隋唐中央政制之演變 (一)

 大家對唐朝既理解是什麼？是中國最大的版圖（以漢人為首)嗎？最高的榮耀天可汗？唐太宗活絡油？中國第一個女皇帝？太宗和高宗之間既關係？關龍集團真本位門閥制度？還是四大美人之一楊貴妃？安史之亂？神龍政變？抑或家家貼上既門神秦叔寶﹑尉遲恭。或是昭宗既垂死爭札？

正如錢穆大師說，唐朝為宦官時代既樂園（第一為漢﹑最後為明），現在想在學習過程中，將自己看過的心得，寫下來以作餘賞

以下為唐代２８９年國祚，共歷２１主

宦官擁立上位 | 8 位 | 代宗、穆宗、文宗、武宗、宣宗、懿宗、僖宗、昭宗

被宦官直接殺害 | 2 位 | 憲宗、敬宗

被宦官逼迫退位 | 1 位 | 順宗

被宦官囚禁後死亡 | 1 位 | 文宗

即唐代安史之後，共１４主中，８個為宦官所立，３個死亡。這個過程中到達他們的體制上發生什麼關係呢？

我們學歷史，執著歷史，就是要找出它的問題，亦即打開藩多拉盒子的地方，大底上一般既學者，什麼所謂既中國歷史專家，都認為是由唐玄宗一朝寵信高力士開始，亦即為安史之亂。

但如果有深入了解過整個隋唐既政制發展，我地會試一下，把問題推上早兩朝，亦即李世民一朝去看看到底發生什麼事　一直以來，都有唔少學者認為太宗佢身體有肺病，見資治通鑑中 ＂朕有氣疾，暑輒頓劇，往避之耳＂意思係泰山封禪之路對佢太難）

同時佢又太量飲酒，我高度懷疑佢係脂肪肝引發問題，加上佢個仔高宗又頭痛，呢個好明顯係家族性問題　（太宗另一兒子李泰極肥，而太子李承乾就長大後有腳患毛病），加上食埋D所謂既金丹藥（即重金屬丸），所以太宗係５０左右就死去，而佢個仔就只得２０承繼皇位。我地唔係到討論佢個大仔﹑三仔同李治（高宗)之間既皇位問題。）

但正正就係呢個重點︳太宗晚年因為痛失大仔二仔被廢︳只能將希望放係三子李治手上。佢臨死前就開動左蕃多拉既盒子，加封左支持佢個三子李治既舅父長孫無忌身上。我地睇下長孫無忌係做D咩先

＂將長孫無忌與中書令褚遂良召至榻前，正式任命二人為顧命大臣，囑咐他們輔佐太子李治＂同時加佢係中書門下同太尉。首先太尉呢個係虛銜，一般係舊有禁軍統領後皇帝為左唔俾佢再操縱實權而改做命義上既長官，只授薪的。

