用理由推郤，原因係我一直覺得借左就一定冇得還是其次，最大問題係反而借左會冇左呢個朋友，因為你借左俾佢，佢冇又錢還，實唔好意思，就一定會疏遠你，相反如果你唔借俾佢，大家反而都可以係回到香港可以約下出黎食下飯

之後事情還未完結，就係那位某君因周轉問題，要將香港層樓賣出，同時要將個死約既租客踢走，佢話呢7萬係用黎還俾租客既錢，到收到鎖匙就俾賣樓俾番錢我。甚至乎可以將賣樓既錢或將個名"過俾太太"，原因係話我地信得過之類咁。但我已經婉拒左佢，同時賣樓呢D錢係唔可以直接入我依，應係正規咁入番去律師樓，我只答應可以幫佢同租客收番個鎖匙同幫佢拍下照再交俾地產，就當係盡下人事

最後我發現到其實佢只係同個租客有4個月左右既租金未還。佢個租客係內地人，同時一次過交左12個月租金俾佢，佢收到錢後就急急腳移左佢英國，但唔知係乜原因，可能去到英國後一闊三人(2公婆同一個小孩, 都是為了未來而走) ，我有研究過其實佢點解唔等埋個租客俾住埋個四個月死約先收樓去賣，咁急要踢人走又唔係太好，其實四個月唔差好月，每月可以收到租萬幾蚊，再加上係英國做份男領應可以足夠生活有餘。租客唔肯交還鎖匙係因為地產舖話要佢地即走，結果因引一連串問題，原因係呢位某君唔識做普通話，而呢租客又唔識廣東話，結果佢地之間就由個地產代理代溝通，我相信係呢間"利嘉X"因為想賺多D commisson就同個租客講話業主要踢佢走，咁佢又可以做到一個生意。唉...........最後業主又因唔夠錢在英生活洁居而冇錢踢走個租客，引起一個誤會同大Circle~

最後經我溝通後，終於係今日攞番屋匙，入到屋佢D欠單有兩本電話簿咁厚，我見到都驚，D 寬頻單﹑電話單﹑信用卡單我一路幫佢拆開足足欠幾十萬.....................

唔全唔理解點解走得咁急，明知冇錢仲過去，但又唔做野，依賴積蓄可以等幾耐？點解唔搞自動轉賬？D單地址又冇做forwarding, 諗著一走了之。

我只係覺得移民係一件大事黎，起碼也要係移民前做一下planning,計下要用幾多錢同去到個到用幾多，退休又用幾多。唔係人地話移民好易, 5+1就得，咁只係害左下一代

香港前景

我一直以為在社會事件同疫情後香港就可以回復以往既色彩，但最近有一番新體驗，因感受到香港既前路，好像看不到前路而迷惘

首生香港四大產業中，旅遊﹑進出口貿易，專業服務同金融業。在不通關情況下，旅遊業有目共暏，即使好像澳門的通關又如何？澳門其實一早已經同內地通關已久，只是未向外通關，在打擊走資方面，自太陽城一事中，可以睇得出有幾多游資同香港﹑內地既洗錢行為在賭業中去洗白。澳門現在通關後已一年，還未及疫情前水平的2成。要這樣發展下去，澳門業的賭場向來在未來2年間倒下也不出奇。

以澳門一例，假如香港和內地或海外任何一地通關，旅遊業也不見得可以即時有活下去既能力。而本人從事既進出口貿易中，深深感受在不通關情況下，香港的四大產業已經可以話到達黃昏，原因係在疫情前，香港的運費水平和內地只是只有10%左右既差異，最重要係香港以清關快﹑時效穏為主，即使在疫情不通關情況下，內地都會堅持採用過境車在香港歧貨再出口，當中帶動既除了運輸業受惠外，連帶汔車﹑道路收費﹑會計等等專業服務都可以受惠到。但自從呢個嚴謹既動態清零底下，中港運輸司機同時效已經比以前上升3倍，重點係3倍，而唔係10%既差異，呢一點令到本人同以往合作既物流公司，都一改再在香港為基地出發，而直接以內地為Start Point, 特別係呢一年間，我見唔少同行已經唔再利用香港為轉口港，因為內地在快船.慢船，無論去任何一個國家或地區，費用和時效都比香港優勝，我實在看不出仲有乜理由在香港發展

