交易日誌：決勝期指結算日

 

昨天係呢個28993呢個藍圈位買入,  買入原因係因為今天是期指結算，由於內地是放五一假關係，係佢上沖保力加通道我就有預感今日起碼會邊一邊。

理由係港股呢半年係完全跟中國股市走向，由於恒指國企化，所以現在影響到香港股票係大陸，而唔係美國股市，所以美股升跌基本上係同香港冇關係

睇番以下個圖，呢個係HSI同燈線係中國指數，我地既高低位基本上係同大陸冇分別。由於大陸將放假到五月4日。我預計呢個時間正正係推上恒指既一個大好機會，狹淡倉。

所以我就偷步一天係昨天上沖BB時買入期指︳不論輸贏, 都係29/4結算，所以我係贏有限，輸有限。 (藍圈位係我入市，28993 ,再係今朝9:18開市平倉,獲利258點

如果你再細心想一下，上年12月港股趁內地假期時一路爆單邊夾淡倉，呢個情況我相信係呢個時間內就會好快出現

現在期指係收窄通道~ 相信邊波幅機會好

交易日誌 : Bitcoin建倉

呢兩日可說是幣災，搞左成日，終於俾我揾到個點　４８３００左右買入

呢個係簡單既１２３法則回調買入。但我就係突破位買入左。點解呢？因為呢個係５ｍｉｎｓ圖，要極快手先可以把握到

如果用6 hours圖去睇，已經係超賣非常嚴重，日線圖亦都係。做一個簡單回調反彈可以食番幾千~

Show埋個圖出黎，以免人地話個圖係馬後炮~呢到大約係HKD26000左右~因為中間有1.5% services charge

看對 下大 抱住

最近覺得自己既炒股有一個好重大既變化 就係心態 在此要寫下來留級兒子用 

1)每個人都有自己交易法則既一套 正如我的方法未必適合你 舉個實際例子 我認識一個股神台灣JG, 佢回報呢幾年近十倍 而佢既trading機本上都係透過經紀落盤 所以基本上你買D乜，賣D乜，佢個經紀都係第一手知道。而呢位經紀亦係JG既好朋友，所以JG唔介意俾佢知。好奇既讀者一定會想, 呢位經紀好好彩，好多人要俾Patreon費幾千蚊一個月，都只係為左規探股神既持倉，莫過說買入買出既時間點，對任何人來說是夢未以求既事

過左一段時間，JG問番佢個經紀，就算冇十倍回報，起碼都有三倍吧。佢個好朋友話佢知佢唔單只冇賺，仲要係蝕錢﹗點解會咁呢？

呢個就係交易既規則，就算你根著我去交易，但信念不足，往往因為咁而去做止賺或止蝕。就有如我認為今日在28474係一個入市位，有幾多人會相信同夠膽去入呢？

2) 技術分析只限用係期指，Day Trade Only, 任何技術分析就算幾勁都好，你都冇方法可以避開人為因素，例如今天2020就配股急跌

所以利用技術分析去發逹係非常難既事。最多只可以做到1R to 3R左右。問世間有幾多隻股王可以俾你捉得到？

而技術分析只要過左一日，個作用就會減弱。當然有係形態學上只要未被破壞，方向也是對的，只是只要錢一日不在手上，你既持倉風險係冇減少到

2) 自己既技術分析其實係三個月前已到逹頂峰形態，根據Jlaw CupSir 兩位大師，佢地回報都有近36% to 50% 不等。每日大約係3個Trade左右。但為我我只能做到近接近既成績而冇超越佢地 (Jlaw 2月大勝，3到4月損手圖)

於是我review番自己既交易Trading, 發現有一部份既操作係在於過度FOMO,  例如係手機到做trading,冇認真過圖表，又如在美股開市後就入市，呢個正正係大忌，但我每次做完都發覺係做錯左。因為美股開市頭一小時波動太大，呢D情況係完全唔適合做交易，反而做指數係更好

再睇番交易記錄(3月到4月)，買股票win rate只有3成左右。而買期指係100% Win rate, 期權操作就有近7成。呢個成績如果用買股票黎講可以話係唔合格。而唔合格之中，除左因為3月同4月Difficult Period問題同FOMO外，買入方法同分析都係好正確。

