終極篇 :上期權現金流作者pan sir班 學到D乜? (四)

今日係阿Sir Last 2 lesson ~ 由於之前個三課全球收息班較悶，所以呢兩堂我一早預在唔睇好。今集一開始阿Sir明顯有備已來，首先佢改善左佢之前個幾堂既唔好印象-- 遲到(注意：雖則遲到，但阿Sir會自動遲放)，遲到既原因應唔關阿Sir事，應部份人用手機或佢系統效能太低，令到聲畫不同步引起。小弟平生最憎人遲到，因為你遲到，就代表你會遲放學，而學生亦因為咁而遲放，建議可以提早15mins ready上。而係zoom底下，你想問幾多問題都得，視乎你想留幾耐(讚!)，咁今次明顯真係用Zoom係呢教學係唔錯，因為人人都可以唔駛趕住番屋企而離開，可以"一舖過"問阿Sir到底。  另一方面，阿Sir亦好似留意到我個Blog 定係有人提佢嗎？佢真係換左個Power Point,  咁咪好囉~

癈話少說，阿Sir  係正式上課前，用左大半小時去講術佢既"心法", 由於大市下跌，好多股票都出現"捱價"情況，而每一個人都唔知幾時係可以估到底，佢教我地用平均成本法, 就好似你每月係銀行到買股票或者基金咁，分階段咁買入，唔好一舖過用晒自己筆錢，簡單黎講就好似係"長線投資者" ，我自己係個投資初哥黎，老實講係股票上係冇乜收獲，多年黎只係試過下係銀行買幾條債券，已經係我最大既回報，對我黎講期權同其他指數我真係一X不通。其實小弟非常之喜歡風大俠那一套懒系投資法，係職場上我可以說冇乜對手，但你要我去買下股票同投資，我只係一個小薯嘜黎，而我自己覺得阿Sir講既長線投資法，同佢講既U 型反彈又幾岩聽，對每個人黎講唔太困身既投資係最好。整身來說，阿Sir 係注重心態上既研究，佢明顯係有温過書，做個下野，我自問對股市冇乜心得，但炒炒賣賣，即日鮮呢D真係唔岩我，而股市最大既壓力係自己對市場既信不足，阿Sir再一次講，應該會比今課既同事返回不少既信心，呢點好重要﹗但大市下冇人有水晶球，希望今次就算唔係最低位，都唔好再跌多一半，如果唔係阿Sir今番既努力又用心良苦，白費了開課的半小時

課堂上今次係比較實戰﹗同以往既教學方式唔同，真係用多左IB option trader , 有少少快，但我都叫吸收到，好似原來中國股票要比股息稅我係唔知，原來可以用期權去避開佢，阿Sir話除淨前就得，其實我都唔係太明白個道理，如果有師兄或其他人指教下我就更好，係咪一定要除淨日定係早幾日，抑或早成個月都得？如果早成個月咪好似冇乜關係囉？我係唔係好明白呢個point, 而佢教既幾個美股同澳洲銀行期權，建議係呢個波動既時期去做下short . 有唔少同學反映過要小心at the money , 但見到既期權金又幾吸引，阿Sir 話佢今次會去做，到底我自己做唔做好呢？因為見其他帥兄有反映過問題  如果我唔做，我就會攞唔番D學費番黎. 我應該會一步一步黎試下，反正我自己持有大量現金

