我的裝修日記(三) 清拆篇+搭棚水電

 裝修中首先你要安排做清拆工程。要注意的事項你要提前向管理處入紙申請，由於裝修時間係金錢，所以你要入紙越快越好，同時做好買保險動作，因為部份管理處要提前入紙才可以動工(以我屋苑是一星期前。)

另外申請搭棚亦是要提前一星期，如果你趕工程的話。最好就一起申請。呢個你要連絡搭棚公司同你講入紙，你唯一可以做既係Fax /whatspps佢個管理處授權書就得。由於係全爆，你可以事前同管理處睇下間屋有冇外牆紙皮石等漏水情況。管理處是可以免費搭棚的，但我屋苑既管理處效率非常低同慳錢，我是提早半年不斷咁電話搔擾佢才可趕及入伙前處理。呢個時間你可以同外牆人員混熟，方便佢地可免費幫你對外牆既鋁窗添加玻璃膠等等。免費為你家居"升值同耐用"

而私人搭棚費用因人同施工而已。就以我家為例，一個廚房牆身僅是$2000，以是我比較過咁多間最平既一款，服務一流。前後搭棚15分鐘已搞好。完成搭棚工程後就要安排佢清拆

裝修水電是一個重要的前期，一定要睇得好緊，我就係之前係水電呢一環冇睇咁緊，加上唔識，引起日後不必要既麻煩

另外題外話，由於我清折了煤氣爐，煤氣公司的外判職員上門關氣時，同我講話我個煤氣喉生了锈，要拆喉打穿外牆，所以建議我搭棚做。加上要變動煤氣表位置改去白色圈位，所以要重新打坑要由洗手間做坑到廚房，佢話煤氣公司報價大約係15000左右。之後佢走左就私自打俾我，同我講話可以幫我"私人"做，收$7500。嘩，條友咁都得，食煤氣公司夾棍，仲話可以私自換一個新既煤氣表俾我添﹗對於呢D食碗面反碗底既人我係最憎，我直頭想打去ICAC或煤氣公司投訴佢﹗最後我自己係出面換左註冊氣體公司"煤氣達人"上黎搞。So Far大約5500+打坑$2000搞惦