爸爸的肺癌抗癌歷程 (1)

 2024 8月，當我在馬來西亞旅居1個月，回到香港後，發現父親說話把聲好沙，看了三次醫生也沒有改善，初時我以為佢係因為我侄仔在寄居家中時感染傷風令他有喉嚨痛。但發覺這個情況持續沒有改善，而且在2023年時已發現他行路好慢，行兩步就會氣諯，我在2023年開關後，已多次要求帶爸爸媽媽去做身體檢查，例如照下X Ray等。

母親對"任何"幅射"都係避之則吉，而且最唔鐘意講唔吉利或發現任何唔吉利既事，就係咁佢多次回絕了我要帶他們做身體檢查，回想起這件事，一直令我感到很後悔沒有堅持帶他們回去檢查 起碼那時有機會是第一或三期

最後我帶了爸爸回深圳港大醫院看醫生 父親是年長人士 沒有買香港保險 而排政府需時 由於我在深圳港大做了多個治療和檢查 對成個流程或架部可謂比香港的更熟悉

我做過既項目包括衝擊波 160 物理治療160 ，照胃镜1200 女兒隻柱側彎治療160 驗尿19 超聲波腹腔120 骨科120 乳房抽針550 ，全家在深圳港大使用服務 由於實在太平 所以我自己的保險也從來沒有claim過

說實話 使用過內地的醫療後 我確信日後我患癌我也不會在香港看，原因除了金錢外，只要求你體驗過香港的醫療制度和等候時間 而且香港真的很落後，內地已有細胞治療，亦有質子﹑螺旋断层放射，基本上香港有的，內地也有，香港冇既先進方法 ，如中西合壁等等

單單我們在香港私家醫院看醫生 做檢查 抽血 等報告足足2小時以上 見醫生就算預約也要等最少1小時 多則4小時  等付费或報告又要1天或幾小時 完全浪費時間

我在港大見醫生 大約輪候15分鐘 而且排隊期間等候人數清晰可見 醫生就看你的彩數 有時內地醫生和香港沒大分別 有的就不看上你一眼 有的會非常洋細 可幸我大部分遇到都是好醫生

回說在9月初帶爸爸先做超聲波 發現聲帶不知為何被壓經線 到講不出話來 之後我們被安排做CT ,再等第二天報告 這段時間在網上平台已有部分報告顯示懷疑癌細胞壓著神經聲帶 我和爸爸在港大翠華餐廳吃過中午和到歡樂港灣坐一下 素說以往事情 心情有點

最後在晚上男醫生告訴我爸爸是肺癌晚期 存活大約只有幾個月時間 這消息對我來說大大大突然 個心很痛得很 我腦海一片空白期間 醫生繼續說建議我們做pet scan  加抽取組織化驗以知道基因排序，要留院3天收按金3000元 醫生還說不要考慮在香港等公立 說一定要在私家看才行 不然就沒有時間了 我對這特如其來的說法無法回應 只說希望回香港私家再看多個意見回絕 醫生說叫我考慮一下 還開定單 星期一入院 付了費就可去 不付也可以 這樣做來得夠人情味和彈性 這是內地的優點

最後我們在9月中醫生 抽了血做了petscan 已經是足足3星期後既事 我問了朋友 說無論那一間照petscan 也要等排期 當我以為見到醫生可開到葯 才知道上一次的抽血只是驗下血指標 係沒有做任何dna分析 那一刻我真係想問搞咁耐做乜唔驗埋個DNA，然後醫生才說要俾多$18000才可以做DNA分析。wtf~ 我之前俾左幾萬做化驗petscan，個時你一早同我講埋俾多18000驗埋DNA嘛。咁結果又浪費時間

最後醫生同我講呢個DNA測試佢地都係交俾第三方做，咁就照做喇。原來佢地係send左我爸爸D血去左台灣細胞中心﹗香港真係好垃圾，最後足足拖左一個月才可以開到藥俾爸爸食。但重點係，隻醫去到葯房都係未有得攞，佢地話好少人食呢隻藥所以醫院冇庫存，又拖多4日先有﹗

講起呢隻藥真係火都黎，垃圾﹗我唔係話隻藥垃圾，而係成個香港既醫療制度好垃圾，咁大間醫院都冇，重點係，一開始醫生列舉晒台灣細胞中心建議我地既藥，醫生就話有呢幾款，我問佢地既分別，因為我知第三代好D，佢point OUT左兩隻，一隻係注射，另一隻係國產第三代18000 ，而另一隻進口就50000。咁我地就話國產喇，因為我之前都有留意內地新聞，知道好多香港人番大學買標靶藥，日後轉都易D

點知番到屋企食左幾日，我上網查呢個pizer既藥先知佢係第二代﹗頂﹗醫生俾錯資料我地，但我地已經食緊，冇發喇。就食落去，最終我地食左兩個月，癌症指數由最高既90，到11月份既47，到12月係14。中間我地出現過甲溝炎，肚呵既副作用。後黎我將爸爸既藥由45mg，改為30mg，咁佢既副作用就好D，但長期下去都係食唔係好到野

而我指出最不正常香港既地方，就係我係淘寶可以買到我爸爸隻藥，只係900蚊左右。同香港同一批次要18000，你想一下，醫生的咀面看不上你的原因，不是沒有底的

另外係香港開藥，醫生要收$4000手續費，仲要檢查抽血費癌症指數大約$1500左右。我係深圳醫院，同一個抽血報告，只係收$33蚊。點解香港會咁仆街，每次我係香港私家醫院等所謂既報告要4小時到6小時以上，但我係深圳只係2小時，人地仲要乜都放晒上網，唔駛留係到等。睇完就可番屋企，香港只係係到等等等個報告出﹗

成個深圳港大人流非常多，但係井然大序，一D都唔會亂，相反我係香港只係睇到每一個姑娘係非常非常非常咁忙，醫生唔得閒食飯，姑娘唔好老皮，當你係Kill父仇人咁看待，點解香港會咁