另外我仲想回應一下PanSir同學會whatspps group朋友同HKLA既打手，我呢個blog只為紀綠一下我自己既生活點滴，完全沒有想過會成為你們和pansir既發洩溝通橋樑，我在谷中深深感深到你地既無助同憤怒，好似有人話輸左二百幾萬半層樓﹑有D源於對PanSir對學生既態度, 話咩劣徒之類，有D就因為NRR 180 160 140分三注, 咩無限Short Put XXX , 搞到輸到七彩，佢地都cap晒圖話要去咩海關﹑證監蘋果舉報之類。由於小弟仲係期權小綿咩，我無能分辦出到底那一刻做期權係對定錯，但我自己覺得，學生之前點解咁信任老師，就係因為老師既advise同建議比到佢一個信心，例如有一日陳德林或者陳茂波走黎同我講話買939呢個股票好得，你可以試下入貨，咁我當然係會訓身去入貨喇，因為佢地既知識比你多，所以身為一個老帥既意見真係好重要，一班同學是怎樣對老帥既期望。但一班既學生有多人，能力有參差，有一部份人想利用老師既Number發達(我自己都有想過) , 有部份人連IB都未有，搞到讀完好似冇讀過咁，所以搞呢D收錢班，就更應該將佢拉長黎讀﹑或者分幾班初中高，但如果一間機構只想|"財富量化"的話，將初中高group成一班咁搞惦，就會出現部份能力不足既學生不明白，問老師又遇著大跌市，結果大家坐埋一條船就........

另一方面，如果大跌市下，呢班學生其實係最需要既唔係退款，而係要收復失地，但最慘既係呢個課程你會有三個月可以跟到pan sir whatspps 幫助，之後你就會被踢出谷，無群既學生，就會好似現實生活中既失學學生一樣︳唯有自己自成立一個群組，有部份既學生因為之前既投資advise 而憤怒。你當然係會話大家係成年人，投資係自己決定，你自己賺錢也不會分俾我，正如我蝕錢都唔會找你埋單一樣，但千萬唔好忘記，他們最需要的，是老師既意見 ，佢地唔係有太大似老師咁有信心，好多D個市跌下就好驚，又大壓力，又冇其他人咁有咁多錢，佢地既錢都係一分一亳咁儲回來，血汗錢來的，唔係按幾個制就可以"夾"到錢架，如果只係想利用人地既貪心黎報讀，三個月後就踢走人，課程如果只係幾千蚊我覺得無偒大雅，但一個課程要二萬幾蚊實在會令人有所期待，結果當然越期待得到既落差亦大。

我個人advise係，如果想真心幫助呢班同學︳幫到自己又幫到人，應該重新將呢班學生重新開一個新群組，係VIP Group, 不再受呢3個月所限，如果覺得係心態上有問題，就應係心態上幫助他們，股票上一起成長，將損失減到最底，PanSir唔係話要幫學生揾番D 學費未？記得試堂時，佢話win win先係最重要，自己win錢，同學都win錢，我好希望佢係真心講出黎，作為一個教育工作者不易，勿被金錢所蒙蔽才重要。而我覺得溝通先最重要，兩邊駡戰沒有ending，只有兩敗，但如果能夠幫忙呢班學生重入Group不受3個月所限的話，最少能減低他們的憤怒，仲可以重新幫助他們，老師可以會因些訓覺少了，但錢係賺唔晒的，以我所知，呢班學生有好多都期權好好(最少比我勁勁勁好多倍),  將來有能力成為老師既高徒，一個老師，是對教育無所倦，無所畏﹑絕不是一味賺錢的機器，聽到佢地其實最需要既係Pan Sir意見同幫助，但可惜係佢地連溝通機會都冇，所以唯有周圍講

最後，如果你地以為我一定唔recommend PanSir既課程係錯既，佢既期權課﹑同埋期權班我認為係值得的(可能有谷友認為有其他老師教學更好，但因我只係小薯仔，未認識所講唔同老師既教學，但我認為每個老師都有唔同教學方法，就好似小學既時候，總會比較A班個英文老師好好﹑B班個老師唔得之類，但小弟既能力唔太好，暫時用下PanSir本書練習一下已經覺得應付有困難，所以要完全篤駁仲有段日子先可以升呢到其他既老師技能)，相反中間既全球收息班某程度上因疫情令到佢失色，課程既長時間年報實在太悶，對初學者來說亦不錯，因為佢係帶領我進入期權同期權現金流既一個重要課題，由唔識變做知知地，但最重要係自己多加學習同參考多別人既意見，希望有機會既將來我可以學已致用

