2020年12月31日 星期四

期權異動

 20201231 半日市

呢個係昨天新加既最大倉位, 1810 / 489 2628 700都係重倉~

小米有近2千5萬萬新倉係ITM 17蚊位,2月份。可看高一線

2333已冇加注,但東風汔車有新資金流入,留意到大戶係10月份做左個OTMcall 6.25  (0.13權金)3000張,今日已值2.81 (即2.81-0.13) x 3000 x 2000 =己袋16080000 ~ 呢個係1月call, 即係東風條數佢一定會今個月食糊




2020年12月19日 星期六

12月到1月 待爆股 和觀察名單

 16 新鴻基地址

2777 富力地產


呢兩隻長期係一個橫行區,以波幅計2777每月均達到有10%以上波幅,12月只有2.X%波幅,極為不合理。市場正等一個消息消化在爆




同時VCP系列可考慮 4  992 66 可長線持有


12月期權部署

早上花了點時間做分析,發覺以下有兩套值得部署, 
星期一早上21/12要做 期權部署 2319 DEC SC45 Jan LC45 2333 DEC SC20 Jan LC20 利用月中時間值損耗方法,盡快將Dec的call耗盡,而兩隻均為上升股,依部署看值博甚高

12月已期結,2333/2319 一如所平倉獲利。2319採用係以ratio spread致勝

2333升左咁多,利潤反而唔太好,原因係自己當日做既premiun位唔算好



2020年11月7日 星期六

開班L 實況~

 尋日上完某個頂級期權導師的課堂後,原來仲包了一課睇圖課程,見課程包埋就去聽下。

一入到課室,對方就自稱係某某基金經理,管理幾百億資產,所以今堂係佢最一課同呢個頂級期權導師合作。之後就會專心係基金管理上面。我非常有幸感到可以在最後一課能夠同星級既基金經理面對面對話。因為上課既只係小貓5個人


該位基金經理,話之前一直係一個全職trader,大約兩年左右。考了九個牌照後,就加入了這間新的基金公司,佢亦都開中明義講,"其實你估真係炒股票咁好揾,最好揾既當然係教人投資喇",之後佢又話市面上有好多教人投資既都係無料到,講廢話之類咁。佢話佢教既睇圖方式好簡單,就係用一條線畫就清楚,唔駛搞咁多條線,畫到成個screen都係咁會越睇越亂喎



首先我要講下係穿頭破腳同跳空情況下,我係唔會做任何呢D咁高風險trading既,而佢條黑色線明顯唔會係一個支持位黎




正確應該係咁睇圖

以1 -ATR做企蝕位,如果以20日EMA50.14計-1.61 = 48.53

第二個方法係用黃金比例0.618係reverse

0.618位係50.65 / 0.5 位係49.6

第三個方法係以20日EMA做止損

如果純係用目測方法,我真係功力有限,睇唔到D位支持位
我希望呢個基金經理唔會蝕晒客戶D錢。同埋呢個世界上都係有好多冇自知無名既開班L

上堂時仲要學生add你個facebook invite係private group之下,諗著你毒你的學生,引佢地去你個patreon平台到買"教學睇圖畫線"費,如果以咁既料去教人學圖畫線的話。我自己或者係我一班MM學派既免費Group友,已經超越過呢個基金經理好多~

我地閒閒地每日睇最少三十到一百張圖,雖然我唔敢話自己好勁︳但自己明顯感受到自3月以來由一個唔識投資既人,變得起碼講得出黎既說話似一個財演,我深深咁感謝網路上一直幫助我既人。令我找到了人生另一個樂趣 - 期權投機




2020年10月31日 星期六

珠海買樓記 (四)

 在內地買樓進行網簽的話,最好有以下東西

1) Wechat (必備)

2)內地手機Number

3)國內銀行


先試下買樓步驟,為左確認你既身份不在國內,你必須同意"共享"你既私穩,令發展商知道你無法在國內,所以只可以進行網簽,呢個手法有好有唔好。唔好當然係冇得現場睇樓喇,令到唔了解市況同係不透明既情況下,無法同其他買家溝家等等。

當然唯一好處係方便唔駛上大陸就remote個sales選樓,而點解係國內三月時大爆發發展商都唔破產︳就係多得呢個網簽喇。

好喇,講番正題︳我個sales當日就晨早八點鐘坐係場外去搶盤,去到九點幾佢就話幫我搶到了~


下一個就係要係"wechat"到共享我係香港既位置,借網上人照片一張,Wechat呢個共享位置真係好有用,方便其他人去到某個地方迷路或找朋友在那地方,對著地圖就可以跟到



之後就係俾地址﹑身份證,之後再用一個叫法大大既簽約程式。法大大就係類似美國既Docu一樣,有一點非常重要既係。由於法大大只認簡體字,係香港用倉頡輸入法既Big5字,係法大大個apps係認唔到的,所以你必須要用word將自己個全名繁轉簡才可以過到關