而當你個癌症指數去到穏定期，其實你冇野可以做，醫生就係話你不斷咁食藥，等抗藥性就做免疫治療。而中間過程中，你就要接受呢D唔合理既費用，唔合理既態度，醫生想盡快踢走你﹗我會覺得醫生﹑藥廠就好似一個利益集團咁

爸爸的11月份深圳港大既癌症指數

最後，我會係下一期分享我係內地點攞到第三代肺癌藥，香港要$50000+4000醫生費+1500抽血費一個月，變為係深圳港大買同一隻進口藥只係$4998，連睇醫生$100+ 22抽血費。

差額是HKD55500 VS RMB5120 

仲有分享有免費義工團隊每星期帶你上去睇醫生攞約，同埋就算你唔得閒攞藥或身體有毛病上唔到去，你只要寫個授團書俾義工或親人。佢地就可以番去幫你攞約。呢D咁既服務，我相信香港既制度係攞唔到

順帶一提，香港做既免疫治療唔係細胞治療，剛才既細胞報告就係台灣做既，我地香港要等第三間醫學院先會有呢一科，但台灣﹑日本﹑泰國﹑內地已經開始左細胞治療好耐，香港真係好落後，以我所知前無綫監製錢國偉﹑板長燾司老闆鄭威濤都係胰臟癌去世，佢地都係用日本既細胞治療方法，拖了差不多7年。我已經拿到內地相關資料，我會帶我爸爸走一條不同的道路，雖然未必可以走得很遠，但起碼是由我去選擇。我會和爸爸最過最後一段路

中國式QE

 港股呢兩個星期升上 4000點，同我預測上破18400達成。但因為自己預測不會上破20000(原因為阻力位, 所以在19800 20000 同 18800 19000做左兩張Bear Call

今次認真要Post番出黎認輸認錯，因為用技術分析黎講，國家級既QE，係用任何技術分析同基本分析都無法預測，所以我今次輸錢，再一次證明同李澤鉅咁講同國家對賭係必輸無誤

而對呢個火箭式既上升，我認為無需太介意，因為現在只係音樂椅剛剛才推出，大量老散正重新開戶，所以只要夠快，個音樂椅應仲可以轉下去。

原因為今次中央推出任買股票政策，剛剛才開始，如果國慶後佢話要停既話，咁即係自打咀把，將之前投放左既萬5億同5000億放水，就會血本無歸。

我理解中央行動係想由一少部份既股票持份者有多餘錢出黎消費，帶動市場氣氛，當商家感受到人們活動多左，消費多左，佢地投資就自然增加

另一方面係希望為市場注入流動性，方便集資，幫助一下民企。

現在人民唔係冇錢，而係D錢全部都放係銀行到，中央目的就係打佢地主意，要佢地去"洗錢"，帶動投資氣氛。所以現在政策剛剛推出黎，投資都十劃未有一點，所以我估計政策會係短期內會再出台，到股票去到24000時再推出推上另一高峰，令到對賭既人再輸錢，上證起碼去番上一個阻力位380 /440佢地先會停手

所以現階段我就好似D傻散咁，重新將資金調去左高增長既動力股。

現想係700 / 388 / 9888 / 914 / 2628 

恒生向184前進

 暫時恒指在23/8後抽，突破17700 期指，今年如能收穏，將向184前進

今個月做恒生原因係，佢明顯波幅收縮，突破之間位置，以技術分析係一個好既切入點。

暫時今個月回來後，23/8加入SP LP168 166，同時將之前利潤開2張大期LC174

短線交易成功要點不外乎

1) 消息靈通

2) 技術位有深入既認識，同時要預判。當設定好不同Plan A B計劃時︳就必須執行，例如當行Plan A 升上時，就要設定止賺位。同時當大市有變時，就要設一個緊急離場位。

3) 對政經有一定認識，了解業績日子﹑留意時事等等

技術分析就係可以係任何股票出現介入位中切入，亦可以不似預期中順利離場。 

平淡倉

1) 昨天平晒全部港股MHI淡倉

2) 開SC 19 Sept 2800 +SP17.5

3) LC FUTU VIX 同MSTR

再反手做淡

尋日睇到恒生已經轉弱，即時平左最後一張BULL Call Spread. 

再開2張 MHI LP17600

開17600 因為要做到Delta 0.5，否則冇乜著數，而目標的17200。留意我個綠色位，呢個圖一星期前己畫好，清楚指出走勢同反彈力。暫時2張LP已平倉.食埋呢200點

開MHI不開HSI係因為呢個172未必可以頂到咁耐，同時因為暫時向上睇，所以以快速目標2天內完成目標

我係再係174時重新買上，但唔係做LC or Bull Spread, 因為估計港股會出現一個發上發下情況，因星期四係jackson hole，所以應是Bull Put Spread 為目標。

P.S 昨天PANW果然大升，呢個股雖然選中，但冇買到實在可惜

 

股票更新

 這個月差不多有一個月時間在旅行，去了馬來西亞，合肥，之後再去西寧絲路。然後回大馬接兩個小朋友回香港。幾乎錯過了大部份股票市場

幸好在7月份時將AMD/ PANW止蝕。同時放棄了長期的MARA礦股。MARA礦股算係炒得最多，但佢好唔穏定，變得好難炒。今次扣除期權金算微蝕離場美股

而早前開了Radio Spread做 NVDA，一張SP +兩張LP，燈色圈係做既時間，當去到第三次阻力時，即平均線118.27那個支持位。我就開始開多一張LP,原因係我接了NVDA貨，再係26/7反彈沽出，那個時間好好

