期指偷步8號波攻略 (今個月目標4000點HSI點食？)

暫時呢個係我做得較好既期權，將技術分析﹑盤路分析(呢個我會再講, 觀察尾盤﹑高低水), 再以期權同Digonal Spread發揮到極致既攻略

話說月初時我已留意到恒指做緊三底背馳，而大部份人"蝕死", 散客郤步。我認為是差不多入市時機，於是我就做下動作

簡單黎講，成本係1527點。帶有一張LC242.成本547.打和點係24747~ 由於已入價同想收番D成本。做目標動作1 .Ratio Spread 收272點x 2= 544~ 咁就可收番成本

目標動作1 係周期權，由於我事前已得知圓規8號波會打風，咁計番周期權下，我只有2天的運作，咁個7張SC就可以袋袋平安，所以係升到差唔到25200時，我就開左SC 254 256呢兩個倉。最後收左483點

上成期已經將成本減到1044點左右。於是我係呢個星期，前後加倉 Bull Spread 254 256 2張+1張LC250

今日係25400點左右，開左星期五22/10 到期既SC 258 (我視258係一個短期阻力位), 下一關係26500(250天線), 相信破258後，會進一步拉鋸 , 今日平倉242,已經將全部成本減去

現在手持14張月底到期 Bull Spread 254 / 256  +1張LC 250 , 配週期 3張 SC258 +2張 SC260+ 1張LP258

計過數星期五期指要升到27000點我才會蝕錢。相信機會好細

睇番市寬，呢幾日相信會有調整

今個月目標4000點已逹到一半。時間正有利我呢一方

上option jack會學到D乜

 最近冇乜大上堂，留意到之前一個期權既啟蒙者搞左個2021分享會。就科左金去試下，幾佰蚊有所得著

1) 根據年初效應，應驗呢五年(除2020外。)由2016-2021都出現年初效應，升市或跌市。準確比例高於80%

2) 不用電腦backtest以往，大早的年期如1980 1990都幾十年數據冇乜用。要用就用呢最近呢幾年

3)基金會偷步早於12月就入市

4) 25000係好淡分水嶺

5)利用VHSI 去做SP / SC倉 (我相信佢係做naked short, 同埋分享佢話睇錯市就要幾日內平倉走人)

6)玩short strangle 於2020 3月時，點解咁做? 比較VHSI同恒指，當VHSI升到高位，而恒指就急跌，VHSI無再大升，咁就係玩既時候(呢點我驚驚，一生人有或者會有幾次咁既機會，但我寧願穏穏陣陣)

呢個做法係利用高引伸波幅去食IV, 而唔係利用時間值。由於係2020 3月20日大跌市，個IV爆高，呢個時間用short stangle開倉，配以下個月做法。由於去到4月時跌勢已穏定，所以就算SC入價，亦不會出現蝕價情況，因為佢係trade IV做法

7) 700 388 既節奏攻略

8)利用霸財去做節奏

9)比較估頂既訊號，例如Bull 牛仔﹑warranty新發行多過bear / Call IV higher than Put

以幾百蚊價格黎講，算係超值了

期權有唔同人既方法，Option Jack應都算係以純期權4式中，發揮得好的一個

體驗中國之行~ 隔離攻略

   闊別了兩年沒有踏足過中國的土地，由於有工務在身，迫不得已回到國內深圳隔離，展開我慢長21天的生活

事前我一個喼中，準備了一半的都是我個人按磨用品，包括按磨創﹑膏貼﹑骨頭丸﹑眼痛貼﹑按磨球，和十幾款維持我生命既補充品。沒算，我就是一個年近四十，但身體又如八十既老人。因為呢十年 007既工作日子，令我覺得自己的生命一直在倒數下去, 如果沒有這些東西支持我的精力︳跟本無法完成這麼多工作~

今次的目的地是深圳，過關過程很順便，去到羅湖闗口，關員會問我去那個區，分東莞，福田，羅湖，龍華﹑ 龍崗區﹑前海等等。原來最多人回去的不是福田︳而是龍崗和惠州區。我大約在早上10點30左右，1小時就過左關。之後安排在一個大帳篷中等巴士來接上去酒店。我還希望可以安排一間好的酒店