下一步就係進行視頻網簽,sales會要求你開Video chat 同簽名,仲要打手指模(紅色)*你要準備好,要求好高。我用左藍色筆,取後要話用黑色筆,前後拍左三次片先搞惦

經過左咁耐,雖然個盤買就係細D,又俾個sales呃話係好野,朋友又話大陸人只買大盤。但後來自己想深一層,雖然我買個盤係呎價高峰︳而新地王又會係我隔離起樓。咁既係我個盤理論上都唔會點跌。另一個重點就係,由於呎價高的關係,所以理論上買盤既都唔會係太過平民,總價係35500一平方,相對於金灣﹑斗門15000到2XXXX左右一方,明顯有好大既差距。簡單黎講,到你退休或得閒上去玩下,你都唔想有D太平民既鄰居,正如一後我去大馬只會選富人區一樣,大馬富人區只集中係韓國﹑日本等外國人,本地平民較少住係個到。我相信既然命運選擇下。我會保留呢個單位用作日後之用

2020年10月17日 星期六

珠海買樓記 (三)

 這個係一個後悔來,用以係警惕日後自己和下一代,不要受到主觀既影響去決定。

這篇是買後有一點後悔當日的決定。

首先是樓層上因選的位置是高層,同時在景觀上我已做好研究,所以這點沒大問題。唯一問題是選擇的單位

選到的單位是09 08 07 三組,47平。07單位是最近電梯位置,而08是整座大樓的中間,09單位是最遠。最後我選了一個好意頭的08號單位。選08的另一原因是我原意係選07號單位,但留意到近窗的位置可能會影響到景觀,被自己的陽台位阻了澳門的景。所以改了選08號。這個才是我後悔的開始



簽約後我發現到一個藍圈的位置,由於不像是冷氣機的東西,於是問一下銷售回答我是一個對流氣窗,用以加強對流風,我發現到原來08和09號是共同一個對流位,而07的位置就是獨立的,即係隔離屋食煙或有病毒你有機會食到佢既二手煙。呢個係我始流不及既地方,同時留意到07單位在外望澳門較多空間,而且去倒垃圾和搭電梯也要比07單位行多幾步。

當時實在係唔應該因意頭或景觀上去選08號~

另一方面,這期間我才有較多時間番閱有關珠海的資料,發現到原來橫琴發展已近有十年,是國家在2009給予澳門便利,做就了十年既發展,由一無所有到高樓大厦,都只是僅僅有的一萬人數戶籍,常住人口得7萬人。有關開放澳門車直接到橫琴,原配額是2500,發展了2年,僅僅得1000人去登記。

番查資料,澳門人去橫琴查車入境,必須要在當地有樓﹑或工作並交社保,又或者係注冊公司才可這個資格。澳門人有65萬,但只得1000人去做呢個行為。可推測橫琴樓只係澳門人作為投機既一部份。無論香港開放車直去橫琴與否,都無法改變澳門當橫琴係一個投機行為,而唔係投資。投機和投資係兩個好大既分別,橫琴整個樓市單位中,有3成以上係澳門人士購入單位,而番查整個珠海區,二手賣出比例在2015-2016年係1:2。即係每賣出2個單位,就有一個係二手樓。而去到2019 年,就係0.9:2。進一步下跌。

我看到現在澳門連自己在賭牌﹑能否生存到2022年都未肯定,那澳門或賭廳那有多資源去發展橫琴呢?

如果說留給橫琴發展,俾多十年時間佢地,呢個只係一個自欺欺人既說法。相信我呢個單位用作日後渡下假,去玩下既話,還說得通,但如果是用來做投資的話,就說不過去了~ 時間再俾多我一次的話,我應該直接選擇在香洲,拱北或吉大的情侣路一帶,好過選擇近橫琴既地方






2020年10月12日 星期一

珠海買樓記 (二)

 放棄了買入深圳樓後,我開始留意大灣區的樓盤,東莞和佛山的樓盤。原因之一係佢地人多,由於親烕在東莞居住,早前去探訪了他們,感覺得東莞還是很鄉下,記得那天去了東莞市中心的步行街,已是全東莞最旺的地方,中午到黃昏時段也多人,但無論在規劃舖位,營運上都感到和深圳落後很多,街道茖後唔在講,垃圾處處。雖然sales有同我講過松山湖附近,是華為最大的全國營運中心,可惜那邊價格太貴,而我唔少供應商也在東莞,唔少都同我透露過不是一個好地方,例如汁笠左好多港商﹑好多倒了,或像是個鬼城一樣。所以東莞在我實地觀察和供應商意見下,就放棄了