而唔好以為中國加入RCEP後對香港有好處，中國加入後即係對呢D國家取消所有關稅，香港成功之一係轉運服務，唔少呢D國家都會運送貨品到香港，再經香港轉口內地，咁無論RCEP或CPTPP都好，將來既智利紅酒﹑Mexico牛油果﹑遠到澳洲既產品都唔需要再經香港慳關稅(佢地有好多係利用香港貨運拆貨後，再分柝到國內唔到地方，同時以低價關稅再入口中國), 咁日後佢地就可以飛起香港

呢一點對將來既金融同專業服務都有好大既衝擊，看上去，澳門已被割九菜了，香港如果仲唔加快新產業鏈既話，只會係下一個九菜一部份。唯一係加快創科，取代進出口物流業，已經其一一個新產業鏈，香港才有得救。市值達10億美元既獨角獸中，呢幾年間已發展去到有十個，已經超過左Singapore~ 香港既前景暫時好依賴仲有冇人有信心去投資呢D科創企業~

Reference 

盤點 11 隻港產獨角獸！不怕食老本 戒本土圍爐

https://unwire.pro/2021/07/12/hong-kong-unicorns/feature/

三角戰略 - 十年來最佳遊戲

 已離開多年Game界既我，係到誠意推薦一個策略遊戲 - 三角戰略，相信係近十年黎最佳遊戲之作。現金既遊戲離不開動作出式﹑高解像素﹑一大群敵人在屍殺，當你不斷升級之際，敵人又無輪迴升級，令你離不開不斷咁買武器，升經驗值打大佬之類，即使係即時策略也離不開呢個原素，令人玩兩玩就會收手，覺得浪費時間

而三角戰略正正係擺脫以往呢D設定，以2D 拉動3D "低"解像素將遊戲程現眼前，當你以為佢係用16Bit 或32Bit的像素去畫出來，但其實佢既動畫都係扮Low Tech野，當你開始遊戲就會真正感受河水在流動﹑人物的動作絕不馬FULL，在16Bit下係真有表情。以回合制來說，佢加入不同地形﹑例如下雨時弓箭手的射程合中會減弱，高低位會無法射中﹑茖雨引起既水洼會引起傳電令到敵人大範圍中招等等﹑背後偷襲或前後夾攻會令到有唔同情度既加成，以Hard Mode黎講係相當有學問同燒腦，出場人數和帶乜人上陣都係重要選擇，令人意想不到既Timer Traveler﹑地形師﹑工斧手或小丑呢D特殊角式會令到你係選陣時要好好設定。唯呢D都唔係呢個Game最成功既地方

一個好既遊戲其實係代入感，你係要真正咁代人主人翁你先會得到認同感同存在價值，三角戰略正正就係呢幾十年黎Game界所欠缺既野，現在時下熱門既Game的確係你控制主人翁，做決定﹑選線之類同大量既劇情內容，呢D都係令玩家係劇本密集式編排下安排而設定，由於大量和劇情無關既內容，往往令玩家唔知自己做乜又或太多支線，令到跟本你太大自由度而冇左投入既感覺

三角戰略正正就係在文字選寫同每個人物既刻劃留下深刻既印象，人物之間既選擇係冇正與邪﹑對與錯之分。主人翁即係你﹗好容易就可以投入遊戲之中

故事係講述三個國家係爭奪鹽後既故事，由於掌握鹽就係控制全國既經濟命脈︳而主人翁就係係三個國家之中，其中一個國家既大臣，簡單來說是一個小小軍閥，你就要係呢班國家之中找到生存之道，佢地會常常想利用你﹑之後搾乾你就踢走你﹗而遊戲亦真正係會有"Game Over"的

成個Game既故事選線亦冇正邪同對錯之分，就像其中一幕，為左反攻皇城，你會選擇軍師既炸毀提霸水淹王城令敵軍同人民全部滅亡，抑或用王子既計劃︳利用王室秘道會偷襲首領做一個斬首行動，第三係聽老婆講炸左主城個大橋，令到王城糧盡而選擇和談