另外藍圈位係NVDA既切入買入點，可惜那段時間在絲路太辛苦了，沒有再買賣股票了

另外我還想分析一下恒生指數圈，橙圈是兩個假突破位。第一個是第一下跌位

第二個是買入向上位。但第一個圖我去了旅行錯過了，第二個位買上即15/8我有買入，

4張指數期權Spread + 大量2800 + SP2800

買入既原因那條紅色線是我一年前已畫好，是一個好強既阻力。加上佢升到通道位，出現假跌破，如果用4小時圖可以好清楚咁睇出黎(即第二個橙圈), 切入位係0.618

第三個買入理由係恒生成交大量縮減，呢D明顯係蓄力向上或向下突破，我地睇埋牛熊散戶圖，以熊證較多，加上呢幾日無論公用股，3690已經跌唔茖去。以3690 / 700 / 9988 業績先跌嚇傻散戶以為個市好差就平倉，之後佢地全部都突破向上。

買入要好多理由同支持，做恒指機會唔多，所以一係唔做，一做就要出手夠精準，因為技術分析給予你認知就係咁。

而4張期指期權我已平3張，暫時已risk off，餘下一張讓它一路看可走多遠，我認為今天17680已差不多，最多去到184就會跌下來，如果佢今晚或明天破唔到17680咁我就會先走晒期指，保留2800 

P.S 我還想入回PANW，今晚業績等一下。技術分析有個不好地方就係無法可以切入一些爆升既股票，呢點要好多價值投資既地方人士才可以大心臟買入，小弟還有學習中。希望將來有點成績

暫時美股中我唯一有興趣只有TSM / PANW / NVO

換馬

 整個7月來個大動作︳開始買入美股

1)將短炒既Tsla SC係252沽出 ，原因係192入，250是2倍位了，到今日為止我既做法係正確(短線)

2)沽出後換入Hood, MARA短炒

3)16/7將Hood平倉，同時將MARA平一半，再Covercall 

4) LP 941 939 (大手) ,由於持有大量941，所以要對沖一下。

同時將晶片股放入Bear Put清單，理由係我觀察到大量資金由晶片股轉入傳統股，更什者係IWM 羅素2000股份。除左NVDA仲頂得下外，就算TSM優預期業績，亦無法支持升市，引證我睇法 AI股已炒完或去到尾聲，就算未炒完都要一輪整固就整固。11月大選後，應改為其他股份接力，當大量基金持倉既NVDA走資時，就係傳統同其他接力股上升，暫時我已睇到有其他Mag7裏其他5隻已出現呢個問題，所以NVDA 未必可以獨善其身，當一旦市場發現其他更好炒既貨時︳資金就會輪動，所以各位要小心

5) 在上星期HSI182時開Bear Put ,直指17200水平

6)將AMD/ PANW止蝕﹑16/7當天平倉，微損5元

暫時短線操作順利，另外自已對下半年中國經濟唔係咁睇好，認為中概股有機會已炒完。考慮將所有中資股票平一半倉換入債券

技術分析就係早於傳統睇法︳更早判斷買入買出位，令到自己減少暴險︳

半年結

 

今年上半年暫以雙位數增長，算是做得不錯了。暫時這個倉以中國移動和債各佔一半。配以主動式期權組合和短線操盤

先說明一下，操盤到今天已有近4年，開始心態有大幅改變。唔想再將自己個戶口做大上大落，同時以輕鬆方法去處理。所以定海神針就以HSBC債卷 +中國移動為主，我視會金字塔既底部7/10

金字塔中部是期權，主要係每月做中國移動collar spread配cover call / 建行期權，但建行一年只做得2到3次，同好難做到SP，以呢個方法以安全式既期權做中部，只佔戶口不足1/10

金字塔頂部是我技術分析既短炒股票或純LC / 美股期權 這個佔以戶口 1/10

Cash 1/10左右

頂部既金字塔D錢係在金字塔底部取出來，即中國移動既股息和HSBC債帣，就算輸晒就玩完。

我發覺這個方式對自己既投資方式最合適，最舒服，因為戶口變動不大，符合我偷懶既目的，同時只注意某一兩個股票。短炒係訓練自己既市場反應，而我最近開始買入tsla正股　，收集認為合適既短炒股票

另外我還有一個長期收息倉，現在升了3成多，還未計呢2年收息既數，其中386成本已到2蚊水平，所以我對於好多人看淡港股係有點不認同的。港股十年只有波幅冇升幅，近呢十年仲只有不咁下跌，但純用收息既話，風險因素已risk on,那怕佢跌到0蚊，過多幾年我已回本了，我只是損失了股票時間值，但如果將錢放在美股手上，以我身養性格︳一定將美股既短線放大，到時搞到自己好唔得閒又為炒而炒，是真正的浪費人生時間值, 晚上還是想休息下，打下機，做自己想做既事就好了

美股行

 港股已經差唔到價了，暫時觀望，估計佢會先茖18300左右，之後再做一個雙頂型態，到時做一段段較長既整固浪

以下係我對港股既預測

暫時只有持有少量美股，會續步將手上既2800 / 939 / Kweb Call走後開始換入

換入既原因好簡單︳就係為左美國Trump大選舖路，由於Trump Trump係美股大好友，加上佢持有BTC錢包，我會每日Mon住佢個錢包有冇射向交易所，如果佢當選後繼續持有，咁就証明佢係走向加密的朋友，但如果佢係射向交易所，咁政策上就代表佢想打壓加密

利好Trump Trump大選加上佢想做弱美元走勢，所以會係佢當選6-9月前換入美股，以迎接佢美股升浪

另外我最近發現仲有唔少人討論技術分析 / 價值投資，其實好似係1月個時，國家監管係無積可司尋，呢個時候應該果斷咁將3690 / 700 / 9988 清倉，以保留實力，就好似HSBC咁，如果唔果斷咁清倉，好難保留實力再入市，另一點就係你永遠唔知700 / 9988 / HSBC個底，好似佢由100蚊咁到28蚊咁，跌了72%，呢個副度其實係非常巨大，又例如好似tsla / MSFT都曾經跌超過50%，當呢個咁大既波副唔去Cut Lose(一定唔會50%才Cut的), 做技術分析就係要避開呢D所謂既輸到入肉，今日你可以講Tsla /MSFT破頂了，又有乜所謂，但要頂幾年，甚至十年以上才可以番到本，好難想像佢到底係咪變左質，就好似科技股咁，每年都有唔同既科技，今日既Tsla, 可能係日後既Nokia，好難可以說服到變質呢樣野，因為那怕5年既變化已好大, 所以我認為仲笑得出既只係SD 個5%

