上期權現金流作者pan sir班 試堂記 學到D乜? (二)

"呢D我會係課堂上講多少少...................我會將我所有既profile 全部係課堂到俾晒你睇"。就係呢兩句說話，我就咁奉獻左人生第一個投資班，約2萬多。當中包有7堂左右, 每個人都係貪心，相知阿Sir買邊隻股，好似問Number咁，自己成日去取笑D C9係晚上既財經台問大師點算，買邊隻我，現在後事想去來，我自己咪又係同C9有乜分別？咪又係想知阿Sir買左乜，我就跟乜................

上課的地址是灣仔，初時以為唔太多人會報讀︳誰知一看之下目測近100人，咁即係話一班都有近二百萬的收入，而呢個地點場地係租用，有班有學生才租，咁成本應唔駛太多，正如好似阿SIR話，係邊到可以揾到D暴利番黎，我真係深深體驗到

報讀的人有男有女，年輕到中年都有，但能力非常參差，明知呢個課程所費不菲，又會用IB黎教學，點解有人仲未有IB, 同埋會問咁多IB既基本問題, (例如，IB收幾多利息？點將美元轉GBP, 個LV係咪自動), 其實呢D野，直接可以係Youtube或者去打去IB到，有得免費上堂，又或者去70後個youtube去睇下，自然會了解得多, 浪費不少時間. 而堂上只有極少量既用戶提出蝴蠂式方案問題，呢個較深既方式，正好用黎測試pan sir既功力，可惜我覺得佢有點輕輕帶過，或者係我能力低，我明白佢講既方式，但做到又係一回事，呢D要睇成交﹑大戶向勢，佢完全冇講，只係話經驗或者睇市場形勢

除左第一同第二堂係學下期權(其實只係將本書既內容再講多次), 或者你自己有操下盤，你就會明白點去做，我同幾位同學一致結論，如果你想係課堂到學到期權，可能自己操下盤，實戰下仲好，大家都覺得有D失望, 相反，我同幾個上課的同學，都有提及過風大俠的Blog,大家異口同聲都話有睇過，亦因為咁而導向了過來，我反覆思考過後，發覺如果找一個名氣大的作家推薦，這樣也可以更"吸客", Pan Sir係計算怎可加強自己既現金流上的確有一手

又如果你係想用派Number黎致富的話，真係想都唔好想，阿Sir個幾個Number, (我唔會倒阿sir米講個number出黎，但可msg me)  到呢一刻都仲係跌緊，相反，網上有好多免費resources, 例如係seeking alpha / investement.com入面，有大量專家推介唔少收息既Number ,數據上亦比課程既更多更有用，我唔係話佢D Number唔好，而係佢個D澳洲好似823  既reits, 係呢一刻係無人會去，抗跌力弱，而英國既酒吧reits,亦因英國既疫情而關門，到呢一刻仲係流緊血.

而佢既reits 有三個老人院醫療股，會場中佢講出其中一隻反彈力較強，而另外兩隻在今次大跌市中未番到家鄉, 所以佢意見係，餘下個兩隻係好有可能複製左反彈力較好一隻。意思下 A B C三股，A股已返回跌市前的價位︳而B C 即將回來反彈咁既意思。但係會場中其中一個同學問得好好，點解係A股會咁快反彈到，而 BC就未? Good Question, 呢個時間阿Sir居然話唔知點解，正所謂捉到鹿唔識脫角咁，你唔可以咁答同學架知唔知﹗因為你咁答會人地認你冇料到，最起碼都好似D專家咁講下分折，但佢又話自己唔係住係英國，呢D好難解釋之類.  俾錢上堂就係想聽你分析 ...............


好喇，我可以分析一下，A股明顯較強一係佢成交量較多︳二係A股係做優質老人院服務，而其他兩隻係做cheap老人服務，你話你想買新鴻基號定會買新世界?  第三，年報中清楚講明A公司係要做一人一間洗手間︳而B C係共用洗手間，咁你話係疫情下，到底一人一間洗手間好定共用洗手間好？呢個就係我既分析.  仲有C個間股票都係有問題，因為C個間, 美國特朗普講明HCS 會係同英國貿易協議一部份，如果係咁既話，C個間股票無論佢簽幾多老人院合約年期黎講，都會係一個好大既Risk 黎


反而係seeking alphaa到，部份top rate stock, 抗跌力強，現在亦有唔錯既收益。費用亦全免, 如果呢一刻你問我後唔後悔報上堂。我覺得 係值得，人總係要有一D教訓先會記得，阿Sir係課程時間上，除左頭個兩堂係期權有少少trips外(而呢Dtrips其實係我最近睇金曹個本書後已知﹗)，我真係聽唔到佢係試堂中個句" 呢D我會係課堂上講多少少"  , 又或者佢常用"一陣講多少少"咁帶過左。用近8成以上既時間係攞公司年報讀俾你聽，如果佢冇教我讀年報，又我點知年報既重要性同埋學睇年報既方式呢？不過其實只要你肯花時間睇，咁你就無謂花幾萬蚊，同十幾個鐘，同你課程上讀年報喇~ 堂只係上左一半，希望黎緊會好D

P.S 最近上課見Pan Sir同佢試堂既豪邁真係有好大分喇，試堂前佢有自信﹑豪氣。最近股市低迷下，佢透露手上profile 已入到第三注，好多佢講既例子，佢佢個第三注仲要跌近一半以上，雖然我只係上左佢一半既課堂，如果一個老師連自信都失去的話，又點可以說服左學生呢

待續

上期權現金流作者pan sir班 試堂記 學到D乜?