等了差不多3小時︳終於到我有車來接我了，我問問我後面既小妹妹，原來佢已等左5小時，我相信佢地係一天兩班車︳中午一班，晚上再一班。我想如果要回中國的朋友，下次隔離應選大約中午過關最著數，那麼就不用等這麼久

中間大約在中午時間，會有義工派發面包和水(免費), 呢點我覺得做得唔錯。

其實我一直在想找出國內有沒有防疫漏洞，但防疫人員真的很近。因為在過關時你的回香証就已經被收了，他們說會到酒店才會交回給他。那麼這三小時過程中，會不會有漏洞出來呢？由排隊上車一刻，佢地會讀名叫回香証的人站列。

有名才可以出列，以防有人誤上車或有問題，之後在上車前他們又會再叫一次名，總之只有確認上車的人核實過才可以上到車。上車後他們又會再點一次。

去到酒店，他們又會再點一次才可以下車入酒店。相信呢點好難找出問題來。我被安排的是深圳新都酒店，之前一直有聽說中國的檢測好恐怖，會深喉+插入你個天靈蓋咁上去，我真係好驚呀，我排隊時我仲要係最後一個人，眼見前面的人一個一個受刑，個個面容扭曲，同將自己個身體像做體操選手一樣往後扭(可以攞到金牌了), 原因佢他們是坐係到插入去，咁你當然係有咁後扭咁後，唔想佢插咁入喇

個個都插頭擰手，係咁咳。真係好驚，我知道我還是在隔離中要做6次檢測，分第一天，第四天，第七天。第14天，和第21天。真係想死了

完成後我就被安排做問卷，說有沒有甚麼特殊病﹑如心臟之類咁。我全部都填沒有，房間是250一天，不包餐。算係咁了，酒店較暗，真係好差

每個門口外都有一個垃圾桶，一天會有人兩次來收垃圾.最後我終於發現到漏洞出來..........待續

啟蒙者

   最近小弟開左新Group，對期指有熱誠又有興趣既朋友invite加入(最重要係有緣)，想不到這三兩個月之後，我能夠為其他人帶來投資上既樂趣，令投資變成低門欖，風險有限，特此紀念下來。在此我回想起2年前受到風大俠同老闆佢地啟蒙，今天我也成為啟蒙者。一直以來也很感恩在網絡上幫助我既人︳現在我有能力去指引其他人行一條不一樣財務自由之路，令我有莫名既使命感～

話說小弟有唔同既投資谷，其中有幾個係小弟同其他人組織起來，不過我發覺有部份谷，不少人都會對我＂呼之則來，揮之則去＂既態度而郤步，我開始日漸了解到點解咁多ｂｌｏｇｇｅｒ唔願意分享或轉做收費既原因，就係因為呢D無謂人士，打擊了無私分享者既時間同興趣，好多時候佢地真係一句唔該都冇﹗問完就閃﹗或真係去到好唔惦時先會黎揾你﹗平時只會當你係一個神燈一樣。

而小弟既期指谷原於對蔡Ｓｉｒ有興趣既朋友共同創立，雖然本人對蔡SIR既期指同技術分析好有保留，但亦因緣制會下認識了唔少對期指有興趣既人，大家係共同環境下成長，我不時分享我既技術圖﹑入市時間同位置，係呢幾個月間，能夠見證谷中朋友大幅提升實力，甚至超越我既水平，我真的感到很榮幸，我成日都覺得，分享係一個緣份，大家可以係當中學到唔同既技巧，WinWin真係好重要，如果只係一個人賺到錢，就算佢幾功幾叻好，冇做一個傳成者或以謙卑既心去學習，過多幾年市場環境唔同左，佢未必可以賺到大錢。所以不斷學習，將自己所識既分享出去，集思廣益，令自己再學習真係好重要。感恩有一班戰友﹗一起戰到老﹗

如果阿仔日後睇到呢篇文，希望你也了解到爸爸分享既美得﹗

Diagonal Spread 技術要點

最近呢幾個月都集中係期指Trading~ 而對期權既Diagonal Spread比在三月時有更深的體會。會了不要忘記和留下給兒子。特此將部份和朋友討論的資料紀綠下來 