但中書門下就不同，我地要了解整個唐朝既興衰，就一定要了解佢既三省六部制，什至係九卿等等。

三省即 中書省，門下省和尚書省。為左方便了解，我地簡單咁講下整個秦漢魏晋既制度簡變

漢初承秦制，以丞相為最高行政長官，總領百官，所謂「漢初以丞相總天下事

漢武帝為強化皇權，有意削弱丞相權力，開始重用身邊的侍中、大夫、尚書等近臣，形成與外朝丞相府並行的「內朝

光武帝進一步削弱三公權力，「雖置三公，事歸臺閣（尚書臺）」。尚書臺成為實際的決策中樞，三公「備員而已」

由於尚書官階僅六百石，難以抗衡萬石級別的丞相，遂形成以大將軍、大司馬等高官「領尚書事」的慣例。東漢章帝以後，更演變為三公「錄尚書事」的制度

權力運作流程：

百官奏事 → 尚書臺整理 → 領尚書事/錄尚書事裁決 → 皇帝批可

曹丕稱帝後，改秘書令為中書監、中書令，正式建立中書省。中書省「掌機密」、「典作文書」，負責起草詔令，取代了尚書原先「王命出納」的職能

東晉：門下省的興起與中書權力的制衡

中書省權勢日重後，皇帝又以侍中所在的門下省來牽制中書。東晉時，「天子以侍中常在左右，多與之議政事，不專任中書，於是又有門下，而中書權始分矣

由於篇幅過長，要變大約三篇才能完成﹗

2386 中國煉油化工

這是一個收息股既實驗，主要是用做我既技術分析 + AI (其實AI都係基於我既準則), 沒有任何買賣建議，但我自己身體力行投入左，暫時預1年既投資期

以下為 AI 基於我既技術分析意見

2386

中石化煉化工程（集團）股份 · H股 · HKEX

見底四步曲診斷
收市 2026-09-04 · HK$5.745
日線 · 港元

2 / 4 阻力區已確立，未突破

大浪同阻力區兩個前置條件都成立咗，但決定性嗰一步——升穿阻力區——未發生。突破位 HK$6.740，現價距離 17.3%。呢個係「入觀察名單」嘅讀數，唔係「入場」嘅讀數。

STEP 01✓

大浪確立

跌 41.3% · 128 根

STEP 02✓

阻力區確立

6.640 · 觸 5 次

STEP 03✗

突破阻力區

需收市 > 6.740

STEP 04✗

突破後企穩

突破後守 5 根

價格結構 ／ 由浪底到浪頂

50MA 5.222 · 100MA 5.626 · 200MA 6.399 — 現價已升穿 50 同 100，但 200MA 仍在頭頂

逐項數據 ／ 每個數字係乜、點解重要

Step 01 · 大浪確立 已成立

跌幅

41.3%門檻 25%

由 250 根內最高位 8.250 跌到之後最低 4.840。確認真係跌過一大浪，唔係普通回調。跌幅唔夠嘅股，所謂「見底」只係區間震盪。

用時

128根 · 門檻 20

由浪頂計已跌咗 128 個交易日（約半年）。時間門檻。急插三日插一針唔算底——真正嘅籌碼換手需要時間。專門剔除急跌途中嘅反彈陷阱。

浪頂 / 浪底

8.250／ 4.840

整套 fib 同阻力搜尋範圍嘅基準。所有回撤位都由呢兩個數計出。要用高階樞軸點鎖死，唔可以跟細浪郁。

Step 02 · 阻力區確立 已成立

阻力區中心

6.640區間 6.540 – 6.740

自動聚類所有樞軸高低點，搵出被反覆觸及嘅水平價位。即 Wyckoff 講嘅「小溪」——每次反彈被沽壓壓返落嘅位。突破佢先叫轉勢，喺佢下面點升都只係反彈。

觸及次數

5門檻 3

呢個水平被測試過五次。雙面刃：次數越多代表套牢盤越厚、突破咗越有力；但被守住五次亦代表沽壓真係強。

區位 fib

0.528貼近 0.5

阻力區落喺整個跌浪嘅 52.8% 回撤位。唔係典型嘅 0.382「第一道阻力」，而係更高、更難搞嘅半數回撤。突破呢度通常需要更強資金推動。

歷史失敗次數

22 月、3 月

曾兩度升穿 6.740 但收市又跌返落區下緣。最易被忽略嘅警號。連續失敗兩次，第三次成功率唔會自動提高——今次必須有之前兩次冇嘅嘢。

Step 03 · 突破阻力區 未觸發

突破位

6.740仲差 17.3%

收市價要高於呢個數，第三步先成立。唯一嘅入場觸發線。中間仲要越過向下嘅 200MA（6.399）。

今日 RVOL$

6.28×50 日均額 25.95M

今日真成交額 HK$162.89M，係五十日平均嘅 6.28 倍。Weinstein 要求突破日量 ≥ 2 倍平均。6.28 倍極端，有大資金入場。但呢支量出現喺阻力區下方 17%，確認嘅係細級別起動，唔係四步曲要求嘅正式突破。