軍師既方法最有效，係必勝既選擇，但人民死亡太多﹑同時炸提霸後日後經濟會有問題

王子既偷襲方式係最快﹑但危險性太高，萬一秘道被封會全軍滅亡

老婆既圍城對人民損失最少﹑但不保持對方會和談同時會日後有援軍趕到

你每一個決定同選擇，都會面臨日後重大既後果，呢個就係遊戲中既投入感成功原因。再加上三角戰略既故事，其實係活生生係我地現實中出現。

例如一心係為復仇復國既王子，最後會因利益下，決定放棄一直守護佢地既小數民族，而將佢地交俾敵對國家，接受有限度既自由同人民滿足，呢一點我相信好多人會感同身受

而老婆既選擇係決定脫離呢個紛爭既國家，尋找一個樂土去生活︳放棄現在所有既野，重新再黎過。

軍師就最正路，就係要不斷咁利用別人上位，所謂弱國冇外交，只要符合國家利益，就算佢係殺父仇人都要合作，其實同現實生活又有乜分喇？

遊戲亦會因選擇價值觀，無法妥協下，最終會因敵對強大政權下為自由而戰而死亡，相信對於回合制既戰略遊戲黎講，三角戰略可以算是近年難得既Game, 誠意推薦

以大戶思維同期權角度分析期結30/4爆上之迷思

   4月29日科技股突然破上，連續補回兩個裂口。是為極利好訊號，好多人認為呢個係外資既動作，係趁冇北水時外資夾爆港股，有唔少KOL(例如朱姓)就係其中一位，多番強調係外資夾爆，以為有春江鴨因中美之間既會計底橋有希望，迫中資股星期四回歸時就會打回原型。或令中資機構被迫參與呢件事，咁到底又係唔係呢？

我地先理解一下內地係30/4到4/5係收市日。咁代理29號中資機構係仲有參與呢件事

再返查番成交，睇番科技股幾隻大型權重股  700 3690 9988 係4月28日當天成交都係同平時差唔多，重點係28/4係期結日，理應呢個成交會比平時為多，但呢個情況仲係保持不變，咁即係成個夾爆行動係28/4未部署

不過如果有細心留意3033南方ETF既話，你就會留意到呢個權重科技股係27/4 28/4已經開始部署，同時我地比較期權現金流無輪係中資或外資︳一早已經係25/26號已部署好幾億既資金黎炒，而唔係係30/4才借消息炒上

成條數以前佢地只係部署幾百萬既Put價，但去到25 26 27日，已明顯已經部署好晒，就係等中資機構無法係4/5前開市前平倉獲利~

聰明既你應明白明天開市要點做？ 

期權本身係零和博奕遊戲，可以慢慢睇下之後日子發展成點再參加呢個大包圍，如果係純用集中某一兩隻權重股，不了﹗你看看D 成交volume，就會明白點解選3033,而唔係單一700 9988呢D個別股票

期權操盤分析

 

Option Jack係我認識期權既一個導師，記得剛剛開始學期權時，一直會以佢為我目標，同時我亦係佢身上學到好多有用既知識。現在我已長大了，為免唔打擾人地既"生意"同時我亦好尊敬佢， 我唯有係我呢個小小既地盤分享一下我對佢既手法.

睇番文章Option Jack係13/4做左SC 55同LP50呢兩個動作︳筅不論係13/4做係咪正確日子，我地可以先用時間值去計算一下，由於我唔知佢既時間，因為呢個係有好大既差異比

1) 首位係月中做期權，利用時間值既收縮係一個好既方法，呢點Option Jack係做得好，起碼比起月初每月做SP SC既人黎得醒﹗不愧係我既啟蒙老師，月中既收縮平均會比月頭快1/3左右

2) 13/4是為跌市開頭，睇番個平均線同阻力位，Option Jack都找到一個好位(由於我唔知佢實際trade時間，所以疑點龜於被告，所以我幫佢寫好

3) 不過如果我地利用番ATR同阻力位，其實佢跟本唔需要係55蚊止蝕，由於HSBC已橫行左一個時間，咁唔係爆上就係爆茖，係個一刻做我已經ensure佢一定認佢一定係會茖，不過如果錯邊，佢要LC番個IV會高，係蝕章唔著數

4)睇番0.618位，剛好係55蚊，亦代表破左55蚊後才action為佳，成個trade 根本係用TA走，唔需要去咁做止蝕

5) 利用基本既期權現金流，由於小弟係日日數﹑日日睇，所以已經好清楚話俾我知HSBC會跌硬，問題在於你有幾大信用去做呢個Trade (當然我最後當天只係做SC,冇做LP)