早前受到blog友良師風大俠同70後兄在blog上推薦過期權，由於本人在投資上只係新手，得2年投資經驗，所以對於可以加強現金流的方法，很有興趣，於是便去商務買本書看一下

一看之下，原來發覺在市場上原來除了債券和ETD外，還有期權可以令自己有多一點零用錢，雖然70兄已在youtube多番強調唔好貪心，但我個人就係衰貪心同忍唔到手，見到Pan sir係書中講價外期權，怎樣可以賺到期金又保証買到貨，呢D方法真係忍唔到手去做，於是當然係交左寶貴既學費喇。書中每一個操作，我都有去做實戰，不過問心講，我講得Pan Sir本書講其中一個好重要的事，就係要學會到投資的風格，每一個人都有唔同的投資取向，有人短炒，有人高風險，而我就係低風險，想收下息就算 ~

希望每個人都有自己既心法，係上左Pan sir堂之後，我慢慢發覺到pan sir既方式係唔適合我，我唔係話期權唔好，但要花太多時間同心力上去賺取呢個回報唔太合適我，與期花呢D時間，倒不如正正經經找一個ETD / bonds, 睇年報(我以前唔睇，但現在變左一定睇) ,期權有佢既價值，但唔係我既styles

好喇，講番上堂，Pan Sir真係有佢一手，係試堂上我自己覺得佢同乜Ｓｉｒ真係冇乜分別，雖然我冇上過乜Ｓｉｒ堂，但佢係試堂上, 佢會分享下佢係外國生活有幾美好， 只係對住個mon入一市，就好似享受緊退休生活。(當然我呢一刻先知道佢背後花左幾多心機去睇年報付出的間), 佢會俾佢個　＂賺錢＂Ｅｘｃｅｌ你睇下，你見到每個月都有賺十幾萬，之後有 Vix又賺幾百萬之類咁，令到我曈竟原來用期權可以賺咁多錢，咁我打工黎做咩？

當大家係一個高潮底下，佢又會講下全球reits做收租佬，而大家係一個美滿環境下，俾香港地產霸權所欺壓，自己當然可以想好似pan sir咁做全球收租佬去欺壓番人, 我覺得pan sir係捉心理上真係做唔唔錯，係一個成功既sale屎

同一時間，pan sir佢仲有一個收費平台patreon ,每月收70蚊，我以為如果一個月70蚊可以收下tips無坊，點知到俾完錢先知係USD70, 我自己就覺得有少少取巧，呢個同Pan sir 無關，因為patron唔會show USD/HKD., 不過建議可在reference輸入係USD 可能我自己冇睇清楚，因為如果我知係美元的話︳我未必會俾呢個錢. 而呢個Patron會自動連上佢個facebook,一有乜佢賺錢消息就會分享，務求引到你去入局

由於之前既期權交左唔少學費, 怪自己學歷不精，後來在坊間上找到金曹的期權制勝，才知道更多的心法和實戰，我個人認為金曹書中的內容，比Pan Sir的更好　，更實際，呢個係提外話

去到試堂取後一個ｓｅｃｔｉｏｎ，　佢就邀請左佢上一位學生，講下佢點賺回學費，做到一個更有說服力既客觀環境，個學生又講佢大賺左６倍之類咁，如果一個咁普通既中年阿叔都以得(佢仲話佢係新手, 咁咪代表我都得囉, Pansir佢用呢個說服力真係用心良苦) 咁大家真係有好多無限想像空間係到，而個學生有意無意間會show佢個IB profile俾你睇下(呢個係後話黎，係大跌市前應可以賺到很多錢，但一個字，貪心的話我想信係現今大跌市呢個市況，Pan Sir之前的同學現在唔知收復失地未？) 而到最後，　Ｐａｎｓｉｒ個課程ｐａｒｔｎｅｒ就會講今晚係只做一晚既優惠，原價4萬幾,減到25000.之後就冇特價架喇，令願者上釣（當然呢一個ｍｏｍｅｎｔ，　我冇去俾錢）　其實佢所謂既優惠一晚，根本係日日都有～

我意見佢，在主角﹑配角同多煤體facebook不停咁爆炸下，大部份人都會失去定力而去課金上堂，我當然係其中一份子..............

待續