保險儲蓄保險計劃 (8年回顧得到D乜？) 香港保誠 宏利比較

 最近開始Review自己既保單，我是在2016年買入當時被稱為皇牌既保誠雋陞儲蓄保險。

點解當時買呢？原因係有一筆錢番到黎，兒子出世不久，銀行職員就遊說可以做個保險，反正自己當年太忙7*24工作時間，職員拿出呢幾年既回報比例給我看，又好像回報可以有100-120%，因為以往我已認識到香港保險101已經覺得係投資者損手爛腳，所以我對呢類既所謂儲蓄保險非常有芥心。但後來職員展示以往的"成功"幾年個案，見到好回報我就買了來。

先不用說回報，我們先看一下保險公司近呢十年既回報先

以下是保誠香港2016 140蚊︳到2025年得番94蚊左右，即下跌左33%

再睇番宏利個股價好似唔錯，比2016年升左近一倍，咁就咁睇會唔會宏利既儲蓄保險會較好呢？

我地現在要睇既係，保險既分紅比行同投資收益，先了解一下保險公司佢會因為乜野制度去扣減你既利益

以上係我係保誠個網到，花左好多時間揾到，佢收收埋埋︳不幸地，我直頭揾唔到宏利，於是我就問我個sales，得出黎既係會因應當時既投資收益，咁投資收益呢樣野可圈可點，就好似睹大小咁，仲衰個保誠，保誠起碼會話你知，佢地紅利扣減係因為佢會將你D錢做佣金﹑鎖售酬金，行政費用，同埋投資會可能"蝕錢"

其實我一路都唔係好明，我一直以為買呢D保險係唔會蝕錢，因為你一lump sum買落去，你就係投資到死會止，起碼都有三五十年，呢D正常應該係保險公司會幫你買一D好安全，例如債卷，長年期既國債等等，正常應該係唔會蝕架喎？﹗

好喇，咁我地再睇多少少，呢份我係2016年既保單

好在我仲有當年既合約資料，咁我8年前，Sales話我既非保證利潤係$11259，而保證退保係22133，總供款係32434

8年過去，睇一下現在我既保單利潤得幾多先

睇番我既紅利，2個加埋1899.99 + 3853.85 = 5753.84

咁即係話現在既紅利係 5753.84 / 當年期望係11259  = 51%實現比率﹗﹗Shit

我地睇番佢個報告 原來係2014買入既客戶︳現實比例得番50 以下，只係2018 2017年會比較好80 - 85% ，總之投資越耐﹗你就會越蝕錢﹗

Sales同你講呢幾年投資幾好係因為佢將近幾年唔會"剥削"你太多﹗用呢個方法去騙你﹗但如果你叫佢攞十年以上既報告﹗你就會知道呢D儲蓄有幾廢﹗

仲有，唔好諗著可以好容易揾到呢個表，因為佢會收收埋埋你揾唔到﹗

最正確既方法係，直接係保監局到起佢底﹗咁你先可以揾到 ，之前頭個幾條Link都係騙你的

https://www.ia.org.hk/tc/fulfillment_ratio/list_of_insurer.html

我地再進一步睇下佢D兒童儲蓄保先，呢D兒童教育基金，理論上應係最安全﹗最保險中的保守保險，但佢居然2015年回報係 3 %呢個投資收益到底失敗係邊到？買左恒大債券嗎？Sorry網上冇資料，我只知佢投資廢到死

咁其他公司又係點呢？呢個係宏利赤霞珠終身壽險計劃﹗係我個朋友當年極力推薦我買既，但當佢知我買左保誠後就非常心有不甘失望，咁我地又睇下當年呢個非常熱銷既保險係點

答案係2016年 61% ﹗所謂有三人行必有我師﹗難兄難弟﹗

再睇10年以上既會係點呢 ? 52% 進一步下跌﹗

再睇下AIA ﹗係唯有靠普的﹗十年有近80 以上既實現比例﹗當然因為我唔知佢既之前回報﹗可能佢地定低一點也不出奇﹗但合理地有8成也算唔錯

再睇下大陸既中國人壽錦繡前程教育儲蓄計劃

實現比例都有近8成

我地細心睇下，宏利同保誠都係以美元做保單，其中如用港元或RMB保單反而係有近6 到7成﹗咁證明一點係基金經理利用摃捍或滙風險投資失敗才引致呢個問題

現在我已經告訴子女，日後只可以買不含儲蓄成份既保險，即Term life。同時呢D保險公司利用保險既漏洞，將保險包裝成為高風險既基金買賣服務，大家要值得做參考

爸爸的抗癌路(3)

 踏入6月開始我們不斷進出深圳港大醫院，我也忘期了去了多少次。在這做個小總結，希望可以幫到同路上既人，因為我相信我們是極少數人士了解整個流程

我們在做第二次抽針後，最終確認是癌症，但必須做一個全面的癌症排查，因為我們是確認是肺轉移到肝︳還是由膽引起的新增癌症 (第二天就有報告)