其實事情好簡單，我地每做一個Trade，應多加自己用宏觀角度去做一個交易，而唔係所謂既感覺或單向性思維

跌倒，是為未來走得更遠

 

一直以來，我一路都覺得佢比我走得更快﹑更猛同更進取，唯我一直認為唔係一件好事，好幾次行山時，有想推佢一下，等佢試試"滾"下前的感覺，我曾經將呢個想法分享俾我D朋友聽，佢地都話我好痴線，點可以推自己個仔茖山。

而我反而認為︳一個人一生中太平步清雲﹑沒有遇過D挫折，並唔係一件好事，同樣地，所有事情都係"規劃"之中，那麼你既應變能力﹑反應﹑危機處理就唔會進步既空間，我所陪養出來的人，我唔想要一個讀書全部係A級，但處事低能既人。我要既培養出來既兒子，係一個有分析能力，知道整個世界，社會是什樣走﹑什樣運作既人。好遺憾，我自己差不多到年近四十才慢慢有自己呢方面既全面理解，而佢在我默化下，亦開始了解到人類既文明，中華既文化，世界經驗既運作，看得出佢已經可以代表學校參加校際常識比賽︳而不會輸及華仁皇仁既學生。唯最大既問題，係佢一生人中都未試過一些挫敗既事情，呢一點我係非常唔認同，就好似我地既政府咁，DＡＯ個個都係優秀大學生，全部都係頂級學府畢業，一生中亦都冇乜挫敗﹑平步青雲咁，所有事情都係佢地"計算"之內。咁又會唔會係一件好事呢？

呢D人遇到突發既事情，佢地就冇能力去應付，原因係佢地欠缺危機感，亦一生中冇乜特別挫敗，當預到不可預測既事情，例如Ｃｏｖｉｄ—１９香港封區封城，就會搞個大頭佛出黎，而我係唔想培養呢種高分低能既人。所以我認為挫拆同失敗感係一個好重要既Ｌｅｓｓｏｎ～

而佢今天炒車了（其實係三月時炒）（我一早提過佢唔好查咁快，同時今日佢仲比平時仲快），結果佢就係一個轉變茖隊道位炒車，我同佢講你真係好好彩，如果你係撞到個頭，你一定已經上左天堂，當下佢終於明白醒過來，之後所有既行程，都係我後面跟隨。香港既十大高山，我地呢三個年頭已經差不多行晒，疫情期間我們差不多隔天就去登山，雖然學習係少了，但我認為訓練出黎既耐力，會帶俾佢日後一個重要既回憶同留下重要既故事，以及子孫都可以一路咁跟下去走。

提外話，今天期結了，四月份我將以往既操盤手法改了，同時將以前由炒ＨＳＩ改為ＭＨＩ細期，壓力少了，同時倉位亦全部係收息，只保留炒期指同期權呢款低風險既操作，在冇壓力下創出了歷史佳續。４８勝２負，呢個紀綠相信好難打破，現在覺得看圖已經唔需要再畫線，亦唔需要有任何既成交或任何指標，只要給我看一下，自然會看出買入點同止蝕位。看期指如同浮雲一樣，何時買﹑幾時買，幾時唔應該買都可以一目了然，茖盤已經唔駛ｍｏｎ住，全個過程都係幾秒搞惦，我有自滿﹑自信既感覺，我相信我技術已經唔會輸比任何人，唯有自己才是最大既障礙

有圖有真相﹗呢D先係技術分析

 一個圖, 四千點，升就沽︳跌就買，睇阻力同Trend行, 兩邊買，90%Win Rate

最近將自己個profile再做改良︳用了一個全新既手法去trade期指(講得唔好聽係我融合左艾文同自己既方法)結合而成 

之後就開始收集收息股，因為小弟唔想再浪費無限時間去炒股票了，利用"消息"呢D動作，實在令人太攰，加上中港既政治層面常常損手，就算小弟技術再好，都逃唔出呢D股票配股或政治打壓而中止蝕離場，所以小弟全倉只係得番D收息股。未來方向都係以期指為夾錢工具，以收息做長期穏定既做法

開班L 實況2 (開名﹗一個姓朱既KOL)

 最近受到Invite 進入一個開班L實錄既群組，由於要進入群組要花費幾萬。我對要花幾萬蚊進入一個群組其實真係匪而所思，如同好似以前跟Pan Sir一樣花幾萬蚊去報讀佢個Reits課程 。不過由於一個值得遵重朋友推介同時我很感恩佢"友情價" Invite我，所以我就入左Group

