隋唐中央政制之演變 (二)

上回講到隋唐中央政制之演變 (一)，以關隴集團為首嘅長孫無忌，集決策、封駁、行政大權於一身。

我哋要知道，制度嘅發展有三個時期：

唐開國至貞觀、永徽為第一時期，大約三十多年（618—655）；龍朔至開元年間，大約七、八十年；天寶至永貞為第三階段，亦六十多年。本文以探索第二時期發生嘅事變遷為內容。

當時李治（即高宗）因武則天關係，堅持要廢由太宗為他安排嘅尊貴王皇后，而立出身木材商人之家嘅武則天為皇后。這是一場愛情和政治爭權遊戲，李治利用武則天共同打壓顧命大臣，而武則天深恨之，所以佢唔會相信呢一班人做自己嘅班底，於是開始重用弘文館學士，特別係後期培植嘅北門學士。呢批人品位不高，但可以自由出入禁宮，代為謀劃，此為問題嘅開端。

之後高宗一死，武后改中書省為鳳閣、門下省為鸞臺，並以「同鳳閣鸞臺三品」為相銜，提高效能。門下省本身主要職能，係審核、封駁中書省所出嘅詔令；但因為武后已用北門學士去草擬行政草案，所以根本唔需要門下省去反對佢嘅議案。咁就令成個唐朝好似滅聲一樣，聽唔到反對聲音，但可大大加大佢嘅權力同行政速度。

當時太宗朝以來三省制嘅設計，就算太子不行，起碼都有門下省做互相糾察，減少專權。後來武后遷居洛陽，以紫微城為中心，將中書門下等三省置於外朝，制度上漸成定制。睇武則天長期留在洛陽，唔願返長安，就知她對關隴權貴有幾討厭。

去到開元之後，李林甫和楊國忠都係宰相，但已有干涉外朝之象，任何想做宰相嘅都要先巴結李林甫。而玄宗期間，重用宦官高力士亦為主要原因之一。本已開始敗壞嘅行政機構，逐步變成賣官鬻爵嘅機構。

當時宦官嘅權力還未到頂峰。開元末年，高力士獲得先審閱奏章嘅權力，小事由他直接處理，只有大事才呈報玄宗裁決。玄宗曾感嘆：「力士當上，我寢則穩」，意思是高力士當值，我才能睡得安穩。

他從未掌握過如後期宦官那樣嘅禁軍軍權，其權力來源始終是皇帝。

藩鎮，手足之患；宦官，腹心之患。