講到咁以為我會否定美股或其他科技股咁，其實我地係要順勢而行，不問股票本身，只要夠值博比例就去做，就好似昨天既NVDA/ TSM咁，就個簡單既Digonal Spread

你話NVDA 放業績你先黎買，係咪有病。原因好簡單，佢每次業績都符預期或超預期，咁即係你唔會走去買跌，以LC945 June 7 SC 980 May24

進可攻︳退可守，超預期係即食，符預期就先食SC，低於預期就反向LP SP佢

但NVDA個盤型實在太正，成個破位圖咁，所以當然係以LC為主，以破1000為目標

TSM同NVDA一樣，唯一唔好既地方，就係TSM個期權成交唔係太好, 有點難成交咁, 要排

成都行

在此紀錄一下

5/14 早1晚 2:00到成都天府機場- 錦城原舍酒店(3037號)- 客機遲到了，服務台小姐好好人，帶上房間，只係房間用小米Siri ，普通話窗簾讀極都聽唔明﹗無法執行，之後去了武侯祠，好正，成個行程一條友係最開心的。晚上約了台灣和導遊在他的書局參觀，我踏住美團單車，一手查電話，單手查車，好在冇貨車，唔係撞死，去到令我想起印度既建築物﹗好驚呀，那個台灣女生很狐獨啊，好像不懂怎樣說話，考慮到他們還未吃飯但我們就不斷咁吹水，我就提議走人，順水推舟

 

5/15 第1日 07:30客棧早餐- - 10:35離開拿行李到(262號)集合-在coffe shop打鈍玩了一輪貓，之後我在車上提議先拿單人位，以免被隔離男人臭死，最後Jim同意，而Mak好像不太舒服，他選了令人奇怪位置。 向陽唐毛肚火鍋午餐(開無人機，但就在警局門前飛好驚呀﹗- 三星堆博物館- 三星堆遺址(1小時我只行了一個館，乜都睇唔到，拍了幾個三星避孕套，遇到團長係到買GIFT,我又買埋一份，佢行展三，我行展一，後黎發現展一太多野睇唔多對路，即打俾佢叫佢快D走- 買左雪條，借左俾團長同Dave拍照︳之後就就融晒

 

張任墓墓園-唔多好睇，得個石，唔知做乜。雒城-下雨又唔方便，又放唔到機，同團長行左一Round

 百倫燃夜，吃了個貨不對板的豬肉飯，買了點生果，在商場期間想起Jim話想食薯條，順水推舟買埋一齊食。綿竹明清園酒店- 呢間野好horrible, 阿Mak好似黎料，唔敢訓，要同司機一齊，又神壇﹑又門神，又大紅燈龍高高掛，入到房仲有隻飛蛾，俾我打死左，開唔到洗手間燈，唔通今晚要玩模黑bathing??出去揾阿Dave，佢話係入面有個制，台灣個女仔開門，順便幫佢搞埋，但Kenlly話會俾人偷睇個浴室窗︳我心諗邊有睇到，要爬上去先睇到佢架，同埋要好貼個窗先睇到，最後搬了枱除下浴巾幫她弄好

 

5/16 第2日 07:10逛年畫村後酒店早餐，個自助餐好一般，之後佢地仲講解埋，我就去放機，呢到要構圖，花時間，拍得唔係太好-

年畫湖-台灣那兩個人遲到﹗

 諸葛雙忠祠-好鐘意呢到，放到機又影到我要既野，我問左主持拿了香，同團長搞了個儀式

綿竹博物館- 呢個洗手間好唔惦，個尿兜條管是爛的﹗我一路去，一路就係下面滴落黎，頂，之後番去報告，叫人唔好用第一個。

綿竹城遺址-好正，好曬，放機一流，放放下唔見左佢地，打俾團長原來去左個雞場﹗

倒灣古鎮/石三妹燒土雞午餐- 呢間野都幾好食，但份量太多了，我問佢有冇USB插頭，佢地聽唔明。

白馬關景區Eric Ching條友爬左上去﹗阻止我放機又唔好睇，之後係龐統到PK﹗一路影相無留意個坑

羅江金雁大橋- 漢平陽府君闕-行左上一個觀音送子既地方，完全唔知做乜，唔好玩, 團友話肚痛搞到我好驚，之後唔好理咁多，叫定外賣番酒店食，但自己一個食好似有D過份，唔理，我想食菜呀，食飽剛好8點同團長一起茖去，之後佢地食飯，我去左荿業廣場，我計算過我唔夠USB線，要去買，估計這裏有，架call車司機好好︳同我吹左好耐水，佢話佢有個朋友同我一樣港普，所以完全聽得明我講乜，出路預貴人。去左Watson買cable,之後再去左馬永里行夜市 ︳再打車12蚊番 富樂山- 綿陽富樂山九洲國際酒店- ，

 5/17 第3日 07:40酒店早餐後行富樂山/交流會-今日見識到Kenlly既能力，原來佢係個好好既幫手，我好似發掘到佢既能力咁，搞powerpoint時主動幫手，之後我就拍下片咁，助會長一臂之力。上左個富樂山個頂︳合照一下, 三餘兄仲要求同女生合照，我明的，長期工作很悶，我當然盡力滿足

 綿陽博物館- 個教授我懷疑佢同小姐有關係，我同Eric Ching討論左好耐，係佢孫女定阿女。最後一幕令我地好意外，太可惡了，我想到不愉快事情。看到她自己查了車走，人間就是這樣嗎

西山子雲亭風景區/蔣琬墓營盤嘴- 呢到好正，好優雅，我地上左個大景觀，時間都好急下

車路過越王樓- 蜀漢江油關- 鴻湖飯店晚餐- 我一開波就放機，放了三粒電呀，無晒電，之後追佢地上左樓梯個江油關要拍像，走黎走去，熱到除衫

我唔敢食佢地D野，團長選了一間店，我冇食︳去左買方便面，因為我見到個店員收起人地食餘的東西︳我看到他再翻炒出來俾自己食。要提他們嗎？但他們已經食緊，都係唔好講好了︳但我自己都豬︳放少了水，變左生米