而佛山係一個充滿活力既地方,廣佛同城是這幾年最hit既大灣區代名詞,意思是由於廣州由於人口太多,同時天河一帶樓價飛升,去到10萬一方,即係香港10500一呎, 而佛山的樓盤大約15000一方。平均來說佛山的樓價只係廣州的1/2 或1/3左右(因廣州好大,唔同地區有唔同樓價)

而在高鐵或城軌出台後,一小時生活圈已成功咁將廣佛兩地拉近,考慮到佛山有700人口,消費力也不弱,是一個好地點。 Mcity附近係我係佛山既首選,當然因疫情問題我又唔去選


最後既考慮係珠海,成日上新聞既港珠澳大橋,老實講要踏成2個鐘係珠海再番黎香港,真係唔係一個好選擇,當然我睇電視到有人真係試過係珠海坐跨境牌車,可以做到1小時由珠海市區返回香港東涌的位置,但係大前題係唔塞車


我唔認為珠海係一個好地方,因為佢人太少,連大灣區夏門﹑肇慶都不及,可以話係大灣區榜尾﹗但我一再翻查有關珠海既消息,得出如下:(在此不討論數字是否做假或真確性)



睇番佢個常住人口係榜尾,但新增人口比例上係全省之最,有近7%升幅


我以我有限的數學計算下,十年後既珠海人流會係400萬以上 (希望個官方數字冇老點我)

而佢個GDP增速也不錯

再看一下佢地係疫情下各市級既得分



作為一個爸爸,我希望我的兒子生活或發展在一個有競爭力既城市,還是一個環境也優美的地方。在處理疫情上,珠海市同深圳同一級別


另一個選珠海既原因,係因為香港這邊有直接的發展商,可以提供網簽,我會係後文再補上,呢個係提供一個好便利既地方方便市民購買。另一方面我就要去選珠海那一個區,有香州,金灣區和斗門區。香州就是珠海既主城,政治﹑經濟集為一体。而金灣同斗門區我唔係話唔好,但得個幾萬人住,可以話我地香港一條鴨梨州都多過佢D人喇,咁買黎做乜?又唔限購大量供應,對於我有限既分析黎講,我只會選起碼"有人"既地方

而珠海仲發展左橫琴新區(金融島,借俾澳門一起發展)、珠海高新技術產業開發區、珠海保稅區(我視為水貨區,當然呢個水貨區做得比上水好得多,起碼唔會見到lift神, 佢用黎分散香港投資)、珠海高欄港經濟自貿區、珠海萬山海洋開發試驗區5個經濟功能區

而最後我選既地點就係離保稅區一公里內既地方,保十琴,另一個好消息係香港開放車可直接軌珠海橫琴區,之後再幅射全珠海,而保十琴位置亦會增加灣仔口岸去澳門媽閣附近,新海底隨道有希係將來實現,雖然話澳門都係得個70萬人口,但如果保十琴可以同澳門相通,我想信係一個好事黎,希望我冇選錯地方












2020年10月11日 星期日

珠海買樓記 一

 最近有筆人仔就快到期,我國內的經理已經對我"虎視眈眈",時常打黎話要做乜做乜投資。見咁多朋友都有投資大灣區既樓盤,我自己都分析一下


原本這筆定期我目標係購入近深圳火車站附近的劏房,在羅湖區有很多這些小住宅,租金回報大約是2.4% ,約100萬左右,樓齡大約係二十多年。內地有一個產權限制,住宅是70年,商用的是40年。過了期的就看政府要補地價或重建。

我先講下我買入原因:

1) 留意到新聞深圳即將會規劃重建羅湖火車站,同時把伸廷到高鐡站那邊,整個規模會波及商業城一帶,如果幅射過去,羅湖舊改應仲有升值空間。原本在2020 2月時我就去買︳可惜因疫情問題取消。

2) 公司就在這裏附近,買多一個單位用做長線或有時可以在深圳玩樂也不錯

3)後來考慮到香港和國內問題,眼見香港政府在規劃一件事上要拖很久,例如明日大崏,西九龍﹑啟德用地等等。我相信如果重建羅湖火車站,在施政和拉布上應有排未搞得惦。最後我放棄了購入深圳

4) 留一個單位在深圳,方便日後兒子長大後多一個選擇。希望冇得罪各位政見不同既朋友,我係一個商人﹑商人既方度中,揾錢係我最大既動力,我唔會去區分任何既顏色。在此文只重點在經濟角度去看一件事,在商人既捉覺下,我認為香港既未來已經玩完

佢被邊緣化。

A)香港係一個自由港,免稅係國內人黎香港一個動力。我眼見海南既免稅區既成功﹑上海自貿區,現在差不多每一個省份也想申請,眼看上海同海南既成功。我唔認為香港可以再利用呢個中間人角色去做