睇番個群組有大約200幾人，阿Sir都好活躍係咁覆，咁又係既，每人收4萬幾蚊。即一年800萬收入，一年可以買一層樓，俾我都全力回覆喇

其實之前我一直都退出唔少群組，因為對我來說唔想太浪費時間係群組對話當中, 生命有限，錢財無限。以有涯勝無涯，實在唔係我想參與﹗令我聯想到為何唔少我尊敬既Blogger一個一個咁離開群組~

講到群組既內容，其實離不開海量既資訊，由於我已有大量呢D 收料台，所以其實係冇乜特別。呢D資料其實要揾簡直易如反掌，同埋派"Number"

同時呢個KOL 過渡集中係一D基本分析上︳佢最大既問題係花好多時間去做呢D研究既工作，往往出現對該股票產生感情，呢點係投資大忌既地方，同時佢亦有唔少主觀既睇法，例如用"仇狠"佢形容BABA，雖然我一向都對BABA呢D股票冇乜好感   但老實講我買股票係唔會用呢D主觀既方式去入手同沽空︳我相信呢個基金界既KOL︳應之前損手唔少錢係BABA身上，先會不斷咁放負

仲有佢不斷咁係Imoney同自己群組開live叫人買港交所，玩SP OR LC (當時480蚊),話去到450蚊就好平，可以去馬，但當港交所跌到450時，再到 430 400 380 350時︳會員亦忍唔住問佢關於388係咪要止蝕，拿拿拿, 呢D好明顯就係冇好好去做好保護︳又或者係過對388有一個無限既迷思先會發生既問題. 如果你唔係咁出盡力係咁叫人入貨︳寫足幾期雜誌同係咁吹雞︳又點會令到會員係咁入咁多？仲不斷咁話家下已經跌到咁，呢D係明顯係自己太重注既問題。

提外話，我就係同佢唱反調，我一早當388去到450時我就LP佢，睇死佢跌到350蚊，果然不出我所料。講技術分析佢又唔得，講價值投資佢又過份左，兩邊唔到岸，除左係把口吹得兩手好似Brian Chan之外官仔骨骨，我實在諗唔到有乜理由聽佢講廢話

我Agree佢呢個講港交所既方法，但係花幾萬蚊既會員係無知既，佢咁有信心係咁叫人買野，人地乜都唔識當然係訓身喇，結果半個月前就大出事

其實只要你要肯花少少時間

1) 去Tradingview / Investor.com / 雪球 / 

已經有大量呢D資料。

唔識英文既話︳可以去中文台

2) AAstock / HKET / HKEJ 收本地料

其實我好驚係派Number既KOL，因為呢D野或多或少好睇個KOL既功力，買股票如同耕田一樣，無論你幾努力都好，個天係"公平"的，因為你唔知"宏觀"既力量有幾大，例如打戰﹑政治事件呢D事，即係你一日做12個鐘都冇用，個天要茖水淋死晒D農作物一樣有

有唔少朋友問我過為何你學完一個投資課程，又會花錢去報另一D課程，問我會唔會亂。我既答案係除左一個以短線幾分鐘炒期指既開班KOL令我亂過之外，其他既導師既能力都可以運用番出黎。朋友有問題點解唔用其中一種，例如用trend 分析，佢話呢十年都係用同一方法。我既答覆會係十年前同今日係唔同，以前港股冇咁多中既股，家下已經佔左7成比重，如果用死一種，加上程式盤, AI盤等等，已經改變左以前既方法。所以我要與時並進。今個月開始上程式交易課程~因為我已經想到一個量化方式，就係將一個以前令我買期指好亂既KOL，將佢既手法量化法。咁就可以驗證得到佢既方法work唔work

另一個Point就係，如果你不斷咁依賴呢D KOL派Number俾你，咁你就真係乜都唔識，無論股市係點，你永遠都要follow呢D KOL, 無左佢你就乜野都唔係。我同意一開波抄功課係好重要，但如果自己唔去變格，咁將來呢D  KOL都會有錯既一日，到時就會走唔切

所以你要將學到既野運用番，例如點可以選到好既股份？選股Method, 強勢股﹑找出版塊輪動, 市場既資料﹑政治同經濟分析，宏觀同短線方向角度，運用係股票到，我認為真正想學好投資，係要花時間的，倒不如花錢去學多D課程黎得更好,  因為學到既就係自己，正如有人話，食左茖肚就係自己一樣