Z-score

5.35標準差

成交額偏離平均 5.35 個標準差。3 個標準差已罕見，5.35 屬年度級別事件。統計上幾乎肯定有機構參與。

收市位置

45%全日區間

高 6.020、低 5.520、收 5.745——回吐超過一半。全份報告最重要嘅警號。Wyckoff 要求真突破要收喺高位。6.28 倍成交額但只收 45%，代表大買盤同大沽盤同時出現。強勢突破應收喺 70% 以上。

Step 04 · 突破後企穩 未觸發

止蝕位

6.540阻力區下緣

突破後收市跌返落呢個數以下，訊號自動取消。阻力變支持。入場位同止蝕位喺突破當日只距約 3%，風險回報比清晰。

守住要求

5根 K 線

突破後連續五日冇跌返落 6.540。Wyckoff 嘅 Last Point of Support，原文強調回踩越淺越好。捱得過先算真轉勢。

突破後目標

6.945／ 8.250

fib 0.618 第一目標，浪頂 8.250 完整收復目標。由 6.740 計，到 6.945 約 +3%，到 8.250 約 +22%。配 3% 止蝕，完整收復風險回報比約 1:7。

系統健康度 · 呢套準則喺 2386 身上準唔準 參考

訊號密度

2.4%合理（<5%）

歷史上只有 2.4% 嘅 K 線觸發過訊號。自我診斷。密度過高代表門檻太鬆、訊號變雜訊。2.4% 屬健康。

整體命中率

▲40% ／ ▼37%78 次樣本

歷史 78 個成交額訊號，之後升 40%、跌 37%。要老實面對：接近擲毫，代表單靠成交額訊號喺本股冇明顯預測力。所以價格結構先係主體，成交額只做輔助確認。

恐慌量命中率

▲83%6 次樣本

唯一明顯偏離擲毫嘅分類。六次有五次之後升。樣本細，但將來出現恐慌量時可信度高過其他分類。

今日呢支巨量 ／ 正反兩面

支持「有嘢發生」

• 真成交額 HK$162.89M，係 50 日均額 25.95M 嘅 6.28 倍
• Z-score 5.35，年度級別異常
• 一日升穿 50MA 5.222 同 100MA 5.626
• 成交額分類判為「突破量」
• 離均線 +9.6%，未算追高

要求你冷靜嘅事實

• 收市位置 45%：高見 6.020 回吐至 5.745，高位有大量供應
• 距突破位 6.740 仲有 17.3%
• 200MA 6.399 喺頭頂而且向下
• 50MA 低於 100MA，死叉未解；均線收斂 5.2%
• 同一阻力區 已失敗兩次
• 成交額訊號歷史命中率只有 40%

基本面 ／ 2026 中期業績

收入

356.24億人民幣 · 按年 +12.7%

股東應占利潤

11.37億人民幣 · 按年 −18%

基本每股盈利

0.26人民幣

中期股息

0.127人民幣／股

點讀：收入升 12.7% 但利潤跌 18%——增收唔增利，反映毛利率壓縮或成本上升。對「大爆發」敘事嚟講係減分。真正可以支撐突破 6.740 嘅催化劑，應該係新簽合同額或在手訂單嘅重大改善。中期息對現價提供一定支持，但唔足以單獨推動 17% 升幅。

三個情境 ／ 同對應動作

情境 A四步曲完成

收市升穿 6.740 並連續五日守住 6.540。第三、四步同時成立，係系統定義嘅主力入場位。止蝕 6.540（約 3%），第一目標 6.945，完整目標 8.250。突破當日最好見到 RVOL$ ≥ 2 倍同收市位置 ≥ 70%。

情境 B第三次失敗

升到 6.5–6.7 但收市又跌返落 6.540 以下。指標標「突破失敗」並自動取消訊號。呢個劇本歷史上已發生兩次，機率唔低。喺此情境應喺失敗當日離場，唔好等佢返嚟。

