活在當下

 早幾日有個飯局，其中一個係台灣番黎既朋友，已經成功申請到身份証。見大家幾年冇見就出去飯局一下。一行四人，朋友已事前講明要食阿拉斯加蟿做餸。我就笑說佢係台灣冇談好食

即然主人家係台灣生活︳當然係問下佢番黎香港既原因喇，佢話主要係番黎打針同處理一下事，我唔太明, 台灣已有三款針有得打，做乜仲利用香港人身份番黎打BioNTech，佢就話係個邊生活唔太好，唔係太想打本地針，又話打疫苗好慢，又要排期之類咁

言談間佢不時透露對台灣既不滿，佢話台灣人一D都唔慢，都好心急，但D行政就好慢，朝九晚五工作唔超時︳食飯就關門，唔多理佢之類咁. 大佬呀﹗你家下去左台灣生活，唔係香港呀，你估你係乜水要24 小時on time services for you???

朋友都算係社會既精英，以佢呢種精英去到台灣應要好好放下身段，多點融入當地人生活，所謂慢活台灣同樂活台灣嘛，佢以呢種咁高傲看不起台灣人處事手法，那豈不是用同一個眼光角度去看低其他的人一樣，帶著有色的眼光去看世界

而最大既問題，就係佢移居當地後，冇好好生活，隔離都唔識多個，反而仲係台灣搞創業，仲要開幾間，又投資顧問﹑移問顧問，Online Shop之類咁，之後又話係當地俾人呃..............下刪幾百字...........之後更想不到原來今次飯局既主要原因係想揾我俾D創業意見佢，搞D乜成功生意好

大佬呀，你身在台灣應係你自己好好發揮, 更了解當地人才對？找我呢個唔切入當地既人有乜用？仲有揾台灣人錢好難架﹗你仲想係香港人角度，用香港份糧去同台灣比？ 人地物價指數幾多, 又話賺得好少.

我好認真同佢講，妳都係直接係樂活台灣吧，友人因無兒無女，老公又只注重自己的業務，而忽略了佢，所以生活上冇寄托︳去到台灣兩年叫做識應到，但終日無所事事，唯一再去創業

其實我在想，到底你去台灣為了甚麼？為何要慢活，樂活，搞到自己咁忙？又要揾錢不如番香港喇。唉, 我對呢D所謂既朋友，到今天都唔肯放下身段，應好好想下點融入社會︳去鄰里打好關系，得閒遊山玩水，你揾咁多錢做乜呢？戶口多一個0, 真的咁重要嗎?

當然最後佢係我身上得唔到咩令佢樂意既"揾食創業"方法後，就利用佢醒字派既香港人身份，要求我幫佢埋單請食飯，佢轉數真係好快 (利用一個蜿轉既手法) , 而另外個兩個"真香港人"亦發揮應有本色扮無知唔俾錢，純請一個人食飯冇乜所謂，為何我要請晒全圍食飯？是因為我不善詞令，還人人總是喜歡佔人小便宜呢？

其實幾百蚊可以睇到一D人既人格，我真係覺得好超值.