我們在得到第一個報告後，立即約見醫生︳因為我們怕港大會丟去爸爸的組織，所幸我們約見了醫院的劉主任，她說組織會一路Keep一個好長時間，不用擔心 (隔日出報告)

到了第三天︳報告出來，說明是新增的癌，不屬於原有的肺，而是膽管癌，這個癌症是較少有，香港一年大約只有3到4百人以下，亦即是5萬份之一。不像肺癌是1/100的機會，父親今次真係如願以償，當初佢就係聽到媽媽的繆誤，認為割了膽就沒有膽就死定，結果他因拖延令到本身發焱的膽石引起膽管癌，所以有膽石一定要清，唔係會令到膽囊發焱，最終會令到癌症出現

現在餘下來可以做的真是不多，我們的選擇有

1) 放棄治療 (生存期1到2個月)

2) 化療 + 免疫治療 (生存期12個月)

3) 標打藥 (生存期2個月-6個月)

關於第二個治療方案，免疫治療是不可以做，原因是爸爸本身是帶有肺癌EFGR 突變基因，如果做的話，兩者會相沖，而起肺炎，相反如果沒有帶EFGR的話，是可以做的

那我們餘下只有標打藥是我們最後的選擇︳而我們要做一個叫NSW的基因排序

NSW 次世代基因定序（Next Generation Sequencing, NGS) ，是把抽出來的細胞組織進行DNA排序，可以令到自己知道遺傳﹑對某一方面敏感，又或者是可以因基因變異而知道用那一款藥有效，唯我在gpt到得知，帶有EFGR突變的膽管癌只有1/4 到1/5機會，同時藥力有效比例只有不足3到40%，但我們沒有方法︳也要一試，能多一個月就一個月長命吧

那天我們在港大內，醫生說無法介紹給我們做基因，要我們去找，我覺得這個有點不便，我們是外地人，醫生說不介紹是防止中間有行賄之類，所以不便透露。我情急之下，好在在癌症基金會有朋友介紹一個劉姓的Agent，我就膽粗粗去wechat佢，又咁岩佢又係港大內，初時我還連絡了華大基因試試，但即然佢係到就見過面。

Agent 來到腫瘤部，他好像對入面運作非常熟識︳佢話係到做了十多年，而佢一問我是那個醫生看，我告訴他後原來佢居然有醫生的手提電話，他們是"認識"的，那我覺得就是行運了，看來爸爸有機會是那1/4人，之後agent帶我去病理部取組織和付款(300幾元做切片15塊), 唯病理部好像沒有任何檢查你的身份︳只要講得出我爸爸的病人號，連身份證也不用看，只要付款就可以拿到爸爸的組織，看來這個還有好大既私忍空間 (不過我覺得回到國內就要接受沒有私忍呢D野) 

報告會在下星期四就出到，到時會有實體和電子給我，價格是 9000 人民幣，相對香港來說，我們之前要寄到台灣做基因排序，要22000，便宜一半又快一星期。希望有好結果

在香港能醫膽管癌的藥幾乎係冇，只有化療一種，新式的藥要近30-40萬，而同批次的藥，在港大醫生告訴我只要2萬元，我相信在不久將來，香港其中一個支柱 優越既醫療教學將進一步收縮，在國內的醫學和醫科不斷進步下，香港的優勢越不明顯，內地特別在細胞﹑遺傳學領先註冊量 ，我們應急起直追

爸爸的抗癌路(2)

 這幾個月一路都沒有更新網誌，原因係經常要陪伴父親去不同地方求醫，耗費了心力和時間。現在可將這幾個月發生的事做一個思想整理一下

首先他得到是肺線癌EFGR，PD-L1 60，去到第四期

我們在2024年9月份得知︳他除了有肺癌外，同時在膽囊內有一個不正常的組織，同時有一粒為10CM大小的巨石，在叔父的分享下︳得知爸爸原來小時候肚子常痛，後來吃了中藥就沒事，但中醫講下一次再痛就一定要入院檢查，於是我在2024年的10月 11月 12月每次見醫生，都和醫生討論父親除了肺癌外，都會講有關膽囊資料。直到去到第2次Pet Scan  1月時，醫生說你現在肺癌指數很好，就吃藥就可以，但他的膽囊位置陰影進一步擴大，看圖也不大正常。建議我們找外科醫生，PetScan報告高度懷疑是膽囊癌