情境 C今日係派貨

跌返落 5.32（今日突破前嘅區間頂）以下。今日嘅 6.28 倍成交額就唔係吸貨而係派貨。45% 嘅收市位置正正係呢個情境嘅早期特徵。

總結

直覺覺得 2386 會爆發，數據上有部分支持：6.28 倍成交額、5.35 個標準差、一日收復兩條中期均線，呢啲係真有大錢入場。

但四步曲呢套框架就係為咗防止「感覺對」嘅時候過早重注。佢而家講得好清楚：2/4，未觸發。真正門檻喺 6.740，比現價高 17.3%，中間仲有一條向下嘅 200MA，同埋一個已守住五次、失敗過兩次嘅阻力區。

加上今日收市位置只有 45%，同 Wyckoff 對真突破嘅要求（收喺高位、幅度放大）唔完全吻合——大買盤同大沽盤同時出現。呢種 K 線可以係起點，亦可以係一日遊。

合乎系統嘅做法：而家放入觀察名單，設 6.740 突破提示。想參與早段就用試探性細注，止蝕放 5.32 之下，並且清楚知道你做緊嘅係一個細級別起動，唔係四步曲訊號——兩者倉位大細應該完全唔同。等 6.740 突破兼企穩，先係加重注嘅位。

關於呢份報告　所有技術讀數來自自訂嘅「見底四步曲」同「真成交額」TradingView 腳本，收市數據截至 2026-09-04。基本面數字引自公司 2026 年中期業績公告

免責聲明　呢份係技術框架嘅診斷輸出，唔係投資建議，亦唔構成任何買賣要約。作者唔係持牌財務顧問。所有價位、目標同止蝕都係基於歷史價格結構嘅推算，唔保證未來表現。股票投資可能損失全部本金，落注前請自行判斷並考慮諮詢持牌人士。

學習AI

 花了半個月，在家學習AI，原因係阿仔入左中大既量子計算機金融課，所以教授要求佢地要做一個AI模型，佢地最後決定左韓國ETF爆煲事件

而因為阿仔既功課，所以我自己又研究埋一齊.

我在這個月先後做了四個機械人，分別是

1) 監察黑紅雨，同時風球。只有８號第球通知，而黑紅雨又會通知，主要是利用ＴＧ發送訊息

2) 九巴監察，常常要忍受九巴廣告，決定自己做一個在家附近的站，用做看時間一到就落樓搭巴士

3) 做了一個債券機械人︳幫我監察住fundsupermarket既新債，呢個花得我最長時間，用gemini搞左好耐都唔得。最後用Claude搞好, 俾錢真係唔同D ~ 因為有時我想更快了解佢既新債同做資料研究，因為呢個月我前後入了三條都係失敗左 快人一步就可以搶到新債既機會 , 現在已解決了問題

4) 連接左Openrouter ，接左個機械人做私人秘書。但暫時未有時間去訓練佢

5) 整左個AI炒股神器，我用左我學到既技術，將618 破底﹐阻力，等等，成交金額重新寫過一個我自己既script, 現有呢個可以好清楚咁知道幾時出貨，幾時入貨

仲整個一個Reits自動報價單

例如當息比平均息為高時︳就係一個alert(當然PDI唔係), 之後當有alert就會發email message我留意

6)做左個MTR delay ，當一delay 10分鐘就告知

學習到Timezone / 翻牆等等技巧，之後在阿里租左個server玩逆翻牆，諗著攞黎用，最後唔得，內地防火牆太勁，我搞左好耐都係卡呢到，最後轉番個新Server係新加坡就搞惦

未來先將九巴﹑黑紅雨接上一個小屏，放在家中門前，用作出門口之後

黎緊要做番個網站，張呢D成品同半成品仲有一個賣product既半方案交俾兒子做 , 我認為下一個世代幾乎係人人AI, 但問題係邊個更易上手，更快速做到你要既功作。AI就變成好似一個電鑽咁︳只係由古代工人用手挖︳變成用電鑽挖。番工都係一樣，人手係會減﹑工作量係會多，所以熟AI既認用好重要