當然去到最後，我當然係離開左呢個幾萬蚊先入得既群組喇﹗因為我真係唔想變春﹗

烏克蘭戰雲正影響到你同我

 

最近留意到俄羅斯有所動作，其實我地呢個大柴狼國家都有少少心得。留下個筆記好讓睇下往後既日子會是否一如發展方向

首先要了解一下點解俄羅斯要入侵Ukraine既原因，係因為老烏想加入北約，而加入北約後亦即代表北約會係烏克蘭境內部署道彈，只要3分鐘就可以係基輔射到莫斯科。呢一點我相信係俄羅斯唔接受既原因

另外蘇聯解體前，美國口頭答應唔會將北約擴張。由於蘇聯解體, 都下係俄羅斯聯邦，而前蘇聯共和國好似羅馬尼亞，波羅的海三國等都相繼加入歐盟東擴，呢點都係令俄羅斯覺得北約失信既原因。隨住俄羅斯經濟力量減弱，一個又一個既前蘇聯加盟國投向北約，令到俄國更不安

第三係俄羅斯通脹非常嚴重，已經去到20%以上。民心不穏，急於打一場大斯大呼民族既勝杖，同時加強普京總統之位

睇番普京佢既進軍路線圖，佢大意係部署左4個據點。第一個據點我視之為疑兵，佢要聯合白俄取道，抄基輔後路進攻。用以分薄兵力，同時亦不失係戰事一起步既奇兵，但補給會係一個好大問題

進攻點2 ：由佛羅尼斯出兵去基輔︳如果行車時間係6小時，我相信Ukraine佢係會紫色位(地圖上係一條河流︳亦係中部泥寧地帶，我相信呢個會係Ukraine既絕對防線

而俄國就係等呢條河結冰，以讓佢地既軍車可以渡河，基輔唯一係依賴佢地既最大河流去分格東西兩面，慶幸既係天氣雖只有-1度左右，不足以令河結兵，但足要可以令俄國軍車穿越泥濘地帶

進攻點3：在羅斯托夫進攻點都好大，因為當天有大量既克里米亞民兵同烏克蘭境內聚居大量俄國人口，以便加快入侵成本東烏克蘭政權

進攻點4：直接由克里米亞出兵，以配合4面包炒基輔路徑

當成立左佔有東烏克蘭後︳俄國就可以直接取回以前蘇聯時代既黑海艦隊，同時亦將勢力迫向羅馬呢亞同保加利亞

我相信俄方係利在速戰，因為要調動既人力物力，運輸同補給會係一個大問題，俄方會係短時間內就會出兵，原因係北約家下已後知後覺。一路上俄方話唔會打，唔會出兵，令到北約係早一個月前冇明顯既兵力部署，所以時間上俄方係應把握呢個機會

以上都係我既假設黎

但如果真係發生的話，而美國動用Swift呢招(相信唔太有用，因為俄國去美元化已久), 最大既問題係像華為制裁一樣，禁止任何美國技術﹑科技賣俾俄羅斯。咁呢個問題就大喇。

到底制裁既力度有幾大？No one to know~ 但有一點我好可以肯定，俄方係出戰前多次已同中國外長﹑習大大搞友好同盟關係。普京呢隻老狐狸真係好勁，原本以為係中國可以抽佢水，家下反而係俄方抽番轉頭

 大家試想像一下，假如小米手機，任何制既中國電子產品都因制裁令運唔到俄國既方，中國要裁員幾多人先夠？中國同俄方每年係1400億美元，美國單單制裁華為已令到佢裁幾萬人，成間公司都冇埋賣走左。呢個不確定性非常之大，如果中國唔理美國制裁出口去俄國既話，相信中國商家會被美國納入限制名單，冇人想俾人制裁同做唔到生意。而相反中國唔出口去俄羅斯既話︳佢地所謂既同盟就會破產。所以普京已經將中國拉左半隻腳入戰事之中，而美國一直想離間中俄關係，裁制俄羅斯可以話係對中國一石二鳥之計~ 無論美國同俄國，都想拉中國捲入呢場紛爭

由於呢個不確定性實在太大，我原本已訂下既炒股資金想投入60%股票，都要暫停，同時希望可以係下星期有個明確既方向重新部署