真實操盤﹗理想(28厘)與現實(15.5厘)，做一年 一百萬941 中國移動收息+期權會賺到幾多？

 

上年和友人傾開話不如攞一百萬出黎玩941，原因係中國股票冇一隻可以查得落手都收息，想穏穏陣陣，不如用941，當時我就計算過試下黎做，當時係2022年6月左右，計算過有近7厘，買入100萬大約係20000股平均價51蚊，不斷咁開Covered Call + SP, 再利用Collar Spread防止大市回調，推算理論值係28厘。

一年既時間結束了，我做了一個總結，最後收到係期權金83885，連同派息105840, 即一年收到係189725，成本1224000，年息只可以做到15.5厘。做唔到既28厘原因係

1) 做ATM太近，一格以上好易入價，如果不小心既話，隨時會俾call走，為免有問題所以推遠最少3格以上做Covered Call

2) SP入價︳在2022年11月時，中國移動跌到48左右，令到SP入價，接了部份貨，令到股份由20000股變成24000股，同時為了防止再過度買入，將SP推走3格

3) 中國移動派息月時 / 強勢時，SC係派息月特別少，原因係佢已預計派息既問題扣減權金，令到無肉可食，同時派息月不直做SP,，亦要等除淨後再SP好D，令到時間值減少，以免部份派息後會急跌散水情況

總結一年收息4.41 + 期權金(3.45)

全年收息7.86

扣減今年派息2.43 + 7月8月和9月期權金(1.49) 

即中移平均價係51 -7.86 -2.43-1.49 = 39.22

以中國移動手持現金帳面值係35蚊左右。我持有既成本係39.22, 只要再過多4年，咁就可以收回呢35蚊，到時中國移國就會零成本

資優學院介紹同攻略

 花了差不多九個月時間，終於考入了資優學院，當然佢不能和劍橋同牛津相提並論，而且我個小朋友仲未有資格考入，所以不如介紹一入點可以考入去同事前要注意事項

我強調資優學院係一間值得考入既免費學院，因為佢可以係免費既資源底下，學到同去到一D就算你"大把錢"都讀唔到既課程，在此介紹一下

例如好似呢D天文課﹑破解保險箱代表香港去以色列參賽，水下考古學 ，去科學園參觀等等

其他的課程可以參考呢到

https://www.hkage.edu.hk/articles/master-programme-table?search=&StartingDateFrom=&StartingDateTo=&classlevel=&mode=&participant=Student#gsc.tab=0

簡單黎講，佢係接受小四到中六既學生考入，大前提係你必須俱有佢認為你有特殊既能力。在此分享一下我當時考入既方式

前期

1) 分為學校提名或自行報名，一年只有一次機會，大約是每年的十月左右開始，必須要留意，學校提名同自行報名既結果係一樣，我當時係自行報名的，因為我不想利用校長學校推薦呢D方式進入，我就用自行報名。

2)完成自行報名後，你就要讀為期3個月左右既課程，呢個叫甄選課程，你必須係其中選定一個你認為有"能力"可以pass既科目，例如語言﹑數學﹑科學﹑人文﹑社會等等，根據我的朋友既作戰意見﹑數學科係"比較難", 家長難以幫手，而我的兒子是選了人文學科，即係類似政治﹑國際關係科，由於我對呢個較有信心，同時佢自己都話對呢科有興趣，所以就選了。

大致上，係課程上會有4個Test,同大約幾百題MC，以三個月計算，必須每天要做1.5篇才能及時完成，所以如果你的小孩係冇枉管的話，你必須要嚴加注意時間，Test係可以重做最多1次。但有時間限制，以防止你利用Google大神找答案。

而大考係有時間限定同大約70題MC﹑冇得重做

3)如果你Pass左之後，你就可以去到Final Stage，網上面試

即係交2年既成績表﹑有冇係其他機構或外國賽事獲獎，自我簡介，爸爸點樣發掘到佢資優簡介﹑作品簡介(包含Video會較有利)，注意，佢地係Option中獲獎係有三個選項，所以你必須找到有三個獲獎資料以上，多出黎可以用併圖合併做一個。同時一些校外比賽也是關鍵

希望以上幫到你地