當你完成晒水電後(2星期左右), 就會去到水泥篇，事前既準備工夫包括你要去訂磚﹑掃口粉等等。我強烈建議訂磚的話一定要訂大陸磚，因為本人個好朋友就係國內做大型磚公司，佢話香港D所謂既進口磚，跟本就係大陸磚黎，佢地做完後會運去西班牙或意大利，先俾25%關稅，再係當天公司印番後期做既Made in Italy就公司名就搞好，之後當地公司會按批發價10% 轉送到香港，再係香港大判分出去，地舖之前的利潤大約係30%
咁亦代表假如一塊磚既成本係$20 , 黎到香港既所謂外國磚就會係$20 x 1.25 +2運費 x1.1 x 1.3 = 38左右。亦代表白白無謂咁俾多一倍錢買D無謂野番黎
佢話佢屋企用緊既木紋磚只係$6一塊，仲用左6年一塊都冇爛過，色水亦好，所以只有我地先會咁豬走去買外國假貨。不過係國內買磚你要花更多時間，包括你要比較磚的顏色，另外記得用海運+自行買單報關+利用香港運輸提貨呢個方法，咁你先可以將成本壓到最平，同埋你一定要小心香港同判頭的sales,佢地一定會同你講話你D磚唔直，彎既，你要注意，只要磚係長過80cm既話，就一定有可能係唔同情況下有一點彎，呢個係冇問題，因為太硬既磚反而有機會係加水泥後緩衝有問題而損壞。佢地目的只有一個，就係唔想你自己買磚，一定要食盡你
記得裝修佬冇一個係好既，我個水泥師父都係一樣，番工一星期有三日休息，我個洗水間到今日都係到漏水，就係佢冇好好咁做好D封口線同掃口粉，一個洗手間有三條線冇封，完全唔係路﹗
另一個要點就係磗唔好太大，盡可能唔好用60*60既大磗做洗手間同廚房，因為太重師父會好快好攰，同埋事情一定要同師父講批湯唔好咁厚，否則你屋企就會變細，我現在既單位，同一呎數同方向，就係因為個垃圾水泥師父批到厚一厚個牆身，變相令到屋企冇左幾十呎﹗
注意係茖工程時同師父講要茖乜野防水劑﹑防水做幾多層同幾高，同一定要試水仲有封口線要做好