美股 EPR 可生存發耐？

各位持有EPR要留意了，官方剛發報新聞，如果係不派利息既情況下，可以維持公司43個月。而維持派息(現息係19.47%) ,只可以維持19個月。

假如有15%客戶可付房租的話︳可以支持65個月，而派發股息下只可支持23個月。而只要超過一半既租戶比番租金，咁就可以冇問題維持公司生命. EPR最大租戶係AMC戲院，已出現破產同未能交租情況，咁睇黎日後唔派息既機會比較大，大家小心

您相信美國人會在未來兩年重返滑雪場，水上樂園和看電影，那麼EPR的股票就是便宜的了。

資料來源 https://finance.yahoo.com/news/epr-properties-provides-company-announces-201500283.html

口罩荒 ？﹗深圳真實情況﹗

最近公司由於唔少歐美客戶要求口罩，原本公司既業務同呢D係牛頭唔搭馬嘴，但因為2月時依賴唔少美國朋友寄口罩俾小弟一家用。咁唯有幫幫手，由於同業務有關，同我熟既廠家，佢地有部份已轉型做出口口罩，番到既N95 $5.5, 普通家用口罩1.4一個，呢個價都算唔錯，馬上訂購一批反向輸出俾歐美既店舖頂一下

係我認識既國內廠家，十個入面有2個已經做緊防疫既野，甚至乎有人向小弟賣口罩機去做出黎，但中間既噴融布先係關鍵 , 而當全世界一窩風咁向中國訂口罩後，以來貨價70萬一部機，加中間既布15萬成本，應生產1星期已經可以回到本，當人人以為可以發大達，成功將本來損失左既訂單變回做防疫之時。沒想到好戲在後頭


以下圖片係家庭式生產口罩

呢兩個星期一路都收到唔少國家投訴口罩唔合格，以我所知，佢地既CE都係假同買回來的，一個CE中國大約賣三四千蚊，如果你要真係攞到認識既CE 可查的話，最少要12000, 加上申請CE等候需時，快則3個月遲則半年，試問呢D民營家庭式作業又點可以申請到呢？於是國家就不斷咁收到投訴唔少歐美既口罩不及格，最後引起國家出手 

根最新18/4報告，所以口罩唔俾出口，落香港唔得﹗咁出口呢？用DHL / UPS可以吧？我朋友物流公司(某一上市的物流) 已近500萬個罩扣在貨倉中，無論你是合規還是不合規，總之全部格殺物論。國家呢一波可謂將冰凍既出口市場進一步打壓，需知道現在大部份訂單﹑自由工作者﹑民工等已無工可做，轉為出口防疫用品，我相信好快呢D公司會做唔住。而另一方面，口罩價格應不會長期跌下去，有機會反升

現在唯一可以出口的，根據行業內文，只有報正關和直接已通過企業授權的防疫用品公司可以(營業執照﹑注冊和報告)，大量最近轉型的防大疫公司只有死刑而已

為左進一步去了解我既預測，我揾左我個小姐，分三個唔同時間去金光華﹑萬象城附近行下，每一個小區同大樓，都畫分一個位置收快遞﹑外人不可以直接進入大厦內，以防疫情，而萬象城附近最全深圳最旺的地點，人流亦不過以前的1/2。看來這消失的一半人到底在那裏？我自己在想，出口和入口佔中國GDP達18%以上，中國五份一人看來會出現唔同情況的收入減少，而呢個會明顯反映在生活消費上，咁即係話做商場既reits暫時都唔會有運行住，中國已經係叫做完成左第一波既疫情，商場消費只係回復番之前既一半，如果再發生第二波，真係唔敢想像係點，我更加難想像歐美地方既reits會差到去邊到.........