台灣嘉義遊 - 2 張巡，許遠~

 在歷史長河中，有不少星光熠熠既人，我們固然要記住他們的踪跡，但亦有如恒河如數既忠義者未能留芳後世，所幸既係我哋老祖宗為我們留下筆踪 那怕是是短短一句將我們能分辯是非曲白

張巡 安史之中抗將 一位非黑即白既鐵血戰士，當時許遠素聞張巡守城作戰能力 甘願將自己官位讓出予張巡情操高尚 沒兵也願去救援多個地點 以新兵新官新上任，幕下新招募農兵幾千人力敵安史多員大將300多場，沒箭嗎？那就借箭，被圍城嗎？就先破敵，被破城牆嗎就放火，沒糧嗎就殺妾餵軍中做糧，到糧盡嗎就把老弱都吃掉。全城3000多戶到城破一刻僅餘300戶， 同時張巡為安史之亂中力守江南門戶睢陽城九個多月 援軍破可惜在城破後3天才到逹 張巡最後只餘下三隻牙不屈而死

​

​我們另一忠義文天祥在臨死前寫下正氣歌留下一段說話 

為張睢陽齒 為顏常山舌

當中一句說話提醒我們 這兩位大將不屈精神正成為文天祥在受困3年元大都惡劣既牢獄生活精神支柱。

張睢陽在廟中是黑面 和平日的大神白面不同 原因係佢殺太多 唯不能安守睢陽將對唐室由江南錢糧將無法運送京師 同時整個淮南地區將出現根本改變 睢陽失守會令提早唐室滅亡150年。影響之鉅後世所忽視重要性 在此必須要還他一個更顯淺既文志。忠昭日月 猶勝關羽

而常山顏真卿 常山季明 張巡都是安史抗將而被殺 他們的忠魂不散 經歷了1280年最後兩將緣訂台灣嘉義市 看來歷史冥冥中註定 他們的忠義長存

參觀迷你動物園

台灣嘉義遊~ 1

在此要記錄一下，我就在2026年2月份做了一個極瘋狂的行動——從訂酒店到決定出發，不足24小時我就飛了，為的就是你——顏真卿！

顏真卿是誰呢？如果你小時候練過書法，或者從事電腦美術，就一定認識他——Microsoft Word上的「顏體」字，就是他的字體。

如果說王羲之是天下第一書，那麼顏真卿就是第二。原因不是顏真卿比他差，而是因為王羲之是魏晉南北朝人士，比他足足早出世三百多年，才有這等成就。

顏真卿的《祭姪文稿》二十年來只展出過一次，就是在日本！這次展出三星期後，不知何年何月才能再次看到。

所以老遠從香港飛到台中，還要轉高鐵，只可排隊看幾秒，又要再排隊！如果這神作在內地，不知要排多久才可一睹。

就這樣，經過七個多小時的行程，我到達了台灣的博物館——正確來說是「台南故宮博物院」（故宮南院）。它是有南北之分的：北院是台北市的故宮博物院。我一直以為南北之分是指同一個地方有北館和南館，沒想到Klook賣給我的入場券是兩個不同城市的館，相隔差不多要四小時車程才到。我雖然很想去台北，但實在沒有多餘時間。我覺得Klook這樣賣票，又沒有明確指示，實在有點坑人，讓人多買一張根本不可能去的票。

我住在長榮酒店，走過對面馬路就可看到博物館了。雖然只看了三十秒就被趕出去，但我又再排一次，足足看了三次才滿足。台南博物館不大，沒多少東西看，但那個關於日本地緣政治對台灣影響的展覽，以及日本自身利益的視角，令我了解到台灣人原來是這樣看待日本的。

在嘉義這個緊湊的行程中，我到過日本神社，還有由日本傳入的職棒、寺院等。同時也去了糖廠（不是製糖的地方，而是重工業），了解了日本統治台灣近半世紀期間對台灣的技術轉移等等。我也和當地的Uber司機聊了歷史，還有台灣肺癌率高於全球第一的話題。由於台灣處於南北洋流區域，有些司機認為空污是大陸吹過來的，但其實是因為台灣地形多高山，配上南北對流風，所以大部分空氣滯留內陸，持久不散。不過他們也指出，工業化導致了很多霧霾，這才是真正值得注意的地方。