我們約了私家醫院教授，他表示現在唯一方法是要切除，他的方案有2個

1) 先用微創打開傷口，最出膽石，以免迫著肝和膽管

2) 同時去除膽囊，即場做化驗︳有經驗的化驗師可以在半小時內分析到是否惡性

3) 假設是惡性，就必須把部份肝切除，以防擴散，但就會即時由微創變成中手術，老人家要有心理準備，休養是10天左右到2星期

母親對開刀非常反感，完全唔想父親去做，她常說父親捱不到這刀，而我就堅持反正都係死，應要博一博，最後我們同意回家相量一下

醫生同時要求我們見呼吸科和麻醉科醫生做評估才可以做，我們不幸地遇到一個非常"放負"既呼吸科，一路都話我父親情況好差之類咁，放大問題嚇到佢地兩個老人家唔想做

又話不如等到1月底見政府外科醫生先，呢個外科醫生係父親不想浪費錢去政府入紙，但重點係呢個外科醫生既團隊，其實又係私家醫院教授既學生黎，教授亦都係政府到任教，我覺得唔應該再拖，我帶了他們回國內港大，見了外科教授，原來呢個教授其實佢又係香港私家醫院既學生，所以呢個世界以膽囊科來說真的好細。內地醫生基本上和教授講的都一樣，唯建議我們要珍惜生命︳唔太建議做，因為佢話父親既肺癌一般都係2年左右，如果要做既話，佢身體會好大打擊，就算醫好，因為訓床成個月，佢有可能之後行唔番，要坐輪椅

最後我們回到香港，又拖了一個月在私家醫院做了Petscan ，教授看了報告話因為出現肝轉移，沒得救了。而我們之後見了政府外科和腫瘤科醫生，所幸既係佢地係正能量，先建議我們去抽針，先看肝的轉移是由肺還是膽引起的，不過無論私家或內地醫生，佢話有兩個癌係同一患者係萬中無一，特別係膽囊癌，是500萬之1 Only

我們帶著希望在內地醫院抽了針，住了4天，大約3千多元，醫生特別提我，他的肝位置非常近膽囊，有風險，先抽一個簡單的，看看抽不抽到，如果不行，要進行第二次複雜危險的抽針，結果我們最後找不到任何惡性報告。

我們拿了報告見政府同私家醫生，佢地都面有難色，因為真的好複雜，正常看圖他們說有7到8成是膽囊癌，但現在膽癌指數又不高，但肺癌指數就上升了，那到底肝臟的兩個是轉移還是原發性，我們再做了一次全身的CTSCAN + MRI，結果都係一樣，找不到

現在父親情況差了一月時好多，消瘦了，同時不太想吃東西，說有東西頂著他，這兩天個肚說痛

我就想起教授話佢之後會痛就是膽管迫爆，佢就會好痛，必須做緊急手術引流到體外，即使做了也會易出現併發症

現在唯一一下方法：

1) 什麼也不做

2) 做第二次抽針，看看是否膽囊癌

3) 如果是，內地有新葯在5月份剛剛批了下來，內地醫生話香港有的進口葯他們也有，但內地既葯香港就冇，佢話呢個葯如果係肺擴散到肝會好有用，建議我們做免疫加化

母親非常反感在內地做任何治療，佢原理就係佢唔識聽普通話，同埋佢話係政府搞有乜野可以即時救做佢

我反而覺得只有內地先可以"延長"父親的命，因為無經佢確症，食葯，都係內地做得好有條理，我看到政府的腫瘤部每天幾百人係到等治療就已經覺得父親頂唔到一次

而我既父親佢自己既睇法係"乜都唔知", 乜都唔理，佢重來冇關注過自己既身體，但唔想死，只想簡單食下葯，同埋想方法點慳錢，我前幾天才得知，因為我地由第二代轉第三代藥，原本餘下仲有十幾粒，佢居然係我不知情下話唔好浪費食埋

面對一個阿媽為反對而反對，父親就乜都唔想理，只想慳錢。我就夾在他們手上，一個字 "煩"，他們每一次都係搞到無葯可醫無得救時才會找我! 

2024 投資回報

今年的港股期權創回報10.21%，主要持有中國移動  / 2328 / 1800 / 823 / 778 / 998 /939 

這個回報當然比不上美股或QQQ，甚至乎連HSI恒指2800也比不上，自己看番主要問題有兩個

恒指在10月時受國家帶動下做好，當然萬股齊上，而自己沒有做好好對沖，甚至於加了摃扞去到1.3倍。希望可以賺一波順水的行程，結果再一次被國家Fake了，在高IV下做好倉既期權下，結果中國政策沒有出台，令到縮woo程乎下令期權引伸波副既好倉/ 2800等要 Cut Lose

令原本可以將上半年港股倉20%回報，到10月時只回到5%利潤，所幸既係11月及時斬倉同時改變心態加入部份美股炒，才令到回報上回10%

11月-12月期間，主力炒核電﹑無人機 ，現在在減摃杆下回到1.05安全水平，會継續用保守方式等到2月減摃杯到現金水平，這幾個月由於親人問題，所以在心態上都是以保守和保本方式進行，我目的係令到來年2025既波副比例和回報有10%左右就足夠

加密貨幣倉也是在年尾發圍，以VCP 方式買入不同既小幣，做到歷來最佳回報568.25%，但我強調以小幣方式買入只是有限資金，所以不算賺了大錢，純係自己享受技術分析操盤既興趣

踏入新的一年，祝願各位股市上旗開得勝