附上由我個小姐於2月13到4月4日在深圳時的紀綠，如果你有興趣想要video,可聯絡我

上期權現金流作者pan sir班 學到D乜? (三)

前日終於完成了PanSir 既全球reits高息班，由於受到疫情影響, 所以未來的課堂會全部轉為Zoom上。雖然我對zoom的方式感覺不錯，但我始終覺得可以親上見到PanSir真人更好﹗點解呢？原因有三

1) 可以面對面了解到Pansir既講解

2) 可以更集中精神，我明顯地在家中上堂，受到家中的小孩老是找我玩，又自己在阿Sir講得悶悶地時去食下野, 分左心

3) 可以同同學仔交流一下心得

當然, 用zoom也有佢個好處，因為我慳左時間﹑車費同埋受到感染的風險，但我覺得都已俾左2皮幾野，都唔差咁多，自己真係唔想用zoom上堂，於是問下HKLD (PAN Sir既合作者), 問下可能退錢，當然結果係點大家估到喇，"唔得"

由於今堂又係第一次用zoom , 原本7:30上堂，好多用家都搞左好耐都唔得，要成8:00先搞齊，係人數下，有85個使用者。咁即係85 x 24800 = 一個課程就收左210萬，咁都幾和味~ 由於好多人都未搞得惦個zoom , 於是阿Sir就問對上課過程中有冇問題，不少用家都樂於係Zoom到發問，其中一位我特別記得

A君：阿Sir我個 NRR要唔要止蝕好？

P Sir: 幾錢入？

A君：73.9 (現價55蚊)

PSir : 之後pansir就用一個答左等於冇答，又話要睇下佢個碼等。其間佢仲一個例子用N2IU ，好似話一年派 幾cent息，咁十年已經係幾蚊，如果你對佢個股票好有信心，我就咁係咁加注入去

聽完後，我不禁"嘆息"同"驚為天人", 我驚為天人係，第二期同第三期既同學，NRR由2018年開始341蚊，, 之後一路跌茖去就140蚊，Pansir堂上已有幾屆唔同既畢業生，應係由2018年開始的，如果一隻stock由340蚊，一路係咁跌到去140蚊都唔止蝕的話，咁之前個幾屆畢業生會點？上星期就得NRR得番70蚊，佢居然仲會推呢個股票............ 另一方面，佢一堂講3個股票。一個課程收2萬幾蚊，咁即係每個Number都值幾千蚊喇，阿Sir話最重要係對隻股票有信心，睇年報係加強你對呢個股票既信心咁話喎。我想問下如果NRR係咁"強大"的話，一間350蚊既公司得番55蚊，仲衰過HSBC股價 , 我嘆息係之前個幾期既同學，係阿 Sir咁既建議底下，到時會蝕左幾多錢，一個正常人如果跌10%就要止蝕，30%就更要止蝕，呢D係最基本既logic  .......

我既point係，大市下跌，就算收息都唔可以cover番以前跌左既數，就好似hsbc咁，俾9厘息，但一路跌茖去，加上NRR呢個時機唔岩，佢已跌左九成又冇派息，實在唔應該再推界，最起碼可以用其他reits代替

阿Sir又話好多時IB都會係星期六同日做maintenance,所以最好唔好呢D時間去處理你個Ib profile, 但我有一個疑問，點解阿Sir明知有呢個問題，都會選擇星期六上堂既？上堂既日子又怪21/3 25/3 16/4, 中間隔開成個月，係去左旅行定Book唔到租場場地？結果星期六上堂個日，真係咁黑仔login唔到IB, 結果全班聽阿Sir "齊"up

進入pansir 前幾期既同學whatspps group, 入面有百幾個"Pan Sir以前粉絲"成立的 ,部份都充斥住呢D "負面"訊息，雖然我唔知呢百幾個入面有幾多係負能量，亦無做統計，就咁目測應有幾十人.  