B)轉口貿易:我自己深受其害,自疫情下,我大部份公司既貨已經冇再係香港走,直接在國內的港口和利用南方航空出口歐美。無論在成本和速度上,我都明顯地有著數。基本上香港既office, 轉口貿易在此消彼長下,只會日益減少。這涉及大量既物流﹑會計﹑港口碼頭既生計

C)國內一值分擔香港既成本,在橫琴,海南搞金融港,分化了香港既地位﹑英國既倫港所,寧願同上海交易所合併,都唔想同港交易合併就係一例。呢十年可能唔會有好多差異,但難保20年後香港既金融業會係點

D)以GDP增長黎講。十年後國內既通賬同人工,已經同香港接近,在通賬影響下,樓價實際即使唔升,也會跟通賬而上升

而我買入原因目的係希望我兒子將來放眼世界,唔一定局限係香港工作,在大馬﹑歐美,甚至乎大灣區發展,我記得我小學的時候,我老師講過一句說話,令我深深咁認為中國係非常邪惡既國家黎,呢句說話令我一直係幾十年黎都唔敢番大陸 驚俾人捉。直至去到我創業,我以三十幾之令回國內,和唔同既人去溝通,真正認識打交道,細看下中國人也只是糊口揾食 並唔係想像中咁壞 看到國內既發展後,我才理解到原來自己一直係咁無知,以前既偏見影響左我既人生上半場

雖然我唔肯定將來我的兒子在中學﹑大學受到朋友老師影響,令到佢帶著有色既眼鏡去看一個人,我希望佢可以做到一個無私,同時看清楚事物既本質,同我一樣有既分析力。

為左咁,我希望佢多一點接觸唔同既事,以一個客觀既方向同睇法,去看待國內既發展,這就是我買入既原因,目的係當你有個國內既單位,自然會回去接觸同了解,我認為真相自己去體驗,好過別人既言語

另一方面,國內人非常拼博 ,能找到每一個機會,無論在人口上 機會上 內地比香港所得到機會會更多,唔好再帶有香港人優越思想去看待每一件事,看輕國內人就如同看輕自己,人沒有高低之分,出世亦沒有選擇權,標籤化別人會令自己失去機會,我希望自己兒子能帶謙卑既心態,對待每一件事和人,去為自己下一代去努力


2020年9月25日 星期五

激勵

 最近市況低迷,同時生意上遇上疫情令生意大跌,令做生意的我意興難欄。記得小時候,爸爸都出現過同一情況,就是那時爸爸的玩具代工廠出現北上轉移,爸爸生意上只可以選擇是跟大隊北上。那時爸爸的玩具廠是一間由上市公司外判的小型公司,大約有2千呎左右。記得印象中,小時候常常在玩具廠中渡過,那裏有一批批的ABS膠粒,用作把膠粒放入機械內注膜加熱。爸爸每天就會把這些膠粒爬上機械的頂蓋有一個漏斗位,把膠粒倒入去成為原料,在機械內加熱溶那些膠粒,變成我們手工的玩具

簡單來說,就是你把面粉變成粉團,再把他放入模具做出來。但這個模具有相當大的風險

現在用粉團來形容

第一,模具係金屬, 非常重,我記得係要用吊機把這個模具吊上去安裝,每次一更換一個模具,就要花半天的時間。(這曾經發生過一個嚴重的工業意外,有一次模具上的工字鐵支掌不止,把重達噸重的工字鐵跌下來,當時真是祖先保佑,那工字鐵跌下來時剛好有一張倚子在上,把椅子壓斷,再壓向我爸爸的小腿上,就這樣他的腿斷了,要不然壓在頭上我應老早失去父親,永遠得不到父愛為何物)

第二,生產出來的時間,要人手把極高温的模具粉團拿出來,你試想想要把原料膠粒變成固體,那要多高温才成型。當成型之後,工人包括我爸爸,就要人手利用鐵勾把成型的東西,由模俱中拿出來。非常危險

第三,那個機械有時間限制,大約10到15秒左右,由於你要用人手在機械模俱開合過程中拿粉團出來,如果你無法在10到15秒拿上來的話,機械會自動關上,你的手就會直接壓斷


工廠中除了這些危險機械外,仲充斥住大量有毒的味道,試想下把膠燒成100度加熱會有怎樣的味道就會明白,而爸爸的公司有6台達10米長的機床在生產

最可怕的還不是這個東西,是一部叫"碎料機"的中型機械和染色工具。由於生產出來有部份有次貨,為慳原料就要把這些半成品重新"粉碎"再重用變成膠料。於是爸爸就會把這些次貨放入機械中粉碎,發出的嘈聲就如同地盤礸地機一樣,每次他"碎"完就我看到他的樣子就是全身粉塵。