問題係在於買入後既政治同人為風險，因為自己唔係操控股市既大戶，所以只要一過左一日，你每日既風險就會增加

而炒期指係我最好既成績，完完全全cover晒股票既損失，係因為炒期指係好依賴你成套技術分析, 呢點係好重要，由於勝負只係一兩分鐘之內既入市位，贍大心細係好重要. 我認為自己a 日後應在期權同期指之中發展。而股票就只在強trend時才去買~

你可能會問，點解你話3個月前技術分析已到頂峰，但為何是呢兩個月才有咁好成績呢？呢個就係正正JG所講既心態，就算你有一流既交易技術，只要你心態唔得，你最終都係會輸成績

記著一個重點，技術面只係20%, 真正關鍵在於心態50%同持倉 30%

爸爸發現到突破自己既心態係在於你有一次真正既"痛"過。你自然會明白。上年既美股20/3大跌市，由於爸爸那時仲未學股票，所以之前的損失係唔計。

真正既心態磨練係在於爸爸在2月時戶口由250萬升到320萬後，由於過渡樂觀買股票Momemtium形的股票 ~ 引致到3 月後美股做出調整時只是輕輕大約15%拉回，已足夠令到戶口由320萬跌到220萬。足足跌足了一百萬。呢個就係心態既磨練，因為你戶口由win大錢變蝕錢，會比起你大跌更難受

但只要你相信你自己既技術同磨練，就好似爸爸一樣，當你受一次重大既痛苦而佢冇令你"離場", 咁佢就係你最大既苦行老師~ 相信自己，因為爸爸已經透過以上既期權同期指方法，完完全全咁收復失地~

在此分享一下膽大心細既期指Ｔｒａｄｉｎｇ，　今天去到收針的地方28474左右入市，利用RSI / 保力加通道。再於28575 / 28640兩個位沽出期指同指數期權, 共賺263點。

記得要學好Delta的計算方法同0.66的準則才好去做指數期權，唔係一知半解只會係蝕錢收場的

通賬和財務自由

 今日剛剛看到風兄係Patreon的內容，有部份好值得我深思，有感而發寫了出來

節錄如下,希望風大俠唔介意我引用佢少少內容：

工作是一個人一生中花最多時間的地方，但更多的人，天天幹著無意義的工作，每天還要忍受高壓的環境、上司的無理、同事的傾軋、加班的爆肝，只為了多一點點薪水。其實，你有沒有靜下來想一想，究竟是放不下一份工作，還是放不下一份慾望

文章既內容如同係香港既縮影，我相信近香港九成既勞工階層都出現過呢D問題，層幾何時我都每天做一些無意義﹑重覆又重覆既工作，那時我深深體會到人在江湖﹑身不由己既情況，問題是？我到底有冇得揀呢？

呢個問題好最決於自己既惰性，如果仲後生，我希望我的兒子日後睇到呢個Blog之後，希望你可以在30Age前看到，為自己做出一個選擇，到底是每天如上面咁講日日成為時間既奴隸，抑或係自己去改變自己既命運。由於大部份人都係佢個地comfort zone, 實在好難做一個取捨，如果仲後生，唔好浪費青春，爸爸也是在30時才開始創業，到真正成功才是35之後既事。所以要好好利用仲係青春既日子

而另外今日有感而發既就係，HSBC 禁止買賣持有Bitcoin相關性既股票

對於HSBC呢個行為我只可以感到憤怒，之前係香港賺大部份既利潤，又唔派息。現在仲唔俾買賣bitcoin stock. 純用主觀方度去看，如果利用銀行去買bitcoin,你話用黎洗黑錢都無話可說，但現在係連Bitcoin既股票都唔俾買賣，就有如GME事件一樣輸打嬴要

現在因病毒事件，美國印出黎既錢，已經係自立國以黎既總和 ，再加上中國, 歐盟﹑日本，印度，基本上冇一個國家唔去印錢。而印出黎既錢又唔係直接茖市民個袋，而係將D錢注番入銀行體系大放水，如果你唔參加呢個全球放水大遊戲，最終你會因通賬而永久失去財務自由既機會，簡單黎講，以我有限既財務知識就係︳印出黎既錢，最終會茖在股票同樓市上面，如果你唔去做呢個賭博遊戲，咁你就冇可能追上通賬，最終股樓大升(現在newyork 樓價比上年升15%, 澳洲﹑英國, 新西蘭都全面加價樓市近5到10%不等), 根本就就係迫人去參加呢個遊戲，但升斗既市民，佢地有邊有咁多能力去炒股票呢？十個股民﹑九個蝕錢，最終就連自己既財富都俾呢班可惡既大財團"收割"埋