旅程中的嘉義就像一個民風純樸的小地區，大致上食店服務欠佳。我曾打車去了三間谷歌評分較好的店，雖然是平日，但居然都沒開，就算有開的也只做半天。這裡大部分地方真的是「十室三空」，有些甚至「十室七空」，我想應該是生意太差，才早早就關門吧

日期 行程 金額 (NT$)

2/24 上午 if億富生活飲食 → 故宮南院遊客中心 110

2/24 下午 故宮南院遊客中心 → 品皇咖啡觀光工廠 150

2/24 下午 品皇咖啡觀光工廠 → 乙生百余款（後潭店） 310

2/24 下午 乙生百余款 → 七里香茶飲（後潭店） 110

2/24 下午 七里香茶飲 → 長榮文苑酒店 230

2/24 傍晚 長榮文苑酒店 → 御牛殿麵食鍋物 125

2/24 晚間 御牛殿 → 長榮文苑酒店 130

2/25 上午 長榮文苑酒店 → 朴子配天宮 220

2/25 上午 朴子配天宮 → 昭和十八 J18 125

2/25 中午 昭和十八 → 林聰明沙鍋魚頭（光華店） 130

2/25 下午 林聰明 → 蒜頭糖廠蔗埕文化園區 500（2位司機）

2/25 下午 蒜頭糖廠 → 畔畔上樹萌寵樂園 110

2/25 下午 畔畔上樹 → 高鐵嘉義站 195

2/25 傍晚 高鐵嘉義站 → 臺中國際機場 981（2位
司機）

2天使費連住宿機票大約是8000港紙

  在台兩餐保持Low GI  飲食

賣樓記

我終於將自用既工廠工業大厦成功賣出了﹗這個單位樓齡快逹50年，而且管理公司奇差﹗到處漏水，上TVB都唔係第一次 單單我認知已經有三次大厦爆水喉漏到成部電梯壞同樓下條街商店無法營業。只是這個原因 已足夠令我放盤

成交價低於市場一點點賣出，我的位置是好，附近乾淨企理，單單呢個優點已經吸引唔少人，但無論我同邊個sales講都好，佢地就係同我"打定針", 話工業樓好難賣出，有成百個單位放左係到成年都冇人睇過之類，咁我係同意既，因為人地賣得貴同冇裝修

回想2014年我用了這個單位創業，自己在冇睇過樓情況下購入，原因係佢兩座相連單位電梯，單邊門口可放貨 長方形理想格局，交通和路程最好 而且同層單位係近十年租戶，近似商業大夏既素質

但隨住一個時代既結束，我隔離既打印公司員工和旁便另一單位老闆先後意外和死亡（ 香港金奬導演）,我會覺得呢到開始唔係咁好意頭，於是我就將單位改為出租

當我收回單位後 立即安排水電和油漆 處理洗手間漏水和樓上隔氣問題 而外牆部分我都重新油過，當係個小翻新

放盤大約三個星期 有一個內地人睇盤 先後番睇三次 其中我在經紀得知 佢會在星期日所有地產舖未冇情況下 話會去睇下個單位附近，我就決定自己行多一部 走去”撞一下佢”

當天回到單位整理半小時左右處理漏水，點知就在我離開鎖門一刻 他就出現了 如果我們前後腳有30秒偏差 那是不可能相遇的 所以我相信這個是緣份，也是我爭取到既機會，我向他身自介紹這個單位的好與壞

隔天我們就開始簽臨約，但他還是想減，又説是現金給我 不用律師之類，實在令我大開眼界，最後我得知佢既住址是尖沙咀起跳三千萬以上既豪宅 加上佢個香港居民身份證，再問一下買入後單位用來做什麼，佢支吾以答話用黎放下hifi 俾d人黎睇熟既人黎買下咁。我就想到一連串既問號，現金給我不經律師是何原因？那居民身份證是投資移民，那單位用作招呼熟人黎買野是替其他股東做什麼？ 我腦中很多疑問