最後我見阿Sir 個Power Point顯示"產品金鑰無效", 上兩堂我聽阿Sir炒VIX 都汁左幾百萬，我既建議係揾咁多錢, 應取之有道，買番個office都係幾百蚊, 咪用翻版喇 

評心而論：PanSir既期權現金流一書真係寫得唔錯，佢推介既reits 係呢個疫情底下無可否定係跌，唯其中一個不足係上課既模式不足以滿足大眾，因為在試堂前同上堂後既模式感覺有相當大既反差，亦因花太長時間在讀年報，同埋佢推介既股票係呢段時間大幅下跌，引起學生既質疑，我覺得如果大市係一片好情況下，人人揾大錢，應該不會有咁多負能量. 而最大問題係有部份股票如NRR已下跌近九成(341元跌到55蚊), 如果是第一，第二班向同學推介還可接受，但去到第三班個時股價得番100蚊都仲推介學生, 就似乎有點那過兒，雖然我冇持有NRR呢個股票，但我認為呢隻股票唔應該再下一班再介紹俾同學, 我重新一點係，如果你係初學者買本書去學下係不錯，但自己衡量到底接唔接受到花長時間上年報班

微信你用得多﹗但可以幫你揾到錢又慳到錢你又唔知知？

現在很多香港人都竹人微信，大多數都是利用wechat做一些支付的工具，這離不開wechat用貼錢的方式，去佔有大市場同拿你的數據去"賣"，但你又知唔知wechat其實係可以幫你揾到錢同慳到錢

首先講下點慳到錢，除左你可以用黎賺下D里數(玩chop分)之外，你仲可以透過wechat入面既小程式去發掘入面既野，多到你想像唔到，就好似將成個google play既apps放入去你個wechat到。當中我要介紹係深圳地鐵呢個apps.

你只要係wechat介面下，係手指下拉，就會出現小程式呢個介面，如果你番大陸搭地鐵，你可以透過呢個apps,直接係深圳地鐵 "DO卡",咁又快之餘又唔駛買票，慳到時間~

而另一個就係wechat入面既理財，如果你有少少人仔，可以將佢放入理財個到，入面可以有好多保本同基金，最少都有3厘幾，而且有部係係T+0 ,期即係話你想幾時攞番D錢就攞出黎，咁你入1萬蚊入去. 一年最低都有300蚊。所以唔好浪費呢個機會, 既然你已經裝左wechat俾佢揾你既錢，咁不如好好用佢揾番幾百蚊，你平時買唔到中國既紅爆基金(年回報15厘以上)，都可以係入面揾到

後記，wechat其中一個揾錢上市公具微盟就係呢個apps黎，可以話係疫情下既金蛋，以前我一直覺得wechat 冇乜用，一間公司8成盈利都係依game，但自有呢個小程式後我改觀左，因為國內用家用佢黎儲積分，消費數據，玩game, 商戶發放消息，都可以依賴佢，完全係一個apps控制晒國民既生活

你想要一萬定要消費券?

 最近朋友圈內一片要搶消費券既事情, 於是找朋友去看看最近深圳的金光華商場，看一下人流，雖未說人流是冷清，但已回復了8成，現在社區之間，物流不可以直接送上樓︳必需要在樓下交收，陌生人也不可以直接進入大夏內。看一下一間在香港上市既九毛九集團，暫時中午也要排隊，看來今年業績應不會差太多

呢種消費券就好似用補貼的方式去令你消費，將你手上的錢放血一樣，佢有幾個特點我覺得俾派錢重有用：

第一：佢有一個明確既日期話你知幾時會到期，過期無效，即係你想保留都唔得，一定要去用左佢。

第二：部份地區既消費券係"抽獎"方式，咁即係話有人會有，有人會冇。我朋友屋企5個人，得一個抽到，咁亦代表, 呢個消費券係MAP係你手機，唔可以cap 圖俾你朋友。一定要本人用才可以用到，變相你就要約埋你個朋友一齊出街，所謂無事出街少破財，街上人流多了，商店自然會得益

第三，唔同消費券有唔同既玩法，30蚊, 100蚊，當你用多個30蚊既A產品時，你唔可以用30蚊消費券去用，而要去用100蚊個消費券，但你自己又會覺得如果買35蚊野用100蚊既消費券唔值，於是你就是去湊夠100蚊黎用，咁亦變相令你用多左錢