Bitcoin同其他去中心化既coin,正正係為我地呢D無力對抗呢D 印錢機大國去保留我地自己少少既財富，用黎當分散投資又好，當係收藏又好。而HSBC連呢個買股票既權利都唔俾我地做，我最反感的，正正係呢D維護住佢地銀行體系既霸權地位，因為人人都去中心化，就唔需要有銀行既存在。HSBC正正係打壓人類最後一根防通賬既稲草

交易日誌：Day Trade 技術分析 HSI恒指指數與保力加通道實戰 買賣方法

今日四月一日。由於昨日既CALL PUT已行使。相信大市會係呢幾日有個明顯方向。留意到呢個星期出現大量熊仔，同時期權統計學話我知四月是升市居多。

睇番圖30/3 話俾我知，好友發力打穿左個Trend Line 28484呢個阻力位。我會視佢會反彈既一段，於是自己就採用直接買期貨+ Bull Call Spread 292/290 各10張April 9

直接買期既原因係，我唔想浪費時間值，因為我幾乎好肯定係會升上去。技術分析同盤感唔會呃我。

而買Bull Call Spread 10張 原因為 我想利用槓桿再加大個倍數

要分析現個恒生指數點入市位主要有幾個方法

1) 利用保力加通道, 常以中線或底線位。在開展喇叭時就出擊

2) 如上圖一樣，我係28450左右。去到中線就入市，點解唔採用底先去攞底呢？原因係你仲要睇多幾個圖

透過利用15Mins  1小時同1日圖，你就可以清楚知道，現在恒指係一個上升通道，要佢茖回保力加通道bollinger band底係有D難。因為佢剛剛才在1小時圖離開左個底部，所以我以恒指可以回到中線中間為主

另一方面，點解我會知道佢可以回調呢？係因為我留意到10:15分佢係1小時圖已經去到RSI 70超賣，normally呢個情況係可以再超賣，但超賣再超賣其實係統計學上只有大約20%左右既情況出現。所以可以以中線為主，伺機買入

故事講到成功係28470左右買到貨之後，我直接Day Trade期指，因為時間仲早，Win Rate可以話係好高。我等到大約下午2點左右。去到28750我就平倉。

在此要提一下，呢個情況其實我係預可以升多200點。但因為我手上另有10張Bull Call係手，而下星期由於係假期多，離9/4結算日只係得番3個day trade

所以我覺得唔可以將呢個風險帶到下星期。離收市4:30仲有2個鐘，我唔可以Sure佢到底可唔可以升多200點去到29000, 所以我就將Bull Call Spread + 期指直接平倉

另外RSI 由於去到超賣位，亦都係平倉關鋌之一

我地再睇番個日線圖，由於已去到一個好關鍵既阻力位28900, 所以值博係較難。呢個時間應該開LP 為主, 再食多佢200點, RSI亦都到阻力水平

後市方向：

我自己會認為如下圖咁, HSI到阻力位會向下走番一兩天，之後再突破回調向上

或下星期三直接突破。主要視乎美股走勢同大陸資金流

檢討：同一時間開左Bull Call Spread x 10 9/4 呢個手法唔太好。原因係冇留意到下星期幾日假，蝕時間值都蝕死。建議日後先睇好公眾假期表先去做Trade,而唔係麻睇IB仲有幾多日Working day~ 最後今日賺左580點收市

另外做Day Trade一定要睇實個市，前幾日做左個27/3 Bull Call Spread x 10因為去做物理治療，直接係手機到茖盤，冇得用tradingview , 所以上次做得唔太好, 只係平手離場 , 要真正睇到成個大勢，唔好心急。做Trade先可以成功

現持有  Diagonal Spread 267 / 1113 / 2020 / 2319

LP 6030 

LC 762 175 268  ( 呢幾套都係在30./3建倉，利用RSI反彈做撈底之選)