還不只的是,由於要成色關係,佢要重新溝色染回物料,佢會買不同的"粉劑", 一包大約20KG左右,就背上肩上倒下碎料機同時染色。有時我不在公司,看到他回家時個頭"唔同左顏色" ﹑有時紫﹑有時係紅,我就會想到他用了碎料機

當我想到這幕,我就會想到爸爸以前的辛苦﹑和我相比真是微不足道,由於要根大隨北上生產,那時只可選擇一是唔做,另一方案是北上。由於北上差不多要1 個月才回來一次,本身令我欠缺父愛的我更少。我估是家庭原因,因為他有講過十個北上的家庭有九個都係內地會多一個家庭(包女人).所以佢最後結束了這間公司

我現在也面對同一情況,我會想到我可以選擇擴大北上,手上有好多機會,也有好多project,要揾錢一定冇問題,抑或直接把公司結業。二者只能最其一



2020年9月12日 星期六

金曹期權制勝 一二集 書評

終於完成了金曹期權制勝 第一集和第二集,為幫助讀者更好選擇,我為大家分析一下

 

第一集主要是集中於期指﹑指數期權既教學方法,書中最大既得著,係用於教指數上預測恒指既波幅。

 

唯這本書不合初用者,因為書中沒有詳細教導有關期權四式SP LP SC LC既方法,如果讀書連呢四式都唔明白的話,不建議讀呢本書,你反而要先將期權制勝二讀完,才可以讀第一冊,因為第二冊係會教呢四式有詳細討論

 

期權制勝一呢本書,篇章非常混亂,表面係金曹寫出黎,但據知篇係由佢D學生"幫手",所以引致連慣性非常不足,每個人既計算方式同行文有好大既差異,好多時本書例子是用68%計算恒指波幅,而去到另一篇又會以70%計算,但70%計算方式既方法,又會同68%的波幅計法formula不同,明顯係由兩個唔同既學生幫手寫出黎,搞到連慣性出現問題

 

好似第十章,佢會介紹68%波幅既結果,但佢從來冇教過你68%的計法,去到後期某一章﹑如十二章,先會係某個例子中找到方法計出黎,完全冇代入去一個讀者既方式去學習,要令讀者不停咁翻開唔同既書頁,才理解怎樣計算,沒想到前文後理既篇排,實在可惜,篇章明顯係不同人士﹑不同既方法,集合一起提供資料出黎使用

 

我不會推呢本書

 

第二集主要是講期權教學,引用大量股票例子和期權教學方式,明顯比第一本書好得多,相信呢本書係組識過後出來,明顯好得多,如果想學期權的話,我認為直接看第二本書會比第一本好得多

 

2020年7月23日 星期四

解讀VCP


VCP全名是 Volatility Contraction Pattern 


對於係名係咩黎其實我地唔駛去深究佢,最近要係認知佢個原理同應用方法首先在選股上,能夠入選VCP的,一定是在股票中的第二階段形態。底何謂第二階段呢?請見圖:

第一階段是股票長期係一個低位,沒有大升大跌第二階段係當股票開始進入一個上升週期,而呢個週期暫時唔太多人留意,即係話冇乜散戶去參與呢個買賣第三階段係股票出現大升大跌,波幅較大,散戶進場第四階段係像股災一樣,股價不問理由放售,引起下跌之後週而復始,再由第一階段開始而我地去選擇一個股票,VCP即準則就係,你只會選擇係第二階段既股票,只要你捕捉到呢個階段,進而參與到第三階段,你就會比一般既投資者優勝,甚至達到獲利。
咁點可以找到第二階段既股票呢?香港有2千幾隻股票,就好似大海咁...........


先個關子,係選票方向重點如下:
1) MA50 >MA150 >MA200 必須係之上
2) 股價處於大過MA50 > MA150 >MA200
按:有時我會見過人用MA20做標準,沒有用MA200
3) 成交量係1千萬以上
4) 市值200億以上
5) RS Ranking90 以上(唔係RSI)
重中之重係,呢D越勢線係向上,唔係向下的
6)股價必需在52調新高下,不低於25%
係呢6point入面,你所選上來的,一定係會向上升既股票黎。之後就可以再下一步去分析同去選擇VCP形態既股票




VCP系列:美股AMD (馬後炮萹) 20200723

一直想係AMD未爆發前寫下來VCP,可惜沒有時間,特此留下紀錄


昨天AMD終於突破3月既高位59.3 的阻力位,現在如果今晚下星期一出現pull back的話可加注
,否則的話要多等幾天讓他發展一下

先分享一下有關VCP
1)在第一個區域下調14%
2)在第二個區域下調10%
3在第二個區域下調7%

如果佢發展第四個C的話,應是3 to 4%之內。所以應該在57.39的時候應該下第一注,用以3 to 4%的蝕價位,去駁取15%以上的升幅

VCP是一個非常嚴謹的選股方式,和普通的睇圖派或年報派不同。我係未認識VCP前,一直以為技術分析﹑睇年報才是最有用和最真實,但當我認識VCP之後,我才明白到以上既方法都係次要,因為無論你對公司認識有幾深﹑去參觀過那間公司﹑同管理層好熟,呢D都係完完全全冇用,謹謹係用做參考而已。對我一個以前會執迷年報既黎講,簡直係一個震撼,當然價值投資﹑年報呢D只可以用做一個參考。根據學派黎講, PE越低,反而係對那個股票有介心,只有高PE才會加分