但令我最不滿的 是在交易時他壓完價後 是要求我和他都一起減傭金 ，代理很大反應 説沒有做錯為何要減 因為公司是會問責的，我立即反對說我就照給傭金就行 你要減就你既事 我不滿是他壞 但也要拉我下水和他一起壞，他這款來到香港也想擦邊的行為令我感到嘔心 我幾乎想中止交易 但在錢和脫手上 我只可作吧  他説香港這個制度為何這樣煩 而他的朋友幫口話人地百幾年都係咁行制度交易 咁你黎香港其中一個原來就係因為咁。 

我回想起最近上的課堂，都係bargain power 最低就是平民 對呢d大商家 擦邊既人 只會殘民以自肥者 受害係最大

我們如何看待歷史，和如何走出歷史，塑造歷史

 前幾天和朋友既對話中，朋友講述了和兒子在床是講三國演義既故事，去到差不多諸葛亮在北伐出師表時，因馬謖既"言過其實, 不堪大用", 而不聽王平之言而固守街亭要道，最終令到蜀漢第一次既北伐功敗垂成，那次是唯一既機會，因為幾十年和平就此打破，之後魏國就重兵重將在防守，唔會再有突襲既機會

這是一個大底三國迷會知既故事，同時亦是朋友兒子之後失去動力再去睇下去既原因。因為大家都知道︳之後就是孔明病世，劉禪投降︳連什麼姜維九伐中原既內容都冇意思去看，包括朋友在內。而佢地係糾結於季漢集團既正統性 ，為此我必需去引導一番

正如鏡有兩面，為何蜀漢就是正統，那魏就是大壞蛋嗎？蜀漢民間要10人供養一人，而魏國僅20人供一人而已, 小國寡民卻維持大國軍備 ，去進攻，那就是引起蜀漢間既益州派(我暫簡稱為投降派)，那生活在同一地方既人，在蜀漢既役下相比，誰會過得好？蜀漢既偉大崇高理念，如果真的可以入長安，還帝給協嗎？

不﹗那只是三國演義下，大家都中晒羅貫中既小說，但也不怪羅貫中，畢境在陳壽的三國志中，我地已經隱約看得出三國志是崇劉貶曹。例如出處就是劉備係中山靖王之後...........下刪幾十行字以歌頌係皇者之後。而曹氐就是由十惡不赦既大宦官曹騰收養既兒子，之後再賣官給曹操做孝廉，在漢末是曹氐就是仁義都沒有廉恥既後，和高貴背景既劉備相比當然就是令到讀者有個高低反差，劉備是被害者等等︳一直俾曹家打到大篇個中國都走畢，令到人們意氣難平，這亦是為何吸引者讀書著迷既地方

關於正統這個問題，有不同既演繹方式，以最有趣既當然係北宋南宋。北宋因為司馬光既資治通鑑，因北宋趙匡胤都係和曹家一樣，將人家既孤兒寡婦踢走而取下建立帝國，所以北宋是以中原為首既"魏"國為正統，而不是所謂既"南唐李氐為正統(其實李氐跟本和唐室無關) 。

相反南宋就以蜀漢為正統，因為中原為金﹑蒙所佔，這些背景和季漢有點相似。而西晋(魏)和東晋(蜀)都是一樣，所以才有裴注(宋)  寫下既別註，為三國這個史料進一步以漢為主，去到明清時期長達600年既背景中，因朱元璋要伐中原，清要懷柔和繼承明因，佢地都以蜀為主，去到近代有差不多900年都是支持漢室的。所以後人既"創作"故事才會令每一個小孩深入民心，重劉抑曹

但我們在另一角度去看，不同時期也因為同原因而視魏為正統，所謂正統之說只不過是因為當時因政治氣候而去改，即使係同一朝代都好。所以我同朋友講，我地點睇歷史，看待和了解，係更加重要，當然能夠走出歷史，看透時局去創造歷史，就是一生最重要既修為