劍門關風景區(南門)- 劍閣青檸小舍- ，呢間店好可怕，我安排了底層，一出去好嘈，糙光在我隔離，我仲聽到佢D吹頭聲，D 樽裝水似係翻新過，唔敢飲，而且沖涼同洗手D水應係井水黎，有泥味。個Router我想拆開佢，我見到好多孔，好似偷拍個D，研究左半個鐘，因為諗起我地有女生在現場，而且個店員又係男人，同時要求我地提早交証件，佢可能一早安排左有料既房間俾佢地，我覺得都係message 人地好D, 諗完經就訓

5/18 第4日 08:30跟大隊吃 食味鹵面館早餐-好難食，我考慮到太多人問題，先自己下單後︳即行出去揾第二間店，想分流一下，好在揾到，拍了照俾團長，建議佢地去死，慳一半時間點餐。我個牛肉面變雞皮面。

 劍門關劍閣行山- 呢到好正，拍左好多想同片，但我地和大隊分開了，看得出團長, Steve . Dave Mak都係行得之人，Eric Ching好壞將佢支可樂放我到。我見Kenlly好似唔多惦，唔好意思下幫佢攞支水同叫Mak幫手拿袋，雖然我知團長已經幫佢攞左大部份東西 ~之後仲下雨，520團長生日，想俾個surprise佢，但訂蛋糕時唔肯送，好在Kenlly又咁岩係到幫到手搞惦，我覺得佢今日好攰，如果家下叫佢同三餘一齊唔好,覺得佢係唔想輸既人， 咁我行慢D就冇咁顯眼

山水人家豆腐宴午餐-之 後行完去左食飯，佢地點太慢，我出手點晒D菜6餸，再屈店家送湯，咁我地就食七咁食

翠雲廊- 鄧艾鄧忠陵園- 金牛古道(漢陽鎮至普安鎮)- 成個行程最滿意既無人機拍，原因係拍片要構圖，又要時間，我跟本之前拍的重來唔知個圖係點，今次團長話行重覆既路，咁我先可以計劃好我既方案，由他們入去那一刻開始計算，再拍他們出來步走，完美~

 

 夢欣源北京烤鴨生日晚餐-團長好快樂，因為團長快樂，我也快樂了

 賈公闕- 梓潼七曲山大酒店-

 

5/19 第5日8:30酒店早餐後去交流會/七曲山大廟區/水觀音區/金牛古道/古瓦口關- 寨缸瓦豐盛午餐- 魏延祠 -梓潼諸葛寨/臥龍山風景區- 天府機場-

全日唔知做過乜︳只係坐坐坐，仲俾個教授安排左坐埋普通話台到，就咁結束三國之旅~好在走晒同Carlos 同坐，同佢分享番做人既事，同埋佢係好好先生，唔食Rabbit，仲有我力爭幫佢拿翠雲廊票，但佢唔想同人爭。

Enjoy

 

 

比賽﹗比賽﹗就是比賽

四月份沒有更新係因為非常忙，去了西安5天遊︳代表學校出戰全港中國歷史比賽，還要參加常識比賽，能夠幫到學生和學校，更運用到自己既知識，我實在非常感恩慶幸，當中我們在中國歷史比賽輸入，面對這個6屆總冠軍︳我們第一輪必答題以20分領先，去到比較末段既搶答題︳我們被對方追上來，這個6屆冠軍真係好勁，我們最後輸了一題，原因係兒子把一個讀音讀錯了，題目是秦朝建立後，以乜野文字方式作為官方文字，是小篆，我們是識的，這個更是我組識了近千題的題目之一，遺憾是他沒留意讀音，讀錯了，我們就此輸了比賽

這個比賽我足足花了一年時間做準備，由看歷史書，分析上一屆題目，再模擬出今年的題目︳花了我大量既時間︳看到他上一年失茖的神情︳我就不想他再一次輸在這比賽，就讓爸爸助你一把，我們不斷又不斷咁訓練，同時配合學校進行"四小課"︳同學的水準有非常大的差距，基本上是兒子單天寶至尊了，可幸去到最後訓練好也不錯，在我近千題模擬題下有不錯效果。

如果你問我對比賽失唔失望︳因為花了這麼多時間，怛白說我一點也不失望︳當看到你在台上(由於你在台上不知到比賽分數), 而我在台下知比賽時間和分數下，我知道下一條你搶不到答就輸了，但我已釋懷了，因為我在台下，一路聽問題︳我一路抄寫，手是震的，壓力好大，去到中間或尾段︳我緊張到無法下筆，而看到你在台上應付自如，我以你為榮

檢討下，對方只是模擬題比我們多近七倍，同時他們是專科専教的，面對我們第一場的比賽︳他們就幾乎被我們淘汰出局，雖然我們近不到決賽︳但也無撼了，我相信他們一定是冠軍(他們已打入總決賽)，而我們就是亞軍 。賽後我還大方向對方握手道謝，同時祝福他們，而他們也願和我們一起合照，我這個做法，是希望兒子要大方一點，輸了就是輸了，同時應以對方做榜樣，下一次再裝備好自己，所謂成功不在我，雖敗尢尊榮

另一比賽是常識百搭，身為家長既我，被請做做展覽幫手，同時分享我在這個steam 項目意見，學生的作品是簡單的，Steam 原素比其他學校不多，但就是簡單剛剛好，其他學校做的太誇張了，跟本就不是小學生做︳或是要天文數字才能做好*(要幾千萬個D), 我指導學校在評判面前的口語﹑眼神，姿勢等等︳同時將項目的知識指引他們LED 燈在不同wavelenght波長等等，最後我們拿了全場冠軍，這是我最近最快樂的事