點解我會咁講,不是越低PE越好嗎?越高PE不是賺取回報要更多年? 我以前一直都以為係這樣的,當我認知VCP後,VCP一派係否定了我的想法和取向,因為VCP只會選擇最有機會?最有上升空間既股票

而對普通人來說,買股票就係要賺錢。話自己係價值投資,越跌越買,呢個心態相信令不少人跌入不斷輸錢既情況,市場上,真正有能力既價值投資者,到底有幾多個呢?

2020年7月18日 星期六

VCP系列:美股Ares 20200719


1) 6月底時出現巨額基金進貨足跡
2) 雲圖全部正向。
Base Line > Con Line
Base Line + Con Line在股價之下
雲層極厚
Delay Line elay Line 自由

唯一美中不足3日前出現烏雲蓋頂,要進一步分析




1)MACD線上回安全線
2) 阻力位在6月位的40.6左右,買入點亦為這個位置,看看星期一set價入
3) BB在等變,只係一係升或跌兩種,看來要睇K線係正確,抑或雲圖係正確兩者只取其一

學Henry Sir 期權你會學到D 乜

筆者係一個唔係太想認輸既人,之前做期權由於覺得用慘烈黎形容3月既大跌市,於是這段期間一直想更深入學期權既知識,我想分享下我的方向

1) Pan Sir 係我第一個啟蒙老師,係到特別多謝佢帶我進入期權之路
2) 係Youtube到學到皮老闆用IB 月月收1%既方向︳可惜佢已冇再做Video
3) 由於皮老闆引退下,我唯有學習其他人,其中一個我覺得拍得好好既係Kelvin Lo
https://www.youtube.com/channel/UCf0eOALlpmo645Exah7iMzw

佢既無私 期權教室Video,  擴闊我既視野 ,內容包期指數期權 / debit spread / credit spread 等等招式,都可以一一係片中睇到

4) 在此很感謝我的期權師姐,雖然我唔知佢叫咩名,佢係一個期權現金流既同學黎,介紹左我認識Henry Sir ,呢個我覺得係人生中一個好重要改變我期權心態既人

係未上堂之前,我已買左Henry Sir既書"對沖王道" ,老實講,佢本書如果一個普通人睇既人,可否會有少少唔明,我個人建議最少要有一點期權的知識去買佢本書,會更易明白。

Henry Sir 既課程內容係心態同技術兩者俱備,心態上佢主要教人使用恒指期權做夾錢既方法,而教學既重點係,你已知在做一個Trade時,你最多會輸幾多錢,因為佢教既方法,一定做有一個對沖係到。例如你做一個SP時,一定要加多一個LP做保護,相反做SC時,就一定會有一個LC。呢個方法雖然唔會令你可以Win大錢,但一定唔會輸大錢,同大部份以小博大既香港人炒窩輪﹑牛態唔同

佢同其他人稱咪Debit Spread / Credit Spread唔同,佢係以Bear Put Spread / Bull Put Spread / Bear Call / Bear Put黎教學,由於初時我係以Debit Spread / Credit Spread既方法先入為主,所以一開始我要用很長既時間,才能理解到佢呢4式真正既用處,因為只係用Debit  /Credit的話,你係唔知識你自己做緊既方向,但如果改為用Bear / Bull黎做,咁成個方向會更清楚

係課程中,你會"被"不斷咁考同"操題",就好似學生去補習社咁,成日阿Sir都會問你問題,不斷咁計數,例如 恒指25000 ,做一個Bull Put係點做﹑最多輸幾多錢?最多又會賺幾多錢,
LP24800 SP25000 等等

課程中由淺入深,基本上去上堂好大可能要上2次先會明白,而重點係,阿Sir好nice可以重讀Free的

其實我學到很多期權較高階的知識,例如點可以在做LP下賺回時間值
例如:
example 跌  Now指數29296

bear put (可win時間值,因為你等價sp,跌破後由LP帶動)
lp 28800
sp 29200
lp 29800

課程中我記錄一些重點 (由於我才疏,希望我冇理解錯)