Digonal Spread可以說是攻守兼備。其要點在於必須

1) 先計算最大風險 (例如SC - LC) 的遠期 

2) SC LC之間只可一格遠

3) 扣減成本後，不可超過40%佔比

4) 如果時間相隔35日，後市突然急跌。可先平倉食糊

Digonal Spread 可算是變化萬千，後市急跌︳可平倉。或只平SC,留LC (要睇技術方向) . 或先拖到月尾，先勝一使在SC上。到下個月再開

例如好似今日2269 急跌，由於我上個月已做左個Digonal June July SC lC 2269. 食左SC時間值後︳我預期2269已過渡超賣，於是我就開Bear Call Spread . 果然今日急跌. 利用Theta Bear Call高於行使價去食IV / Theta~ 

呢個係方法之二

又或者之後做鎖倉(後續)

交易日誌：期指夜期Trading

 

由於5月3日持倉有兩張Naked Short 27400 同 26800 + LC28400 346點 x 2 

夜期持有一張期指28141 3/5 5:13PM買入

, 利用Fib Replacement 計法佢最少可反彈到28347 

為防過夜，所以我就set左自動盤去到28292平倉

同時計算 LC28400 Delta 約0.43左右。如果以當時的反彈計, 我推上88點計出後就平倉

Total 得到327點

之後係朝早開市就趁高位將其中一張27400 平倉,  得到19點

是日獲利346點

期指攻略 : 5月

 

5月份首開得到勝盤，今天採用既戰略係shoot and run~ 以50點為單位平倉 ，以免夜長夢多。

我認為做期指係唔應該過夜︳就算過夜，你都要做好Market Price Stop Lose ~由於今日睇到係28053已有"強大支持", 所以我已設定好只要唔跌破28020我係唔會平倉。而點解要採用咁快既平倉方式，我要先分析一下

1) 由於美股係星期五下跌較預期多

2)今朝一開市已跌300點︳我預計係十點前後個半小時會出現人踏人情況，散戶不問價賣貨，相信尾市會跌幅收窄

3) 國家隊放假中，呢個係好時機唔駛俾D莊家舞高弄低

所以決勝就要係9:30到10點半左右去食糊

在以上三個自己制定既方案後︳果然不出我所料，一開波就跌過龍，一插去到28053呢個全日最低位，大市係多次上茖呢個位都唔破，而我就利用彈出彈入方式, 做左十個trade左右︳獲利236點

臨近尾事︳我仲要加埋做多2張Naked Short Put 同 LC 284  x 2 全攻型．我最憎人做Naked Short , 亦成日同人講唔好做Naked Short, 但最唔守規則既就係自己 , 呢點係自己過渡自信既表現，因為係國家隊番黎之前︳睇番今個牛熊網向下既一方已Kill 盡，就算大戶點trade向下跟本唔會有乜野食，簡單黎過，相信呢幾日會出現向上既動力居上，之後會再引散戶買牛，後市未定方向。而我就會計劃係坐到一兩天貨先會去平倉

如果你係第一次睇呢個homepage既新手,就強烈Delete同唔好再睇茖去，因為做naked short係會死人的。呢兩張期指如果單計變0的話，係會輸260萬的。所以唔好亂咁做﹗最少你要有好似我咁20連勝以上以經驗同知點去Lock倉先好去做

另外我仲要分享埋上一篇文章，過渡自信既後果，就係我認為係國家隊呢個時間放假期間，大市係會夾升，點知居然係相反，我完全俾佢faked! 將10張 286 284 Bull Spread平倉，損手近1.9萬~ 

我了解番輪呢1.9萬有2點

1) 過渡自信 , 認為睇圖清楚突破平均線而做LC部署

2) 本身有20張期指，已賺左十幾點平倉，因為搬屋而唔睇市，同追唔切睇市, 只係平左十張。餘下那10張就係因為呢個mistake引起損手

所以錯就係錯，要記錄下來，提醒自己日後唔得閒就唔好玩

今日係Office就採用一個無擔心同enjoy方式黎玩下，冇任何壓力去trade 先可以發揮最大效果