下個月又要幫手代表學校參加長者Steam項目 ，我很享受這個義工教學，又可以和兒子一起參賽，又可以幫助到其他學生進步，這是我的榮幸

實戰期權3

 

APPL 進入Round 3階段

即Round 1+ Round 2收回2.16. 由於成本係2.31  所以到今天為止。只要時間值0.15我就可以賺到錢, 做Diagonal Spread最重要係收回成本先。之後你就可以玩第Round 3 , 4, 5咁去。一路睇到佢出方向為主。出唔到方向就收時間值去賺錢

22/3 由於AAPL情況有變，開入Round 4不直出接出手，等下星期一有開始分野先出手，可保留LP AAPL April 19, 暫時時間值有2.64

如果佢跌︳就做SP 28/3 165 / 167.5呢D價位，唔跌既就做172.5呢D

_________________________

NVDA 也進入Round 3情況，我預計佢會出一個雙頂︳原因係佢有一個大紅腸，要直插係好難既事︳所以之前做左Bear Call +LP

收了

SP 16.94 Mar15 

SP 17.64 Mar22

Bear Call 3.16

開LP April 31.35

即利潤係37.74 -31.35 = 6.39

當NVDA在13/3出現大陽，我就估佢會出現一輪調整震盪，會搞雙頂或破頂

而面對佢呢兩茌，最好做法係先平LP收回5.8

即是收了12.19進入Round 3

歸納Round 1 /2利潤有12.19

所以你可以利用呢12.19去玩茖去，雙頂下做Bear Call收2.33,最多會輸20 (Bear Call 980.1000)

總輸錢係

20-2.33 = 17.67

而為防止會輸錢，所以就將之前賺到個12.19做一張LC960 11.15

如果佢升破1000的話，我就可以賺到40,或一路升上去無限大

我地假設佢升到1000, 咁我就可賺40，扣成本11.15 = 28.85

而由於我地Bear Call咁就會輸錢17.67 , 所以成個Trade勍會變賺11.18

呢個做法係唔值得再Run,所以成有28.3前平倉拿回錢

變壞情況：假如大市係下跌，咁就會變成LC變廢紙，只收回Bear Call的2.33

變化

因應市況加入SP Mar28 April LP19 

注意呢個係1張既做法，可能你會認為好少錢︳但當半年後咁Run , 就係會係10張

所以點點我覺得做Diagonnal Spread 好廢神，但又好好玩，要輸錢既機會好細。因為你已一早鎖了倉︳只係不斷咁進行Round 345678910

美股期權............實在太難了, 要放棄

 暫時開倉的

AAPL TSLA Google TSM MARA 期權以全勝方式Roll入第二階段，其中只做單頭LCMara，當下出手做單頭原因係BTC巨額下跌︳但礦股已有見底/反彈條件情兄︳幾日來彈不下來︳所以預期只要有少少反彈，足以帶來足夠回報

同時當天加倉開了10張LC 19 ATM價，將力量加到同級0.5 Delta數，現在已有一倍利潤，等多幾日再鎖倉，之後再Roll下去

期權就是以小博大，由1張︳變10張，再將鎖倉後既利潤，再Roll到100張

但自上星期開始睇美股後︳整體我覺得很辛苦，因為晚上釘盤到深夜1點，令到睡眠情況大幅下減，而且太太太廢神去看。

我要把做盤既Number，全部看阻力位，開市前看數據，留意業績期，還要留意他們的相關股份1 沒有業績期或其他會影響到既因素，重而計出最有利的位置，我覺得這樣做很費神，跟本是浪費時間

在此爸爸想帶出一個意思，健康比任何東西更重要，我出手做美股無非係為了你暑期去海外讀Summer Campus賺的旅費，如果不是額外的支出︳我相信我也寧願安穏地做港股就足夠了。

如果你真係冇錢想做既話︳我唯有寫下去︳請你繼續睇~我目標係賺到20萬旅費我就會收手

1) Diagonal Spread 是期權中最易使用和最易做變化既Spread,沒有之一

2) 當覺得股價未來差不多，或你冇信心時，一係唔好做，要做就做Calendar Spread, 但爸爸Calendar Spread 反而做得不太好，所以建議唔好做

3) Diagonal Spread最好在日子上可先偷1到2天。何謂偷1到2天，即股價沒有大幅上落，同時又近阻力位，就可運作。例如AAPL唔破170，咁你就先做SP170,  你Expect佢之後走勢會轉差，就做LP165, 以比例上唔可以多過10%,否則蝕一次就好甘

4) 一路Roll落去，不斷咁賺期權金，當出現你肯定一個爆發性既股票，你就直接LC/ LP落去，就好似MARA呢個妖股咁~

5)就做到LC/LP差唔多就好收手鎖倉。再用利潤倍大張數，繼續玩落去

實戰期權

在此要記錄一下，好耐冇做過美股~分析一下做既原因

1) 納指七雄中，TSLA / APPL已經個樣衰都冇人有，呢D明顯唔係權重股應有

2) 指標已多次背馳

3) 4月納指例差

4) 晶片股有消息出貨意未，特別係3月8日那一掍大紅腸，通常呢D大紅腸唔會一野就仆落去，佢起碼會調整一會兒，即係如果你無端端佢LP佢就係非常既傻仔行為﹗

年初 美股今次走勢由晶片帶動，睇番NVDA /AMD個日波副夠晒大，我唔會當佢係見頂，只當佢係短期見頂，以970為界線。開diagonal spread Mar 15 SP840 . April 19 LP790 ~ 

點解以840為分水係技術分析呢個位有短支持，就後等佢上番去近920以上就做另一個Diagonal Spread March SC 970  LC1000

以上係技術先行，Spread次之。暫時計劃非常成功，期權金收縮下，將SP17.64 全食，餘下既LP 開倉成本只餘下13.71

至於Tsla目標忍唔住賭番一次，SP165 March LP April 160~ 成本$3

佢今晚已穿位，正常要等一下先︳但佢前幾日個款跳空太樣衰，實在忍唔住要做佢 

美股只想做一次大大獲既LP，機會真係好少，佢升都升左幾年，要我出手LP佢等到頸都長，但人生真係好難有好次2020咁調整機會係美股上︳要咁跌發真係等好多年，當然，千萬唔好咁傻仔走呿LP QQQ，暫時我睇中左幾隻做"目標"，就等佢4月黎, 如果4月唔開︳就一路Roll下去