1) 不可在結算前Long兩邊,輸極高. 放下月反好少少, 但有50% win
2) 恒旨升跌10% 都好,都唔會再落. 跌10%, 反彈機會好高,升10%時,未必會回 (呢個points係建基於個database 10年既恒指數,當日講得好快,未睇得切。跌10%後,好似最多係得3.X%會出現,所以win rate會較高)
3)恒旨IV, 做short會比較好, 真要long, IV 要below10才可做
4)期貨現貨高低水, 如升市當日, 如期貨係低水,咁代表呢個係一個高位., 己超買好嚴重
到時就用恒貨future佢沽佢
如跌市當天,出現期貨高水, 咁就係一個低位
5)利用XXX圖 +保力加去睇,由Range轉trend,就去做, 記得要鎖倉 (XXX係Henry Sir既秘密,有興趣建議大家去學一下


Henry Sir 既技術真係好強,我仲好記得佢係6月上前,佢個系統已預視大量既388 700 合約異動組合,於是我做左大量既LC ,而佢會帶領學生係whatspps group到一起做,在輸有限,賺無限既情況下,我暫時未算失手,如果真係要學期權,我建議可以係Kelvin LO到先了解,如果再想深入一點,我會推介Henry Sir

http://www.investology.com.hk/knowledge/optionsology/



2020年7月17日 星期五

VCP系列:美股SMTP 20200716


最新正努力學習VCP形態,特為此紀綠一下有關自己分析的VCP,用作紀錄日後是否正確之路

1) June 2020 正營做C1 C2 . 一浪低於一浪
2) PP突破成交
3) July出現一次拉回,但沒有突破50天平均移動成交既線。
4) 現在股價正營做突破5月裂口218的阻力,一但突破可再一次飛升
5) 暫時較強支持位在180, 唯只要跌破200後,就唔會視呢個係VCP形態,視之後失敗



以動力圖同一目圖就咁睇
DI+ 動力超強 - >向上
DI- 同 ADX 都唔係太強 ->中性
一目圖delay line 自由  - >向上
Con Line / Base Line 在價格之下 - >向上
股價在未來看漲雲上 - >向上


2020年6月4日 星期四

疫情下債券買賣方式

最近由於有條債券到期,由於不方便親自去簽文件,於是乎RM便發了一批"Number"俾我,全部都係投資級別,一看之下,最高三個回報係"利豐"﹑" RESORTS WORLD", 同"QANTAS AIRWAYS LTD" ,以利豐最可取,回報有近5.3%,可惜年期太長,同埋利豐最近受到除牌影響,考慮之下其他的債券亦似有下調風險。選了其他較安全的 BARCLAYS , 做了LV 1倍



過程中全部係網上簽名作實,利用DocuSign簽名,再電話確認。睇番佢個過程由send email同搞好,全程唔駛2分鐘





怪不得Docusign在2月份開始股價70蚊就似搭火箭咁上升一倍$147,再創歷史高位
現今好多醫療股都在炒消息,到底那一隻可以真正生產到出黎都未可知,anytime會大跌下來,但DocuSign和Zoom既收入同盈利就係肯定上升的。自己在想日後要揀選真正有盈利的公司才去買入持有




2020年6月2日 星期二

查找有信用bitcoin公司的方法



首先我要分享一下小弟不幸地買bitcoin既經歷,話說小弟IT出身,係2013年時買左少少bitcoin , 放係世界上最大既交易商Mt.Gox到,心諗Mt Gox係當時最大流通同最大既bitcoin交易商(全球70%),放係到一定無死,買買賣賣後都幾好玩,好似當自己睇好一個股票咁, 買自己既眼光,但好境不常,2014年某一日,當年我日日都朝七晚十一,跟本無力時間再去睇下,突然電視機畫面播出一個bitcoin 網站被黑客入侵,搞到損失左幾百萬個bitcoin,幾千億咁,就係咁,成間公司破產。而我亦無法再可以login到入去  。經過第一次經驗後,我開始去揾一個安全既方式去儲bitcoin, 由於自己係IT人,知道如果save係自己到會更唔安全,因為黑客係可以好輕易咁就入到對方個電腦攞你資料,正如我可以係公司server到睇到同事上個乜網站,上過乜咸網一樣,有時老細仲要我交出某個同事講個D咩私人野,我唯有係對方電腦到cap埋紀綠,真係做過D乜都俾人睇晒咁。而我深知mt gox破產係冇做過cold database hot database 既分別,原理就係正常既bitcoin address係要抄下來,(手寫), 再放入一個唔連接上網既電腦既去寄存,咁先係最安全既方法。於是係2016年,我又重新揾個當時最大既bitcoin商,呢間自稱係會有cold batabase, 唔會將你D address 放係網上,咁最安全, 加上當時日本只係唯一合法做bitcoin得幾間公司,而呢間係政合法,又話有乜儲款保障左5千億日元係政府到,咁有咁大既包底,應該冇乜問題,信得過喇。同時又可接受信用卡俾錢(10% charge) , 咁如果安全既話,咁都幾好。而呢間公司保安係我見咁多間最安全既,註冊後佢會寄信俾個code我,以証明我真有其人,地址. 甚至要MPF 供款紀綠,先可以申請。對於一間咁嚴緊既日本人公司,有咁安全既註冊方式,當然我又重新買賣喇, 而呢間就係當時頂頂大名既coin check , 唔知我係咪神燈黎,買入後冇幾耐,呢間公司居然上左電視,原因係老闆因為被hack 而又再破產