自己當然係想派錢有個10000萬喇，因為我可以用黎投資或者儲去佢，但變相就帶動唔到內銷，而消費券既目的，就係要你去放血，務求令到已死既經濟搞活起來

夕陽行業 - 疫情下推動琴行步向死亡

  在疫情下大家都過住封關，戶戶閉門的生活︳一眾大小朋友都留在家中，現在坊間上, DocuSign / Zoom 呢D美股已有唔小升幅，唔知大家有冇過用過呢兩個apps, 就好似要簽文件，簽合約，你要簽名咁，DocSign係要你係指定時間內係網上打過文件，send番俾對方就授理，過程中係由docusign做第三方，早前小弟個離岸戶口，就係由docusign搞好文件，就send番俾RM處理開戶, 省了很多時間

而Zoom呢個apps, 亦因為家中的小朋友要用黎即時上課，已知有部份不小學校要準備復課，實時上堂，每個學生要配有microphone 同聽筒，我相信再過多幾個月，香港就會開始唔夠電腦聽筒用，我係到呼籲大家，真係唔好買D好平價既microphone,因為係有"回音架", 你想下如果一班學生有40人，係zoom下每個人既裝備都唔同，回音又各異，你估下有幾嘈？(我知老師係可以關client音量, 但要老師實際操作又係另一回事)

網上學習呢個term講左十幾年，但今次疫情先係真真正正咁改變左我地既生活. 我相信係全民Zoom底下，家長好快就會由抗拒網上學習變做接受，如果有小朋友既你地，都會明白日日屈係屋企，同小朋友困獸鬥既感覺係點，係我眼中Zoom只係一個推動，佢將大家由抗拒用手機或電腦學習變成接受，亦令到一個行業步向夕陽 - 教琴。

你可能會話，教琴係老師一對一，你做緊乜，老師會睇到你有乜錯，可以即時教你，但網上學習, 你對住個youtube就無老師guide到你個技巧, 而且亦無人可以跟到你個進度係點。最近我留意到一個apps 公司，佢就解決左以上既問題，一個叫陪練既apps, 好似Ipad咁，放個鏡頭係你個ipad / 手機或tablet到，呢間公司就可以安排一個老師俾你，陪你練琴，跟到你進度之餘，仲改善埋你既手勢，係疫情底下，大家都唔想出街，琴行生意亦大減 , 呢個apps就可以令你慳番好多時間去琴行，在家上課, 最重要係價錢平一半以上 , 你可以揾到個好似朗朗大師級既老師，亦可以因應你價格睇鎹食飯，找個年輕的小伙子，如果琴行想換老師，你要開口同老師講要換人，中國人就要面子，你唔好意思開口，而琴行亦冇咁多老師俾到你換，就算有亦冇時間，但係呢D網上公司下，你想換幾多就幾多，完全冇換人麻煩既風險係到,想幾時上堂就幾時上堂。最岩要時間既香港人

如果你話係以前，我一定唔會去想呢D apps , 但係zoom推動下，全港網上上堂相信係必然之事，慢慢家長亦會接受到係將上課既模式轉為呢種網上學習既模式。特別係年輕既家長，對呢D新科技就更易接受，睇下呢間公司已接受C 輪融資，離上市亦不遠，真係可以留意一下

短短係呢個時間就做左3千萬訂單，我相信係不久既將來，5G帶動下，國與國之間既bandwidth會再進一步提速，就可以做到距國教學。呢個apps可以廣泛咁係華人市場立足，因為佢可以係菲律賓或大馬，找一D 平價勞工，你要廣東話有廣東話，要英文教有英文老師，再用呢D可以識華語既老師教番好似香港, singpaore呢D生活指教較高既學生. 

提外話，佢已經係facebook同wechat到賣廣告到香港了，暫時我估計應未有太多香港人了解同知道，唔知大家又覺得有乜行業係一路會差下去?

下期小弟會分享下點可以安全買到bitcoin方法，有興趣請subscription小弟