15/3/2024 後記

Tsla 今晚跌茖162~ 我的SP165入價-3元，但因為April個張160雖未到，但時間值令我未到價已有錢賺，現在被迫平倉獲利，本想roll落去到目標價155

NVDA同情況，Roll了一個SP825~ 加了Bear Call 980/1000 ,暫預佢呢個月都係發上發落

加了AAPL 期權組合Calendar Mar15 SP LP April 170 , Bear Call 177.5

 

今年以來第一次再搞美股期權~ 全部以新開始1到5張起步，之後將利潤再Roll

暫時已將部份利潤$2000用做炒Mara LC21 28/2 妖股

人治下的港股

 呢個星期夏寶龍黎香港，我已預計到港股會跌唔落去，因為係中央強大既力量下，沽空即非法，只可以升市，同埋全民都睇淡港股已認為係非一般既鐵津。咁我就出了手做好倉~

原因係

1) 港股每年都係農曆年間︳係大陸休市時會夾升﹑你可以當係夾淡倉，所以我認為呢點值得留意

2) 港股在跌到1月19日最低點147XX左右，已經係壞消息盡出︳當下呢幾個星期已經冇乜壞新聞

去到2月1到2月5日，呢幾日港股正係到盤整緊，跟技術分析判斷只有爆邊，即一係推上，一係推下，由於向下既一方牛証已Kill盡，下方既牛証已經到去所餘無幾，所以我幾肯定港股會向上。於是我就入市

你可以話昨天打倒的我，上一篇還說技術分析冇用係港股到，又話唔買港股。點解做係呢個市場到"鬥"，原因係美股要晚上做，浪費晚上看書的時間，入QQQ呢D又太簡單，會浪費我學到既功力。順帶一提就係，我相信好多人都會入美股或直接買ＥＴＦ，我完全冇看低美股或否定ＥＴＦ　ＱＱＱ呢D股票，而係美股係一個高位下，自然會有一個調整空間，我就係等呢個時間～

而唔用ＱＱＱ呢 ＥＴＦ，係因為如果你太利用呢D 唔需要用腦就去投資既時候，你個腦就會生锈，因為ＱＱＱ回報係每年以１０—１７％計算，但唔好忘記，美股都有高低既時候，係量化下佢自然升得多，投資係有周期性的，如果你一路都依賴住佢，你好快忘記了技術分析。

技術分析正正就係止蝕和做Ｂｒｅａｋ　Ｄｏｗｎ既重要性，當一個市場，例如港股係土壤變質下，你就唔去Ｂｒｅａｋ　ｅｖｅｎ或止蝕時，咁你既後果會好慘，而技術分析令我學到既係，盤感有時比技術分析更重要︳當你既觸角嗅到唔多對路時，你就可以快人一步＂著草＂！

我要特別提醒買美股，特別係只買ＱＱＱ既人，呢個方法我認為係會令自己無法進步既空間，因為你只會留意佢既回報，而不會了解為何ＱＱＱ最年回報既原因，是ＱＥ？減息加息？打擊敵國就可以抽走資金？政治因素？國內外問題？如果你無法可以一一咁回答，當有朝一日美股不是下調，而係崩盤，你跟本就會一路咁坐落去或好似＂恭成＂咁不斷加倉港股做平均成本法﹗這是最蠢的結果，因為你安於現狀而重來不覆盤﹗

另外我做港股既原因係見到佢有利潤空間︳特別係低市值下（我相信好多基本分析既人會話我低市值下可以再低），而我一路認為港股係ｏｖｅｒｓｈｏｏｔ的，去到１４０００點已經係港股一個可入場既場，睇番盈利計︳港股已經去有近４厘回報，同美國債息差不遠︳單純只呢點做長期回報已經可以入市，計有我在１月時出ｐｏｓｔ，係群組中提出入1800 2328 1816 177呢D國企股︳不計你做期權的話，其實已經賺息賺價，買國企原因好簡單，呢D唔係成份股，免去俾舞高弄低既機會，另外持倉既唔係外資 (177係有外資持有的)，作為技術分析支持者既我，其實我也有去基本分析，去睇下人地既年報睇下邊個持倉係最多或控股，我認為投資就必須要每一樣你都要去掌握，多一手資料，多一份分析。無時間就唔好去投資~轉身唔夠快就唔好去投資~

另一點就係我聽過技術分析有盲點同問題︳就係只食到少量，但全段升浪中，技術分析只可以食到最後既階段，大家有聽過股市有分4個階段，而技術分析就係切入係一個高位買入，win少少就沽出，所以只食到一少部份。呢個其實只係部份不太明白技術分析既人謬誤。其實技術分析係可以食到全段，我就比個example 例子，好似Mara Riot呢D股，我係第二階段就買入，到Risk Free時就沽出一半。餘下一半就可以長坐，以50天或200天為止蝕位，無論魚身﹑魚頭或魚尾都可以食盡的

以Mara為例，第二階段破底翻買入，買第三個圈突破買入，你只要肯花時間找一個股票係尊重200天或50天線，以你所學既就足夠，跟本係可以由頭食到尾

再睇番恒指圖，已經講晒俾你聽賺錢機會，無論用日線，周線或4小時圖，都好清楚咁指出入線位，同預判個入線位係邊︳簡單618就已經好清楚，如果唔做真係對唔住自己

睇番27/2係洗倉方式去向上既做法，夏寶龍黎香港，防沽空下港股人治下又點可能會跌？明白既你就知怎樣做。

做技術分析當有利潤時就可沽出一半放飛機，但其實我地都離不開我地既心魔，當沽出一半後Risk Free帶來既就係信心，反正我都係賭博，咁Risk Free我已經平倉獲利下，以期權張數，以10張，一路倍大到100張，你就可以真正咁發揮到技術分析既力量，因為係Risk Free下，先鎖倉再以期權做摃扞，咁先係真正既賭徒，但我為係做一個有回報既賭徒，而且一定係要Risk Free，再倍大利潤