下?唔係嘛,乜唔係放入去cold database到咩?點解咁勁咁都hack到入,我一查之下,原因員工為左方便自己,於是佢地冇做cold database, 因為咁樣做買買一日成幾千萬蹤交易,員工為加快交易,所以駁左條線去部cold database電腦到,咁會PK囉,就係一個方便,搞到成間公司破產



所以去到呢一刻,買bitcoin已不是買不買到既問題,而係點保存先係最安心既方法。



我通常會透過checkdomain去查下世上既bitcoin domain有幾多個可以超過十年以上








睇番localbitcoin (2012成立, 比最大既mtgox), 係最老牌子既bitcoin trader server係用amzon cloud,  2023domainexpired,  有錢賺應可以續, 呢個amazon cloud 入面有近2千萬個sub domain, 以我做IT exprences ,呢個最少係有成個新意網datacenter咁大先咁咁既capcity
以平均一部server host 100個domain計,呢個數20000台電腦做保護, 當然呢個數係我既大膽估計



最重要一點係Hosting history只係搬或轉個server 2次,咁代表俾人攻擊或持有人有能力可以防止ddos或被國家迫害而轉server



另一後起同多人買既係


Binance.com  只係2017年成立,得3年貨仔 , server都係amazon cloud支持, 但得不足10domain, 呢個明顯係一D所謂既鋌仔公司,寄存係另一間hosting 公司,再代向amazon server ,以我分析, 雖然大家都係amazon cloud server support,但明顯唔太安全, 一大DDOS佢可能重現好似mtgox 俾人攻破password就玩完

Server超過21次轉﹗唔知係被hack, 或被迫轉公司






最後係coindesk, 呢間係全球最大既交易所,由2008年起已經有,暫時係最安全都信得過,可惜佢唔接受香港人玩,殘念~  不過你可以係coindesk到找到最新報告同有用既文章



係值得留意既網站
www.coindesk.com





各位可能會問,點解唔揾香港或者大陸個D bitcoin公司,自中國既火 BTCchina都先後汁笠後,呢兩2拆家已經係香港開支散葉或者係扮外國網站去開,到底有幾多仲信得過唔俾國家約談呢?我就唔會去駁多一次喇



最後我選用既localbitcoins.com ,因為我認為大量hacker都會集中咁去對付呢D大型既bitcoin交易所,無論你手持幾多bitcoin都好,呢D網站都有關門既一天,因政治或hacker, 以上4個都無一幸免咁被hack



localbit係一個較傳統既交易所,除有近十年以上歷史外,佢既交易方法可以用到paypal/ 轉數快或payme, 嚴格上localbit就好似一個中介咁,當你向買家發出要求買入bitcoin後,賣家就可以將佢個bitcoin address寄存係localbit到,而當用家俾晒錢之後,賣家就可releasebitcoin發去對家到。睇番平均交易時間大約係5分鐘以內,呢個都可以接受到

而lcoalbit點用可以參考這地方,我不便重覆


normally 我會同一D高信用既人做交易,咁可以安全好多,而當你收到bitcoin後,咁你就可以用黎抄番去自己個記事簿到(係實体個隻唔係windows 記事簿)

但要注意如果用信用卡交易或者收大量既錢,你會有安全既風險,信用卡交易, 無論點都好,你俾visa查到係會收10% services charge, 仲有渣打(我揾唔番之前文章)同招商銀行都先後發通告唔接受任何懷bitcoin既錢存入,所以係非常小心﹗做一兩個trade或用virutal bank黎做就最安全, 唔係你入左銀行blacklist你以後供樓或者俾金管局懷疑你就煩喇

http://finance.sina.com.cn/money/bank/bank_hydt/2018-04-28/doc-ifzvpatq6211464.shtml




而另一個方法合法又避開10% charge ,我係透過revolut呢個英國既初創公司買賣,佢既好處係,可以透過係你英國戶口既錢 (例如你可用IB將D錢轉入去), 你既debit信用卡,咁只要你戶口有幾多錢,就你可以去買bitcoin, 同埋利用bitcoin去找數, 你仲可以合法咁避開visa 扣你10% 手續費嘛 . 就好似生活所需咁,平時去百佳或welcome都可以用pay masterpaywave俾錢 , 仲有1% 回贈 (由於太長, 要下一集再講)