我相信技術分析可以笑到最後，因為呢幾年我眼見不少既所謂"專家", 包括成日講基本分析個D好多都消失晒︳以前成日講Reits(823 . 778)  ，Tesla信仰 ，大時代下地產股(恒大之類既地產) ，醫療股(2269)，我會視呢D係一個周期，每一隻股都唔可以笑到最後，唯有技術分析可以持之永恒，因為可以自己不斷咁進步都修正，希望呢篇可以幫到你

2023 回顧~

 2023年過去了，今年的投資可謂慘不忍到，原因係我持有大量收息股同期待在通關後中國有一個樂觀既復甦，重倉了FUTU ﹑3033，在6月後發現中國表現比想像中差，同時國家還"重拳"對科網出擊﹑地產又夫不起，一路不斷咁中止蝕盤，最後我既港股倉成績只有18%正回報，當中以三桶油和中國移動和期權收復了不小

2023年10月到11月期間，考慮到港股問題，最消決定將一半倉位中國移動賣出，同時換入HSBC和美銀﹑波音債券，興幸趕得切搭上美國既減息期

今年正常踏上了工作的最後週期，現在一周返回公司一次，把公司的庫存大部份也賣去了，期待2025年前將公司單位清倉出租

2023年對我來說是難苦既一年，這一年我自己的心態轉變很大，以往會計較得失，日炒夜炒，現在變為以安逸為主，減少出買進賣出，和出手的次數，好像看透了凡塵一樣

而我最大的野心，是如何將目光放在下一代身上，老實說，兒子用我的時間，比起我工作，炒股票，看書既時間仲要多，這年間我和他跑編了全個香港的山，只差三大高山還未完成︳因為自己半月板撕裂問題(現在我已好得多了︳可以再行番山，中醫和心態上幫了我不用做手術)。自己覺得行山可以訓練耐性和毅力︳現在的小孩不是手機在手就不斷打機，我覺得自己還有能力就多訓練他令到知道世上還有好多有趣的地方

第二，孩子小六要選中學了，為左做靚個profile，結果我和他報了很多賽事，包括中史比賽，機械人比賽等等，進行了大量既模擬歷史題和家校合作，修改論文等等，很多時我覺得我的技巧也提升，有時人與人之間就是這樣的互動，不要說是你去幫別人，而是人們怎樣去幫你，改變你~ 

要數2023最遺憾的事，就是我們落選了DJI RoboMaster的全國賽，我們這年來不斷咁為DJI機甲大師進行訓練，每星期的比賽中令我們對比賽深度﹑戰術部署，思維訓練得到好大既發展。我認為DJI 機甲大師這個運動或比賽，是現代戰爭或皇者榮耀既真實版，過程相當刺激，必須"預判"對手，同時作出部署，假如判斷錯誤又點去補救，以3分鐘一局比賽制下，好考反應﹑冷靜，技巧和戰術。以戰術一欄是最為重要，我們在初賽過程中，因為要組隊3人，兒子由於大部份時間都是單打獨鬥，今次聯同兩個之前認識的朋友一起，而其中一位隊友因實大太差，被我們踢了出局，最後我們選了另一位隊友補上

在預選賽中，我們打敗了所有的對手，同時遇上了另一隊也是十連勝的對手。那一場是重要的賽事︳結果我們也順利打敗，後來對手請我們再打一場，結果戰術上輸了。預選賽我們是1對1，即是希望日後總冠軍才遇上他們(紅岒隊)

當去到分組賽後，我們發現編隊上對我們非常有利，而他們不知為何一開波就被淘汰了，我們之後戰勝一隊，進入複賽時，真的很緊張，在音樂和大會螢幕播放下真的給我巨大功壓力，我真的不知小朋友是如何過這關，之後賽事我們就輸了，以1:3出局

輸的原因，是隊友真的不好, 我不是推卸責任，相反我認為自己是個好教練

1)默契不足

2) 豬隊友，一早始就亂沖

3)運氣不好。擊敗我們的，就是全場的總冠軍，原來我們才是運氣不好，淘汰賽下第一輪就遇上他們

之後，我輕描淡舍地說日後上中學時，你選一間有DJI的學校，和同學組隊，才可以配以我的戰術，再參加一次吧，隊友們不依戰術，才引而輸了比賽。

輸了比賽，不是我最遺憾的，而是另一個消息。第二天舉行了DJI親子賽事，我們沒有報名參加，但大會上宣報勝出了的一隊就是我們踢走的初賽隊友，佢的實力我們很了解，沒想過玩過他和他爸爸都可以拿到第一名。兒子反問我為何當時我不和他參加親子賽，這就是我最遺憾的事，因為如果我去參加︳我們一定可以拿下第一名，即使這個第一名是個空徼也好，作為一個爸爸，我沒有參加的原因是，我認為我不想拖累他，因為自己對"打機"一向不太好，如果我和他合作參加，我一定會拖累佢的，我不想成為孩子落敗的原因。

原來，是我錯了，我們一直教孩子勇於嘗試，參與第一，比賽第二。而我反而忘記這個最重要的初心﹗我真是一個笨蛋，這麼簡單的事，為何我沒做到？我為了這個比賽，把自己成為戰車的"活靶"，設計不同的戰術和走位，我想成為造王者，沒想過自己茖場去衝鋒﹗是我錯了，為此我已定了下年一定要參加回親子賽，而我會花大量時間自我"打機"訓練。

這件事令我一直耿耿於懷，要好幾個星期才能平復，希望你可以原諒爸爸~ 我忘了最重要的事，孩子一直希望可以和爸爸一起，作戰到最後一刻，那怕是輸都好，只要戰場父子兵，就可問心無愧~